Hierdie week gesels Wiele2Wiele oor die nuwe Suzuki Vitara Brezza en Peugeot se pragtige 2008. Hulle saal ‘n nuwe perd op met Perdekrag, gesels aërodinamika en Kirsten Landman inspireer jou vir 2Wiele.

Hierdie week gesels Wiele2Wiele oor ‘n Fortuner wat gepantser is, Ford wat R15,8 miljard in Suid-Afrika belê en die Toyota-droommotor-kunskompetisie. Hulle gee vir jou wenke oor hoe jy jou voertuig langer kan laat hou en daar is ook motorfietsnuus.

Hierdie week gesels Wiele2Wiele oor ‘n vinnige sedan – die Mercedes-AMG A35 – en dan verlaat hulle die teerpad met Mitsubishi se Pajero Sport. SVI Engineering en Ford SA vat hande om jou veilig te hou en Toyota SA deel goeie nuus tydens hulle SOMI-konferensie.

Hierdie week gesels Wiele2Wiele oor Suzuki SA se verkoopsyfers wat in 2020, te midde van die Covid-19-pandemie, toegeneem het en gaan ry dan ook met hulle Baleno en Vitara Turbo. Hulle gesels oor die Renault Duster TechRoad wat hulle beïndruk het, gee raad oor DPF-filters en gesels met Clinton Pienaar by KTM Paarl oor die Superbike-tydskrif wat jy weer gratis kan gaan lees.

Hierdie week gesels Wiele2Wiele oor die Honda WR-V waarmee hulle tydens die feesseisoen rondgerits het en gaan kyk na die hoogtepunte, laagtepunte en inspirasie-oomblikke van die 2021 Dakar-veldtydren. Hulle gee ook vir jou goeie raad en gesels oor ‘n nuwe motorfiertsprojek.

Jeanette Kok-Kritzinger van Wiele2Wiele en Stephie Vetter van die Southern Africa Dakar Group hou ons op hoogte van wat in die Dakar-tydren gebeur en hoe dit met ons Suider-Afrikaanse deelnemers gaan.

Ten spyte van ‘n moeilike jaar wêreldwyd, kyk Wiele2Wiele terug na hulle 2020 Wiele-hoogtepunte. Hulle deel ‘n inspirerende storie oor ‘n seuntjie wat se droom 51 jaar later bewaardheid is en Dunlop Tyres gee wenke wat selfs jou kroos op die langpad sal besig hou.

Hierdie week gesels Wiele2Wiele oor ‘n voertuig wat sy verrigting onder ‘n dekmantel wegsteek – Audi se S6-sedan. Hulle gaan ry ook met Toyota se nuwe kragtiger Fortuner en met Volvo se luukse XC60-sportnuts. Die span vertel jou ook meer oor die Kyalami-9-uur-uithouren en gesels met die manne van Toyota Gazoo Racing SA wat ons vlag hoog gaan hou by die 2021 Dakar-ren.

Hierdie week vir Wiele2Wiele rol die wiele saam met Ford SA om ‘n verskil te maak met hulle “RangeHER Drives with a Mission”-projek. Hulle gaan ry ook met BMW se nuwe 4-reeks, Kia se opgeknapte Rio en vertel jou hoe jy musiek met ‘n uitlaatsisteem kan maak.

In hierdie week se episode van Wiele2Wiele rol die wiele teen ‘n spoed met drie bekendstellings – Volkswagen se langverwagte T-Roc in hulle T-sportnuts reeks, Hyundai se spliternuwe Creta en Toyota se nuwe intree A-segment-model, die Agya.