藝術家除咗為感興而創作，亦可以為改變社會現象而策動藝術項目，資深舞台藝術家 甄詠蓓Olivia 就係其中一員。 到底係邊個啟發Olivia去啟動Lost Child Project Hong Kong童迷香港藝術計劃呢？而《動戲大地藝術節 再翅飛飛》同計劃又有咩關係？

藝團<一路青空>嘅目標係透過戲劇及教育，將表演藝術融入生活，並且推廣至社會各個層面。編劇郭翠怡及導演杜比點樣令到《Hello~ 自己》成為一個「合家歡」演出呢？

能夠搵到一件喜歡嘅事物，成為人生中不斷探索、挑戰嘅目標，係無比幸福嘅 。小提琴家丁怡杰天生失去視力，六歲開始接觸小提琴，好快就立志成為演奏家，喺學習路上佢遇到乜嘢難題呢？即將舉行的《弦起的故事》演奏會當中，原來有一首樂曲係佢曾經認為自己冇能力駕馭到嘅，最終又係點樣煉成嘅呢？

九又四分之三月台，你好可能聽過；但705.5 號循環輕鐵列車，你又聽過或者見過未？佢係一部由天水圍街坊參與嘅立體小說，亦係非一般嘅「流動展覽車」。YWCA 天拉吧天水圍故事館館長陳憬樟將會從頭講起，又會介紹由居民發揮創...

《三國演義》係中國四大名著之一，呢個故事家傳戶曉，唔知大家最鍾意邊個人物呢？誇啦啦藝術集匯藝術總監黃清霞博士 Dr Ooi 從小就好喜歡諸葛亮，特別鍾情諸葛亮同周瑜鬥智嘅情節，於是趁住今次時機，將故事改編，以「獨特」嘅方式呈現觀眾眼前。到底年青演員黃婉華 Franchesca 飾演邊個角色？今次《鬥智》嘅表現手法有幾「與眾不同」？

行山、公園散步，或者郊野公園野餐、燒烤，同樣係接觸大自然嘅活動，但係森林療癒嚮導 Amanda Yik 話呢類型活動同「森林浴 （(shinrin-yoku) ...

「舞台豐富了我的心，豐富了我的一生，其實只有在舞台上，才重拾我的自尊！」一代巨星梅艷芳逝世二十週年，香港文化博物館舉辦「絕代芳華・梅艷芳」展覽，回顧Mui 姐喺流行文化嘅貢獻。展覽策劃人一級助理館長（歷史／民俗）周志廉Joseph 話展場裏面有幾件Mui 姐鐵粉絕對不能錯過嘅展品。

香港最大型嘅藝術節「香港藝術節 」嚟到第52屆，節目總監梁掌瑋 Grace 話仲記得第一屆嘅時候自己排隊買飛嘅畫面，佢同大家回顧過去嘅精華，又會喺今屆以百計嘅活動當中，作出重點推介～

喺「後真相」年代，宗教、科學、性別及種族等議題，交織出香港話劇團製作嘅翻譯劇《醫．道》。聯合導演陳焯威 、主角馮蔚衡，分享呢個作品嘅「燒腦」程度及香港版本嘅特別之處。

講起芭蕾舞，大家好可能第一時間諗起《天鵝湖》、《睡美人》、《胡桃夾子》等古典作品，其實芭蕾仲有各種不同流派。香港芭蕾舞團巿場推廣總監周怡Alexia，會介紹舞團嘅最新演出《突破常規》，一齊認識幾位當代編舞大師，以及點樣欣賞現代芭蕾啦～

踏入新一年，《藝文谷》祝大家心願有所成！

大年初一晚，節目請嚟非物質文化遺產辦事處館長岑佩玉Celia，講下同農曆年相關嘅香港非遺項目。另外，香港大學公民社會與治理研究中心助理總監戚曉麗Katie，帶我們走進新界東北，介紹荔枝窩嘅「本地咖啡體驗活動」、『梅子林及蛤塘永續鄉村計劃』嘅「森林村落營地」，以及「義工日營」，仲有位於沙頭角嘅文化空間「王昌泰盒子」。

香港城巿大學文化薈即將舉辦「春之頌 — 中亞文化節」，文化薈處長卓燕推介大家可以試飲駱駝奶、馬奶，仲有好多中亞地區嘅小食、亦會有當地嘅音樂、舞蹈等，呈現中亞文化嘅繽紛多樣。

中國書法係探索中國文字之美嘅藝術。香港藝術館館長 （現代及香港藝術）俞俏帶大家深入認識書法家翟仕堯，透過「放懷天地」書法展覽掌握欣賞書法作品嘅要訣，仲會講下「長洲文化之旅」同翟仕堯嘅關係。

鋼琴家李昇，自細受視力問題影響，只能靠「聞琴譜」嘅方式背譜練琴。究竟係乜嘢令佢不畏艱辛，踏上鋼琴家之路？佢最喜歡嘅音樂家又係邊個呢？

現年92歲嘅花婆婆，喺80歲先至開始拾起畫筆，將心愛之物畫喺各類嘅生活用品、器皿之上。喺藝廊創辦人馮榕榕撮合下，成就出花婆婆同展能藝術家世傑嘅超越界限藝術聯展，當中包括一幅「合作畫」～

「監獄」容易聯想到「囚禁」、「失去自由」、「壞人」等字眼。大館早前策動文化古蹟常設展覽：域多利監獄B倉與D倉，希望透過呢座監獄複雜嘅歷史，以及高牆內人物嘅真實經歷，打開公眾嘅想像，多角度詮譯呢座歷史建築。大館文物事務主管鍾妙芬博士分享今次策展嘅經過，又會介紹其他相關嘅項目。

劇場係一個引發觀眾想像嘅地方，帶你上天下海，甚至衝出太空。中英劇團最新科幻作品《窮艙守護隊》，導演盧智燊以及演員袁浩楊透露，今次故事以團隊創作模式，帶大家喺歡笑之中反思生命。

今集《藝文谷》請來「嶺南武術之數碼藝術化教育試驗計劃 」項目總監趙式慶，探索科技與武術嘅結合，分享武術、舞蹈、多媒體共冶一爐嘅試驗。

另外，發展局文物保育專員蔣志豪、總文物主任 (古物古蹟) 蕭麗娟會繼續介紹「同一屋簷下：嶺南傳統建築源流與藝術」展覽，亦會講到當中自己最喜歡，以及值得大家關注嘅展品，同時分享欣賞古建築嘅心得。