Wiele2Wiele

Die egpaar Carl en Jeanette Kritzinger bespreek weekliks in Wiele2Wiele die jongste motornuus, van bekendstellings en padtoetse tot algemene nuus en nuttige wenke.

Hierdie week kwyl Wiele2Wiele oor Lamborghini se kragtigste voertuig nog – die Sián Roadster. Hulle rits ook rond met Ford se gewilde Figo Blu en raak opgewonde oor Land Rover wat hierdie week hulle nuwe Defender bekendstel. Die span deel ook goeie nuus oor die Kyalami 9 uur-uithouren en gesels oor uitlaatstelsels en snaakse motorfietse.

Hierdie week raak Wiele2Wiele statig met Bentley se splinternuwe Bentayga en raak opgewonde oor Volkswagen Motorsport SA wat hulle GTC-renmotor bekendgestel het. Hulle ry ook met Audi se luukse A7 Sportback. Dan gaan kuier hulle weer om die kampvuur saam met Ironman4x4.

Hierdie week gaan ry Wiele2Wiele met ʼn bakkie wat voel soos ʼn sportnuts – Volkswagen se Amarok Canyon. As jy jou hande op Renault se Megane RS 300 Trophy wil kry sal jy vinnig moet spring aangesien daar net sewe beskikbaar is. Verkies jy ‘n inlyn-, of V6-enjin en vir 2-wiele is dit tyd vir die Superbike-tydskryf, wat jy weer gratis aanlyn kan gaan lees.

Hierdie week gesels Wiele2Wiele oor drie uiteenlopende sportnutse – die Mitsubishi ASX, Volvo XC60 en oor die nuwe Volkswagen T-Roc. Vir die weeklikse wenk kyk hulle na ‘n 6,7 liter SVI Max 9 gepantserde voertuig en kry hoendervel oor verskillende motorfietsklanke vir 2-wiele.

Hierdie week gesels Wiele2Wiele oor drie uiteenlopende voertuie: Van die vinnigste produksiesportnutsvoertuig wat nog gebou is tot ʼn besigheidsklas-sedan tot ʼn opgepompte buksie.

Wat kry jy as jy ʼn ikoniese motor se tydlose styl kombineer met ultramoderne tegnologie en ontwerp? Nog ʼn ikoon natuurlik, soos met die Porsche 911 Targa 4S Heritage Design Edition. Die egpaar Carl en Jeanette Kritzinger bespreek weekliks in Wiele2Wiele die jongste motornuus.

Hierdie week gesels Wiele2Wiele met Wils Raubenheimer van Hertz Suider-Afrika, wat volstoom aan die gang is ten spyte van Amerika wat swaar trek. Motus sê die beste tyd om ʼn motor te koop is nou en dan gaan ry die span met Hyundai se klein Atos-buksie, wat al ‘n paar toekennings ingepalm het. Alternatiewe gebruike vir brandstof klink slim maar dit is nie en vir 2Wiele gaan die manne terug in tyd saam met Honda.

Hierdie week gaan ry Wiele2Wiele met twee uiteenlopende voertuie – Alfa Romeo se Stelvio Q4-vuurwa en Suzuki se sakpas S-Presso. Hulle gaan kuier om die kampvuur saam met Mic van Zyl van Ironman 4x4 en droom saam van hulle volgende 4x4 avontuur.

Hierdie week gaan Wiele2Wiele terug in tyd na 1965 toe die eerste Porsche Targa bekendgestel is voor hulle gesels oor die nuwe Porsche 911 Targa 4 en 911 Targa 4S. Die span raak nostalgies wanneer hulle met Rian van Eeden gesels oor sy versameling van Matchbox-karretjies. Hulle gee ook raad oor batterye en kyk na die Mei 2020-uitgawe van die Superbike SA-tydskrif, wat jy weer gratis kan lees.

Hierdie week gaan Wiele2Wiele terug in tyd met Gerrida Dickson wat die storie vertel van haar eerste motor. Hulle sien die nuwe Huracán Evo RWD Spyder in hul eie motorhuis nadat Lamborghini die voertuig virtueel deur middel van verhoogde realiteit (augmented reality) bekend gestel het. Hulle gesels oor BST-koolstofveselvellings en raak nostalgies oor die Suzuki Katana-motorfiets.