አርስተ ዜና፤

--ፕሬዚዳንት ትራምፕ ከሩስያዉ ፕሬዚዳንት ጋር በስልክ ከተነጋገሩ በኋላ "ፑቲን ከዩክሪን ጋር የጀመረዉን ጦርነት የማቆም ፍላጎት የለዉም አሉ"። ሩሲያ 550 ድሮን እና ሚሳኤሎችን ተጠቅማ ዩክሬይን ላይ ከፍተኛ የተባለ ድብደባ ፈጽማለች።

--የኢትዮጵያ ጠ/ሚ ዐብይ አሕመድ በህዳሴ ግድብ ምረቃ ላይ የሱዳን፣ የግብፅና የሌሎች የዓባይ ተፋሰስ ሐገራት መሪዎች እንዲገኙ ያቀረቡትን ግብዣ ግብፅ ዉድቅ አደረገችዉ።

--የፍልስጤሙ ሽምቅ ተዋጊ ቡድን ሃማስ ከእስራኤል ጋር ጋዛ ላይ የሚያካሂደዉን ጦርነት በተመለከተ አንድ የስምምነት ሐሳብ ላይ ለመድረስ ከሌሎች የፍልስጤም ቡድኖች ጋር ውይይት እያደረገ መሆኑን አስታወቀ።

የሰኔ 26 ቀን 2017 ዓ.ም. አርዕስተ ዜና

የኢትዮጵያ ጠቅላይ ሚኒስትር ዐብይ አህመድ የታላቁ የኢትዮጵያ ህዳሴ ግድብ ስራ ማለቁንና የፊታችን መስከረም በይፋ ሊመረቅ ዝግጅት እየተደረገ መሆኑን ዛሬ ተናግረዋል።

የእስራኤል ኃይሎች ዛሬ በጋዛ ባካሄዱት ድብደባ ቢያንስ 69 ሰዎች ተገድለዋል ሲል የጋዛ የሲቪል መከላከያ ኤጀንሲ አስታወቀ። እንደ ኤጀንሲው 5ቱ በአንድ ትምሕርት ቤት ውስጥ ተጠልለው የነበሩ የጋዛው ጦርነት ተፈናቃዮች ናቸው። ከሞቱት ውስጥ እርዳታ በመጠበቅ ላይ የነበሩ 38 ሰዎችም ይገኙበታል።

የሩስያ ባህር ኃይል ምክትል ሃላፊ ሜጀር ጀነራል ሚኻኤል ጉዳኮቭ ከዩክሬን ጋር በተካሄደ ውጊያ ረቡዕ ተገደሉ።

በያዝነው ዓመት የዩናይትድ ስቴትስ እርዳታ መቋረጥ ከሀገራቸው የሚሰደዱ ሰዎች ቁጥር በእጥፍ እንዲጨምር ያደርጋል ሲል አንድ የረድኤት ድርጅት አስጠነቀቀ።

ጋዛ ውስጥ እርዳታ ለማከፋፈል የተዘረጋው በዩናይትድ ስቴትስ እና እስራኤል የሚደገፈው ተቋም ሲቪሎችን ለሞትና ጉዳት እያጋለጠነው በማለት 171 የረድኤት ድርጅቶች እንዲቋረጥ ጠየቁ።

በጀርመኗ ሜልሪች ሽታት ከተማ አንድ የኤሌክትሪክ አቅራቢ ኩባንያ ሠራተኛ ባልደረቦቹ ላይ በባደረሰው ጥቃት የአንድ ሰው ሕይወት ሲያልፍ ሌሎች ሁለቱ ላይ ከባድ ጉዳት ደረሰ።

ሩሲያ ከዩክሬን ጋር የገባችበትን ጦርነት ለማስቆም የሚደረገውን የሰላም ውይይት በማጓተት የቀረበባትን ወቀሳ ውድቅ አደረገች።

አርስተ ዜና፤

--የጀርመኑ ውጭ ጉዳይ ሚንስትር ዛሬ ዩክሪን መዲና ኪይቭን ሲጎበኙ ሃገራቸዉ ጀርመን ከዩክሬን ጎን በመቆም ዩክሬን እራሷን መከላከል እንድትችል በዘመናዊ የአየር መከላከያን ጨምሮ የሰብአዊ እና ኢኮኖሚያዊ ዕርዳታ እንደምታደር ገለፁ። --እስራኤል በሰሜናዊ ጋዛ እጅግ አስከፊ የቦንብ ድብደባ መፈፀሟ ተገለፀ ። የተኩስ አቁም ይደረጋል ተብሎ እየተጠበቀ ባለበት በአሁኑ ወቅት፤ እስራኤል ፍልስጤማዉያን ሰሜናዊ ጋዛን ለቀዉ እንዲወጡ ጠይቃለች። --በአማራ ክልል ሰሜን ወሎ ዞን ግዳን ወረዳ ትናንት በደረሰ ጥቃት ህጻናትን ጨምሮ የሰዎች ህይወት ጠፋ።--በተለያዩ የአዉሮጳ ክፍሎች ከፍተኛ የአየር ሙቀት ተከሰተ።

