Hierdie week gaan ry Wiele2Wiele met Suzuki se groot ‘renstel’, die Suzuki Swift Sport. Hulle ry ook in styl rond met Audi se Q3, staan verbaas oor die Haval H2, wonder of jy hibriede-motors se brandstofsyfers kan vertrou en ‘Trompie’ kom kuier vir 2-wiele.

In die episode vertel Wiele2Wiele jou meer oor die Hyundai Atos waarmee hulle die afgelope Desember-vakansie rondgerits het en Mahindra se gewilde Pik Up-bakkie wat nou beskikbaar is met ʼn outomatiese ratkas.

In hierdie program gesels Wiele2Wiele oor interessante feite rakende die Dakar-veldtydren, gaan kuier om die kampvuur saam met Ironman 4x4 en maak jou lus vir jou volgende vakansie.

Wiele2Wiele begin die jaar met skreeuende bande en Car-tydskrif se ‘Performance Shootout’, gesels oor ʼn sterk en kragtige Kawasaki-motorfiets en oor die Suider-Afrika 2020 Dakar-veldtydren-deelnemers.

Hierdie week ry Wiele2Wiele met Volkswagen se T-Cross, Opel se Combo Life-nutsbussie en Peugeot se sewesitplek 5008. Ironman 4x4 gee ook vir jou raad oor bande en vellings.

Hierdie week ry Wiele2Wiele met die sakpas Peugeot 108, woon die bekendstelling van die nuwe Hyundai Venue-sportnuts by, verduidelik hoe hibriede voertuie werk met twee aandryfstelsels, raak futuristies vir 2-Wiele oor ʼn elektriese- en ʼn 1800cc bokser BMW motorfiets en sit ook die kollig op Hennie de Klerk se TreasuryOne, Nissan Navara vir Dakar 2020.

Hierdie week gesels Wiele2Wiele oor die Suzuki Vitara Turbo, die Datsun GO CVT en hulle gaan terug in tyd oor tegnologie wat verdwyn. En dan skyn die kollig op Graeme Sharp vir Dakar 2020.

Wiele2Wiele raak hierdie week nostalgies saam met van die renjaers en hul eie Kyalami-stories. Ons rits rond met die Renault Kwid, gesels oor die nuwe Lexus RX en Ironman 4 x 4 gee raad oor die moets en moenies van 4 x 4-herwinning.

Die egpaar Carl en Jeanette Kritzinger bespreek weekliks in Wiele2Wiele die jongste motornuus, van bekendstellings en padtoetse tot algemene nuus en handige wenke.

Hierdie week gesels Wiele2Wiele oor die nuwe JCW Mini Countryman en Clubman, die nuwe ‘Ford vs Ferrari’-rolprent en die motorfietsryers van Suider-Afrika wat jy tydens die Dakar 2020 kan ondersteun.