አርስተ ዜና፤

--በተባበሩት አረብ ኤሜሬቶች የሚደገፈው የደቡብ የሽግግር ምክር ቤት የተሰኘው የደቡብ የመን ተገንጣይ ቡድን መፍረሱን አስታወቀ። የቡድኑ መሪ ከቀናት በፊት ከየመን በባሕር ወደ ሶማሌላንድ በመጓዝ ከዚያ በአውሮፕላን ወደ አቡዳቢ መግባታቸውን ሳውድ አረቢያ መግለጻ ይታወሳል። --ትግራይ ክልል በኢኮኖሚ ፖለቲካዊ እና ማኅበራዊ እና ፀጥታ ስጋት ዉስጥ መሆንዋ ተነገረ።--የአዲሱ የቬንዙዌላ ጊዜያዊ አስተዳደር በማዶሮ ዘመን እስር ላይ የነበሩ በርካታ ታዋቂ የፖለቲካ እስረኞችን ለቀቀ።--ኢራን ዉስጥ በተከሰተዉ የኑሮ ውድነት ምክንያት የተነሳዉ ፀረ መንግሥት ተቃዉሞ ዛሬም ተባብሶ እንደቀጠለ ነዉ።

ባለፉት ሁለት ሳምንታት በማዕከላዊ ኢትዮጵያ ክልል ምሥራቅ ጉራጌ ዞን በምሥራቅ መሥቃን ወረዳ እና በማረቆ ልዩ ወረዳ በታጣቂዎች ጥቃት 11 ሰዎች መገደላቸው፤ ሌሎች 10 ደግሞ መቁሰላቸው ተነገረ።

በሳዑዲ አረቢያ የሚታደኑት የደቡብ የመን ተገንጣይ ቡድን መሪ አይደሩስ አል ዙበይዲን ከየመን በድብቅ ወደ አቡዳቢ መዉሰዳቸዉ ተሰማ።

ቻይና ዩናይትድ ስቴትስ በዓለም አቀፍ የባሕር ቀጣና የሌሎች ሃገራትን መርከቦች በዘፈቀደ መያዟ ዓለም አቀፍ ሕግ የጣሰ ነው ስትል ኮነነች።

ኢራን ውስጥ የኤኮኖሚ መዳከም የቀሰቀሰው ሕዝባዊ ተቃውሞ በመላው ሀገሪቱ መዳረሱ እየተነገረ ነው።

አርስተ ዜና --አሜሪካ ከቬንዙዌላ ነዳጅ ጋር ግንኙነት ያለው የሩስያ ባንዲራን ያነገበ የነዳጅ ጫኚ መርከብ አትላንቲክ ውቅያኖስ ላይ መያዝዋን አስታወቀች። የአሜሪካ ጦር ሌላ የካሪቢያን ባህር ጫኝ መርከብንም በቁጥጥር ስር አውሏል። በሌላ በኩል ትራምፕ የቬንዙዌላ "ጊዜያዊ አስተዳደር" እስከ 50 ሚሊዮን በርሜል ድፍድፍ ነዳጅ ለአሜሪካ እንደሚያስረክብ አስታወቁ።--በኢትዮጵያ የኢየሱስ ክርስቶስ የልደት በአል በድምቀት እየተከበረ ነዉ።--ኢትዮጵያ እና የተባበሩት አረብ ኤምሬቶች "አንዳቸው የሌላኛቸውን ሰላም እና ደኅንነት" እንዲሁም "የግዛት አንድነት ለማስጠበቅ" ያላቸውን ስልታዊ አጋርነት በድጋሚ ማረጋገጣቸዉ ተሰማ።

-የእስራኤል ዉጪ ጉዳይ ሚንስትር ጌዲዮን ሰዓር ራስዋን የሶማሊላንድ ሪፐብሊክ ብላ የምትጠራዉን ግዛት ጎበኙ።ሶማሊያ የእስራኤሉን ዉጪ ጉዳይ ሚንስትር ጉብኝትን «ሕገ-ወጥና ዋጋ ቢስ» በማለት አዉግዛዋለች።--የዩናይትድ ስቴትስ ባለሥልጣናት የቬኑሱዌላዉን መሪና ባለቤታቸዉን ማገታቸዉን የቀሰቀሰዉ ተቃዉሞ እንደቀጠለ ነዉ።የተባበሩት መንግሥታት ድርጅት የሰብአዊ መብቶች ኮሚሽነር ዛሬ እንዳለዉ የአሜሪካ ርምጃ «ጉልበተኞች የፈለጉትን ማድረግ ይችላሉ የሚል መልዕክት ያስተላልፋል።» -የዩናይትድ ስቴትስ ፕሬዝደንት ዶናልድ ትራምፕ ግሪላንድን ከዴንማርክ ለመንጠቅ በድጋሚ መዛታቸዉን ሰባት የአዉሮጳ ሐገራት መሪዎች ተቃወሙት።

የኢራን የፍትሕ ሚኒስትር በሐገሪቱ ሰልፍ በሚያካሂዱት ላይ በቸልታ እንዳማያልፉ አስጠነቀቁ። የቀድሞው የሩስያ ፕረዚደንት ዲሜትሪ ሜድቪዴቭ፤ «የጀርመን መራሔ መንግስት ፍሬደሪሽ ሜርስም እንደ ቬንዙዌላው ፕረዚደንት በተመሳሳይ ወታደራዊ ዘመቻ ሊታገቱ ይገባል» ሲሉ የሰጡትን አስተያየት በርሊን በጥብቅ አወገዘች። ዩናይትድ ስቴትስ እንደ ዓለም ዳኛ ሆና እየተንቀሳቀሰች ነው ሲል የቻይና የውጭ ጉዳይ ሚኒስቴር ከሰሰ።