በአማራ ክልል ከተሞች በሺሕዎች የሚቆጠሩ ነዋሪዎች የተሳተፉባቸው መንግሥትን የሚደግፉ ሰልፎች ተካሔዱ። የኢትዮጵያ ፌደራላዊ ዴሞክራሲያዊ አንድነት መድረክ “ቁልፍ የዴሞክራሲ ተቋማት ገለልተኛ አለመሆን” እና “በተቃዋሚ ፓርቲዎች ላይ የሚደርሰውን ጫና” አወገዘ። የዩጋንዳ ፕሬዝደንት ዮዌሪ ሙሴቬኒ በሚቀጥለው ዓመት በሚካሔደው ምርጫ የመሳተፍ ፍላጎት እንዳላቸው አስታወቁ። እስራኤል 12 ቀናት የዘለቀውን ውጊያ የገታውን የተኩስ አቁም ታከብራለች የሚል ዕምነት እንደሌላት ኢራን ሥጋቷን ገለጸች። የኢየሩሳሌም ፍርድ ቤት በእስራኤል ጠቅላይ ሚኒስትር ቤኒያሚን ኔታንያሁ ላይ የቀረበውን የሙስና ክስ ለመመልከት ይዞት የነበረውን ቀጠሮ ሰረዘ።

በደቡብ ኢትዮጵያ ክልል ኮሬ ዞን ታጣቂዎች ሁለት አርሶ አደሮችን በጥይት ደብድበው መግደላቸውን የዞኑ ፖሊስ መምሪያ አስታወቀ። ኢትዮጵያን ጨምሮ በ39 ኢኮኖሚዎች ግጭት እና አለመረጋጋት ከየትኛውም የዓለም ክፍል በባሰ ሁኔታ ድሕነት እና አስከፊ ረሐብ ማባባሱን ዓለም ባንክ ይፋ አደረገ። አዲስ የተሾሙት የሱዳን መከላከያ ሚኒስትር እና የሀገር ውስጥ ጉዳይ ሚኒስትር ቃለ መሐላ ፈጸሙ። የኑክሌር ሳይንቲስቶች እና ከፍተኛ ወታደራዊ መኮንኖችን ጨምሮ ኢራን ከእስራኤል ባደረገችው ውጊያ የተገደሉ 60 ሰዎች ብሔራዊ ሥርዓተ ቀብር ተፈጸመ። በጋዛ ሠርጥ በተፈጸሙ የእስራኤል ጥቃቶች ቢያንስ 81 ተገደሉ

የሰኔ 20 ቀን 2017 ዓ.ም. አርዕስተ ዜና

ከመላ ኢትዮጵያ፣ በሕገወጥ መንገድ በመተማ ዮሐንስ በኩል፣ ወደ ሱዳን የሚሰደዱ ወጣቶችና ህፃናት ቁጥር በእጅጉ እየጨመረ መሆኑን የምዕራብ ጎንደር ዞን አስታወቀ። በዞኑ የሴቶች፣ ህፃናትና ማህበራዊ ጉዳይ መምሪያ እንዳለውበተለይ ከትግራይ ክልል የሚሰደዱት ቁጥር ከፈተኛ ነው።

ምያንማር ውስጥ አሁንም በአጋቾች እንደተያዙ ነው የተባሉ 42 ኢትዮጵያውን እጣ ፈንታ አለመታወቁን በምያንማር የተጎጂ ወጣቶች ቤተሰቦች አስተባባሪ ለዶቼቬለ ተናገሩ።

ዋሽንግተን ያሸማገለቻቸው የኮንጎ ዴሞክራሲያዊት ሪፐብሊክና ሩዋንዳ ዛሬ ዋሽንግተን ውስጥ የሰላም ስምምነት ይፈራረማሉ ተብሎ እየተጠበቀ ነው።

-የኢትዮጵያ መንግስት የሥራ ሁኔታ እንዲሻሻልላቸዉ የጠየቁ የሕክምና ባለሙያዎችን ማሠርና ማዋካቡን እንዲያቆም ሑዩማን ራይትስ ዋች ጠየቀ።ዓለም አቀፉ የሠብአዊ መብት ተሟጋች እንድርጅት እንደሚለዉ የኢትዮጵያ ባለሥልጣናት ለጥያቄዉ ተገቢ መልስ ከመስጠት ይልቅ ጠያቂዎቹን ያስራሉ፣ያዋክባሉ፣ ማሕበራቸዉን ያግዳሉም።---የኬንያ ፀጥታ አስከባሪዎች ትናንት አደባባይ በወጡ ተቃዉሞ ሰልፈኞች ላይ በወሰዱት የኃይል ርምጃ የሞቱት ሰዎች ቁጥር 16 ደረሰ።ከ400 በላይ ቆስለዋል።--የእስራኤል-የዩናይትድ ስቴትስ ባለሥልጣናትና የኢራን ጠላቶቻቸዉ የገጠሙት የቃላት ዉዝግብ እንቀጠለ ነዉ።ሶሥቱም በየፊናቸዉ ድል እድርገናል ይላሉ።

ድሬዳዋ፥ በኢትዮጵያ ምሥራቃዊ አካባቢዎች ብርቱ ዝናብ ይጠበቃል፤ ጄኔቫ፦ ኤርትራ ተመድ የመብት ጥሰት ጥርጣሬ ላይ የሚያደርገው ምርመራ እንዲቋረጥ መሻቷ ተገለጠ፤ ኖዋክቾት፥ ዩክሬን ሩስያን ለመገዳደር አፍሪቃ ውስጥ ተጨማሪ ኤምባሲ መክፈቷ ተገለጠ፤ ናይሮቢ፥ በኬንያ የአደባባይ ተቃውሞ ቢያንስ ሁለት ተገደሉ፤ ዘ ሔግ፥ የኢራን እና እሥራኤል የተኩስ አቁም ስምምነት በቀላሉ የመጣስ ሥጋት ያጠላበት ነው፤ ዘ ሔግ፦ ዩናይትድ ስቴትስ ለኔቶ መከላከያ ቄቁርጠኛ አቋም አላት ተባለ