Hierdie week kyk Wiele2Wiele na die 14 finaliste van die AutoTrader South African Car of the Year-kompetisie. Die span gaan ry met die Mazda 3-luikrug, staan verbaas oor die splinternuwe Land Rover Discovery Sport, gesels oor silinder-deaktivering en wonder watter motorfietshelde jou beïnvloed.

Hierdie week gaan ry Wiele2Wiele met die Lexus UX 250h SE-hibried, gesels met Brendon Staniforth van Maroela Media oor die Suzuki S-Presso wat hy in Indië ervaar het, gee vir jou meer inligting oor verkope in die tweedehandse-voertuigmark en hoor waarmee Taye Perry doenig is na Dakar 2020.

Hierdie week gesels Wiele2Wiele oor Toyota se opgeknapte CH-R, BMW se M135i en VW se Caddy 1.0 TSI. Hulle leer jou meer oor laers (bearings) en maak jou lus vir lees oor motorfietse, wanneer hulle met Clinton Pienaar van die Superbike SA-tydskrif gesels.

Hierdie week raak Wiele2Wiele jonk van gees met die Citroën C3. Maroela Media se eie Brendon Staniforth vertel meer oor die Isuzu D-max 2,5 wat nou beskikbaar is met ʼn outomatiese ratkas en die span raak nostalgies vir 2Wiele.

Vandeesweek het die Wiele2Wiele-span met Hyundai se nuwe i30 N gespeel. Kia het die stilte met die Seltos-sportnutsvoertuig verbreek wat beslis jou aandag gaan trek en Renault verbaas almal met die prys van sy nuwe sewesitplek-voertuig.

Hierdie week versit Wiele2Wiele berge met die Ford Everest, voel weer jonk met Citroen se C3 Aircross en durf die stad se verkeer moeiteloos met die Datsun GO CVT aan.

Hierdie week gaan rits Wiele2Wiele rond met Audi se ‘luislang geel’ A1 Sportback, raak depressief oor die SOMI-konferensiesyfers maar skep dan moed met die bekendstelling van Toyota se nuwe Corolla Quest. Hulle vertel jou van ʼn elektriese Mustang, die Mach-E, en dan is ons Suid-Afrikaanse span op pad om die kroon te gaan verdedig by die internasionale BMW GS Trophy in Nieu-Seeland.

Hierdie week gaan ry Wiele2Wiele met Suzuki se groot ‘renstel’, die Suzuki Swift Sport. Hulle ry ook in styl rond met Audi se Q3, staan verbaas oor die Haval H2, wonder of jy hibriede-motors se brandstofsyfers kan vertrou en ‘Trompie’ kom kuier vir 2-wiele.

In die episode vertel Wiele2Wiele jou meer oor die Hyundai Atos waarmee hulle die afgelope Desember-vakansie rondgerits het en Mahindra se gewilde Pik Up-bakkie wat nou beskikbaar is met ʼn outomatiese ratkas.

In hierdie program gesels Wiele2Wiele oor interessante feite rakende die Dakar-veldtydren, gaan kuier om die kampvuur saam met Ironman 4x4 en maak jou lus vir jou volgende vakansie.