አአ፥ የአሜሪካው የውጭ ጉዳይ ሚኒስትር ከኢትዮጵያው ጠቅላይ ሚኒስትር ጋር ዛሬ በስልክ መነጋገራቸውን ተገለጠ፤ ማይጨው፣ ጀነራል ታደሰ ትግራይ ክልል ደቡባዊ ዞን ዛሬ ሹም ሽር አደረጉ፤ አ.አ፥ የታላቁ ሕዳሴ ግድብ ማስተባበሪያ ጽሕፈት ቤት ምላሽ ለዶናልድ ትራምፕ፤ ቤሮ፥ ደቡብ ምዕራብ ኢትዮጵያና ጋምቤላ ክልል አዋሳኝ ማዕድን በማውጣት በተቀሰቀሰ ጠብ ሰዎች ተገደሉ፤ ጋሞ፥ የቀድሞው የኢትዮጵያ ብሔዊ እግር ኳስ ቡድን ተጫዋችን የገደሉ «16ና 15 ዓመት ተፈረደባቸው፤ ናይሮቢ፥ በተከለከለ ንጥረ ነገር የተጠረጠሩ የኬንያ አትሌቶች ላይ ምርመራ ተከፈተ

የሐምሌ 14 ቀን 2017 ዓ.ም. አርዕስተ ዜና

በደቡብ ኢትዮጵያ ክልል ከ40 ሺህ በላይ የመንግሥት ሠራተኞች ያለመደብ መቀጠራቸውን የክልሉ ርዕሰ መስተዳድር አቶ ጥላሁን ከበደ በአርባ ምንጭ ከተማ በተካሄደው የክልሉ 6ኛ ዙር 5ኛ መደበኛ ጉባኤ ላይ ተናገሩ።

የዩክሬኑ ፕሬዝዳንት ቮሎዶሚር ዜሌንስኪ፣ በኬቭ እና በሞስኮ መካከል የሚካሄደው ጦርነት እንዲቆም ባቀረቡት 3ተኛ ዙር የድርድር ሀሳብ እንደምትስማማ ክሬምሊን ዛሬ አረጋገጠች።

የእስራኤል ጦር ወደ ጋዛው ዴር አልባላህ ዛሬ ታንኮቹን አሰማራ። ጦሩ ታንኮቹን ያሰማራባት ዴር አልባላህ የተቀሩት የእስራኤል ታጋቾች ይገኙበታል ብሎ በሚያምነበት የሚያምንበት አካባቢ ነው።

የኤርትራው ፕረዚደንት መግለጫ ፤ የግብፅ ፖሊስ የሐማስ ታጣቂ ቡድን አባላትመግደሉን፤በደቡብ ሶሪያ በተቀሰቀሰው ጎሳና ሐይማኖትን መሰረት ባደረገ ግጭት አንድ ሳምንት ባልሞላ ጊዜ ውስጥ የሞቱ ሰዎች ቁጥር ከ1,000 በለጠ።

የሐምሌ 11 ቀን 2017 ዓ.ም. አርዕስተ ዜና

መንግሥት የሠራተኞች ዝቅተኛ የደሞዝ ወለል ተግባራዊ እንዲያደርግ የኢትዮጵያ ኤኮኖሚክስ አሶስየሽን ማኅበር ጠየቀ።

ዩናይትድ ስቴትስ ወደ ደቡብ አፍሪቃዊቷ ሀገር ኤስዋቲኒ የጠረዘቻቸው 5 ስደተኛ እስረኞች ላልተወሰነ ጊዜ በተለየ ቦታ ለብቻቸው ተይዘው እንደሚቆዩ የኤስዋቲኒ መንግሥት ዐሳወቀ።

የአውሮጳ ኅብረት በዩክሬኑ ጦርነት ምክንያት ለ18ተኛ ጊዜ በሩስያ ላይ ዛሬ አዳዲስ ማዕቀቦች ጣለ። በተለይ በሩስያ ነዳጅ ዘይት ላይ የተጣለውን ማዕቀብ የሚያካትተው የአዲሱ ማዕቀብ ዓላማ በሩስያ ላይ ግፊቱን ጠናከር ነው ተብሏል።