• በናይጄሪያ ማዕከላዊ ኒጀር ግዛት ታጣቂዎች ባደረሱት ጥቃት በትንሹ 30 ሰዎች ተገደሉ • የየመን ተገንጣይ ቡድን በትንሹ 80 ያህል ወታደሮቼ ተገድለዉብኛል አለ። •በአሜሪካ ወታደሮች ተይዘው የተወሰዱት የቬንዙዌላው ፕሬዚደንት ኒኮላስ ማዱሮ የዕጽ ዝውውር የሽብር ወንጀል ክስ ሊመሰረትባቸው ነው። • ሩስያ በአውሮጳዉያኑ አዲስ ዓመት ሰሞን በዩክሬን ላይ ከ2000 በላይ የአየር ጥቃት መፈጸሟን ፕሬዚዳንት ቮልዶሚር ዜሌንስኪ አስታወቁ። • ጀርመን ውስጥ ጥገኝነት የሚጠይቁ ሰዎች ቁጥር በከፍተኛ ሁኔታ ቀነሰ።

በአዲስ አበባና በተለያዩ ከተሞች በተከሰተው የናፍጣ እጥረት መቸገራቸውን አሽከርካሪዎች አማረሩ። የኢራን መንፈሳዊ መሪ አያቶላህ ኻመኒ ሐገራቸው «ጠላት» ላሏት አሜሪካ እጅ እንደማትሰጥ አስታወቁ። ዩናይትድ ስቴትስ በቬንዙዌላ ላይ ከባድ ጥቃት በመፈጸም የሐገሪቱን ፕሬዚደንት መያዝዋን አስታወቀች።

«ትብብር ለኢትዮጵያ አንድነት» የተባለ አራት የፖለቲካ ድርጅቶችን ያቀፈ ቅንጅት ከብሔራዊ ምርጫ ቦርድ እውቅና ማግኘቱን ዛሬ አስታወቀ።

ዓለም አቀፍ የጋዜጠኞች ፌደሬሽን ባለፈው ጎርጎሪዮሳዊ ዓመት 2025 128 ጋዜጠኞች እና የመገናኛ ብዙኃን ሠራተኞች መገደላቸውን አመለከተ።

እራስ ገዟ ሶማሊላንድ የሉዓላዊ ሀገርነት እውቅና ከሰጠቻት እስራኤል ጋ ፍልስጤማውያንን በግዛቷ ለማስፈር ተዋውላለች መባሉን አስተባበለች።

ኢራን ውስጥ ለተቀጣጠለው የሕዝብ ተቃውሞ ፕሬዝደንቱ ባለሥልጣናቱን ተጠያቂ ነን አሉ። የጸጥታ ኃይሎች ሰልፈኞች ላይ እርምጃ መውሰድ ከቀጠሉ አሜሪካ ልከላከልላቸው ዝግጁ ነኝ እያለች ነው።

የታኅሳስ 23 ቀን 2018 ዓ.ም. አርዕስተ ዜና

የፌዴራል ከፍተኛ ፍርድ ቤት ልደታ ምድብ ችሎት አንደኛ የፀረ-ሽብርና ሕገመንግስታዊ ጉዳዮች ወንጀል ችሎት ፣ የቀድሞ የሰላም ሚኒስቴር ሚኒስትር ዴኤታ አቶ ታዬ ደንደዓ ላይ ከቀረቡት ሶስት የክስ ጭብጦች አንደኛው እንዲሻሻል ዛሬ በየነ። የተጠየቀው የዋስትና መብት ውድቅ እንዲሆንም ወስኗል።

በተለያዩ የዓለማችን ከተሞች ህዝቡ አዲሱን ጎርጎሮሳዊውን 2026 ዓ.ም. በፌሽታና በቀለማት ያሸበረቁ ርችቶችን በማፈንዳት ተቀብሏል።

ስዊስ አልፓይን በሚገኝ አንድ ቡና ቤት ውስጥ በተካሄደ የአዲስ ዓመት አከባበር ላይ በተነሳ እሳት በርካታ ሰዎች ሳይሞቱ እንዳልቀረ አስግቷል።

ጋምቤላ ክልል አንዳንድ አካባቢዎች የተከሰተውን ግጭት ለመፍታት የሰላም ጉባኤዎች እየተካሄዱ ነው።

ማሊ እና ቡርኪና ፋሶ የአሜሪካ ዜጎች ወደ ሀገራቸው እንዳይገቡ የሚያግድ ደንብ ይፋ አደረጉ። የትራምፕ አስተዳደር የሁለቱን ጨምሮ ወደ 40 ገደማ ሃገራት ዜጎች ወደ አሜሪካ እንዳይገቡ በቅርቡ አግዷል።

ተርክዬ እራሱን እስላማዊ መንግሥት የሚለው በእንግሊዝና ምህጻሩ IS በተባለው ቡድን አባልነት የተጠረጠሩ 125 ሰዎች አሠረች። በዘመቻው እስካሁን የታሰሩት 600 ደርሰዋል።

የአውሮጳ ሕብረት እስራኤል ጋዛ ውስጥ የሚንቀሳቀሱ የረድኤት ድርጅቶችን ማገዷ ሕይወት አድን እርዳታዎች ወደ ሕዝቡ እንዳይደርሱ ያደርጋል ሲል አስጠነቀቀ።