በዕለቱ መጽሄተ ዜና የውጭ ጉዳይ ሚኒስትር ጌድዮን ጢሞቴዎስ የምክር ቤት ማብራሪያ፤ ትግራይ ክልል ከጦርነቱ በኋላ የኅብረተሰብ አገልግሎቶች እንደታጎሉ ናቸው መባሉ፤ ነገ ስለሚከበረው 1446ኛው የኢድ አል አደሀ በዓል መልእክቶች፤ እንዲሁም የሀረማያ ዩኒቨርሲቲ-ራስ ገዝ የመሆን ጉዞ የሚሉ ዘገባዎች በተከታታይ ይቀርባሉ ።

የዜና መፅሔት ጥንቅራችን ኢትዮጵያና ኤርትራ ዳግም ጦርነት ይገጥሙ ይሆናል የሚለዉን ሥጋት ከምልክቶቹ ጋር ያሰባጠረዉን ዘገባ ያስቀድማል።አንድ የሰብአዊ መብት ተሟጋች ድርጅት በተፈናቃዮች አያያዝ ምክንያት የኢትዮጵያ መንግሥት ለመክሰስ ማቀዱን የሚዳስሰዉ ዘገባ ተከትሎ፣የኢትዮጵያ ዉስጥ ቴክኒክና ሙያ የሚያጠኑ ተማሪዎች ቁጥር ማሽቆልቆሉን የሚያወሳዉ ያሰልሳል።ዜና መፅሔቱ የጋምቤላ የወርቅ ምርት መጨመሩን የሚቃኝ ዘገባዉ አለዉ።

በዜና መጽሔት ጥንቅሩ፤ የህወሓት አመራሮች ካለፈ ጦርነት ያላገገመች ትግራይን ዳግም ወደሌላ ጥፋት ከሚያስገባ አካሄድ ይቆጠቡ ሲል ተቃዋሚው ሳልሳይ ወያነ ትግራይ መግለጫ ማዉጣቱ።የአገራዊ ምክክር ኮሚሽን ለሚያሰባስባቸው የምክክር አጀንዳዎች ጥንቃቄ እንዲያደርግ ሲል የኦሮሞ ነጻነት ግንባር (ኦነግ) መጠየቁ፡፡ለሳምንት ወደ ትግራይ እንዳይጓዙ ተከልክለው የነበሩ ሸቀጥ የጫኑ ተሽከርካሪዎች ጉዟቸው እንዲቀጥሉ ተፈቀዳላቸዉ መባሉ ፤ እንዲሁም

ከነገ በስትያ ለጉብኝት ወደ ዩናይትድ ስቴትስ የሚያቀኑት አዲሱ የጀርመን ቻንስለር የጉብንት አንድምታ የተሰኙ ርዕሶችን በስፋት እናያለን

7ኛውን የኢትዮጵያ ጠቅላላ ምርጫ"አስቻይ" የፀጥታ "ሁኔታዎች" ባሉባቸው ባላቸው የምርጫ ክልሎች እንደሚያከናውን የኢትዮጵያ ብሔራዊ ምርጫ ቦርድ አስታወቋል።

ሀገራዊ ምክከር ኮሚሽን ከፌደራል መንግስት ከማህበራት ተወካዮች ከታዋቂ ሰዎችና ከሌሎችም የኅብረተሰብ ክፍሎች ጋር ለሶስት ቀናት ያካሄደውን የምክክርና የአጀንዳ ማሰባሰብ መርሃ ግብር አብቅቷል። በምዕራብ ጎንደር ዞን መተማ ወረዳ ውስጥ በጣለ ከባድ ዝናብ ምክንያት 6 የኃይል ተሸካሚ የኤሌክትሪክ ምሰሶዎች በመውደቃቸው ካለፈው ሳምንት መጨረሻ አንስቶ ወደ ሱዳን የሚተላለፈውን ጨምሮ በዞኑ አብዛኛዎቹ ከተሞች ኤሌክትሪክ መቋረጡን የኢትዮጵያ ኤሌክትሪክ አገልግሎት አስታውቋል።

በምዕራብ ወለጋ ዞን ጊምቢ ወረዳ ውስጥ የሚገኙ የተፈናቀሉ ዜጎች ባለፉት ሁለት ወራት ሰብአዊ ድጋፍ እንዳላገኙ አስታውቋል፡፡ በየወሩ የ15 ኪ.ሎ ድጋፍ ለተፈናቀሉ ዜጎች በነፍሰ ወከፍ ይቀርብ እንደነበር የገለጹት ነዋሪዎቹ ከመጋቢት ወር ወዲህ ሰብአዊ ድጋፍ እንዳልመጣላቸው ተናግረዋል፡፡ ዞኑ በበኩሉ በዚህ ሳምንት እርዳታ መላኩን ገልጿል።

15 ሺህ የሚጠጉ ኢትዮጵያውያን አይሁዶች ወይም ቤተ እስራኤላዊያን በ36 ሰዓታት ውስጥ ከአዲስ አበባ እስራኤል የገቡበት ዘመቻ ሰሎሞን 34 ዓመት ሞልቶታል።ከቦሌ አለም አቀፍ አየር ማረፊያ በቀጥታ ቴላቪቭ በ35 የአውሮፕላን በረራዎች ወደ እስራኤል የገቡት ቤተ እስራኤላዊያን ዛሬ በሁለቱ ሀገራት ግንኙነት ላይ በጎ ድልድይ መሆናቸውም ተገልጿል።

ሸቀጣሸቀጥ ጭነው ወደ ትግራይ የሚጓዙ ተሽከርካሪዎች፥ ወደ ትግራይ እንዳይገቡ በአፋር እና አማራ ክልል በሚገኙ የፍተሻ ጣብያዎች መከልከላቸው ተገለፀ። የትግራይ ግዚያዊ አስተዳደር በዚህ ክልከላ ጉዳይ ከፌደራል መንግስቱ ማብራሪያ ጠይቋል።

የዜና መጽሔት ዝግጅታችን፤በአፋር ክልል ወደ ትግራይ ለሚሄዱ የጭነት መኪናዎች ኬላዎች ተዘግተዋል መባሉን፤ የመንግስት ሰራተኞች የደመወዝ ችግር ሊያካትት የሚችለውን የብሄራዊ ምክክር ኮሚሽን አጀንዳ ማሰባሰብያ ውይይትን፤እንዲሁም በሺዎች የሚቆጠሩ ቤተ እስራኤላዊያን እስራኤል የገቡበት ዘመቻ ሰሎሞንን ትውስታ፤የሚያስቃኙ ዘገባዎችን አካቷል ።

የኢትዮጵያ አገራዊ ምክክር ኮሚሽን የትግራይ ክልል በአገራዊ ምክክር ሂደት ተሳታፊ እንዲሆን ኮሚሽኑ ለክልሉ ጊዜያዊ አስተዳደር እና ባለድርሻ አካላት ጥሪ አቀረበ፡፡ኮሚሽኑበኦሮሚያ እና አማራ ክልሎች ለሚገኙ ታጣቂ ኃይሎች እና እስካሁን በምክክር ሂደቱ መሳተፍ ላልጀመሩ የፖለቲካ ድርጅቶችም የተሳትፎ ጥሪ አቅርቧል፡፡