በአማራ ክልል ምዕራብ ጎጃም ዞን ደጋ ዳሞት ወረዳ ፈረስ ቤት ከተማ ትናንት በመንግሥት ኃይሎች እና በፋኖ መካከል ከፍተኛ ውጊያ እንደነበር ተሰማ።

እራሱን እስላማዊ መንግሥት የሚለው ጽንፈኛ ቡድን አባላት መሆናቸው የተጠረጠ 82 ግለሰቦችን በቁጥጥር ሥር ማዋሉን የብሔራዊ የስለላና የደኅንነት አገልግሎት ዐሳወቀ።

በአፋር ክልል አፍዴራ ከተማ ትናንት ምሽት የጣለዉ ብርቱ ንፋስ የቀላቀለ ዝናብ ለአንድ ሰዉ ሕይወት መጥፋት ምክንያት ሆነ፤ 31 ሰዎችም ተጎዱ። በሺህዎች የሚቆጠሩም ተፈናቅለዋል።

የኬንያ መንግሥት ለበርካታ የአፍሪቃ እና የካሬቢያን ሃገራት የይለፍ ፈቃድ መስፈርቶችን አነሳ።

አርስተ ዜና፤

-የዩናይትድ ስቴትስ ፕሬዚዳንት ዶናልድ ትራምፕ እንደ ቻይና እና ህንድ ባሉት የሩሲያ የንግድ አጋሮች ሸቀጥ ላይ እስከ 100 በመቶ የሚደርስ የትራፊ ጭማሪ እጥላለሁ አሉ። የሩሲያ ባለሥልጣናት ግን ይህ እርምጃ ጦርነቱን ከማስቀጠል በቀር ምንም የሚፈይደዉ ነገር የለም ሲሉ አጣጣሉት አጣጥላዋለች።-ድንበር የለሽ ሐኪሞች ድርጅት የተባለዉ ግብረ ሠናይ ድርጅት የዛሬ አራት ዓመት ትግራይ ክልል ዉስጥ ሆነ ተብሎ ስለተገደሉ ሦስት ባልደረቦቹ አሟሟት ያደረገዉን የዉስጥ ምርመራ ዉጤት ዛሬ በይፋ አሰራጨ።-በደቡብ ኢትዮጵያ ክልል ደቡብ ኦሞ ዞን ከ80 ሺህ በላይ ነዋሪዎች በኦሞ ወንዝ ሙላት መከባባቸውን ነዋሪዎች ገለፁ፡፡

የሐምሌ 7 ቀን 2017 ዓ.ም. አርዕስተ ዜና

ሊቢያ ውስጥ በወሮበሎች ተይዘው ሲሰቃዩ የነበሩ ከ100 በላይ ስደተኞች ነጻ መውጣታቸውን ሊቢያ አስታወቀች።ከመካከላቸው 5 ሴቶች ይገኙባቸዋል።

የአውሮጳ ኅብረት ከዋሽንግተን ጋር የሚያካሂደው የታሪፍ ንግግር ክልተሳካ 72 ቢሊዮን ዩሮ የሚያወጡ የአሜሪካን ምርቶች የታሪፍ ጭማሪ ዒላማ ሊሆኑ እንደሚችሉ አስጠነቀቀ።

ባለፉት ሁለት ወራት ስፔን ውስጥ ከፍተኛ ሙቀት 1,180 ሰዎችን መግደሉን የሀገሪቱ የአካባቢ ሚኒስቴር አስታወቀ። እንደ ሚኒስቴር መስሪያ ቤቱ እንዳለው ከሟቾቹ አብዛኛዎቹ እድሜያቸው ከ65 ዓመት በላይ ነው። ከግማሽ በላይ የሚሆኑት ደግሞ ሴቶች ናቸው።