Wiele2Wiele

Hierdie week raak Wiele2Wiele nostalgies oor die ikoniese GTI-handelsmerk in Suid-Afrika. Hulle praat verder oor Toyota se planne, insluitend die nuwe Toyota Corolla Sedan en daar is motorsportnuus. Daar word ook gekyk na voertuie wat op petrol en gas loop en vir 2Wiele het SuperBike Magazine vir jou fantastiese nuus met die tydskrif wat nou gratis beskikbaar is om te lees.

Hierdie week gesels Wiele2Wiele met Toyota Suid-Afrika oor sy onmiddellike planne rakende die Covid-19-pandemie en daar word gekyk na die wenners van AutoTrader se Motor van die Jaar-kompetisie. Verder word daar saam met Ironman 4x4 om die spreekwoordelike kampvuur gekuier en die span raak nostalgies saam met Suzuki SA wanneer daar oor die nuwe DL1050XT V-Strom motorfiets gesels word.

Hierdie week vertel Wiele2Wiele hoe jy die aankondiging van AutoTrader se Suid-Afrikaanse Motor van die Jaar kan kyk. Intussen gaan MasterDrive aanlyn met gevorderde-bestuurskursusse en hulle ‘E-Learning’-program.

Hierdie week tydens Wiele2Wiele gee Ford kwartantyn-wenke vir jou voertuig. Jy kan nou op ‘n virtuele Audi-fabriektoer gaan en daar is goeie nuus oor jou voertuigdienste en fabriekswaarborg.

Hierdie week gesels Wiele2Wiele oor Jaguar Land Rover SA wat aktief besig is saam met die Suid-Afrikaanse Rooikruisvereniging te midde van die Covid-19-pandemie en hoe hulle tot Jesse Kriel se redding gekom het voor die afsonderingstydperk begin het.

Intussen sê Volvo Suid-Afrika daar is lig aan die einde van die donker tonnel nadat die Volvo-fabriek in China weer oopgemaak het.

Nicol Louw gesels oor enjins wat van direkte petrolinspuiting gebruik maak en in Wiele2Wiele word daar meer uitgevind oor die man met die ZA Bikers-valhelm.

Tydens die nasionale inperking bly Wiele2Wiele se wiele nog spreekwoordelik aan die rol – hulle gesels oor die nuwe 12de generasie Toyota Corolla – praat oor sagterware wat al jou geheime verklap, Braam Smit van ZA Bikers inspireer ons met ‘n 2Wiele storie en dan gaan Ironman 4x4 jou help om jou kroos besig te hou oor hierdie tyd.

Hierdie week vir Wiele2Wiele gaan die klanke van Lamborghini se Huracán Evo en Urus Super Sportnuts jou laat glimlag. Suzuki SA laat nie toe dat ‘n virus hulle moed breek nie en gaan digitaal met die bekendstelling van die nuwe S-presso. Die span vertel jou wat gebeur as jy sonder diesel gaan staan en is breëbors trots oor Taye Perry wat die manne ‘n ding of twee gewys het by die Sonora Rally in Mexiko.

Hierdie week kyk Wiele2Wiele na die 14 finaliste van die AutoTrader South African Car of the Year-kompetisie. Die span gaan ry met die Mazda 3-luikrug, staan verbaas oor die splinternuwe Land Rover Discovery Sport, gesels oor silinder-deaktivering en wonder watter motorfietshelde jou beïnvloed.

Hierdie week gaan ry Wiele2Wiele met die Lexus UX 250h SE-hibried, gesels met Brendon Staniforth van Maroela Media oor die Suzuki S-Presso wat hy in Indië ervaar het, gee vir jou meer inligting oor verkope in die tweedehandse-voertuigmark en hoor waarmee Taye Perry doenig is na Dakar 2020.

Hierdie week gesels Wiele2Wiele oor Toyota se opgeknapte CH-R, BMW se M135i en VW se Caddy 1.0 TSI. Hulle leer jou meer oor laers (bearings) en maak jou lus vir lees oor motorfietse, wanneer hulle met Clinton Pienaar van die Superbike SA-tydskrif gesels.