Idoia Mujika Materiaren Fisika Zentroko komunikazio arduradunarekin hasi dugu Zientzia Gosariaren irrati urte berria. Geroz eta gehiago ugaritzen ari den bioplastiko izendapenaz azalpenak eman dizkigu. Esaterako, bioplastikoa ez dela beti biodegradagarria. Eta biodegradagarria ere ez da beti konpostagarria. Bioplastikoak izendapenaren pean kontuan hartu beharreko faktoreak azaldu dizkigu eta esperimentu bat ere ekarri digu irrati urte berriko lehen tarterako.

Zientzia eta Pazientzia podcastean, anila eta 9. planeta izan ditugu hizpide Uxune Martinez eta Eneko Axperekin. Uxunek, Papilonazeen familiako zuhaiskaz hitz egin digu. Bertatik ateratzen bait da Egiptiarren garaitik antiseptiko gisara erabiltzen den anilaren pigmentuaz. Hari esker babestu dira etxeak eta zuritu dira arropak mendeetan barrena.

Eneko Axpek aldiz, berriz ere azaleratu den eztabaida aipatu digu. Bederatzigarren planetarik bai al dago gure unibertsoan? Eman klik eta entzun!

Globalizazioak alde onak ditu, baina okerrak ere bai, jakina! Espezie inbaditzaileak dira albo kalte horietako bat, leku bateko landare edo animaliek beren habitatetik kanpo eragin ditzaketen arazoak.

Ingurusferan podcastean hegaztiak aipatuko ditugu  Asier Sarasua ornitologoarekin. Araba zozoak, Shakespeare eta New York protagonista duen istorioa entzun eta izan gogoan Eugene Schieffelin-en izena.

Idoia Mujika Materiaren Fisika Zentroko komunikazio arduradunaren eskutik irrati urteko azken Zientzia Gosaria jaso dugu. Udan egin ditzakegun zientzia plan gozagarriak proposatzeko une ederra. Euskal Herritik irten gabe lau proposamen egin dizkigu Mujikak: Euskal kostaldeko flysch-a, Eureka zientzia museoa, Ekainberri eta Laboratorium museoa. Eta inora mugitu beharrik gabe, beste aukera bat ere azpimarratu dugu, izar usoak ikustearena. Ekainaren 27, uztailaren 28 eta 29, eta abuztuaren 12 eta 13ko gauak dira ikusteko onenak. Ba a dakizue nola sortzen diren izar Usoak? Erantzuna Idoia Mujikak

Idoia Mujika Materiaren Fisika zentroko komunikazio eta dibulgazio arduradunaren eskutik jaso dugu Zientzia Gosaria. Oraingoan argi egiten aritu zaigu. Ez da zalantzarik, LED teknologiak aldaketak ekarri zituen argiztapenaren esparruan, baina dagoeneko, LED-aren barnean ere aldaketak ematen ari dira. Esango zenuke, LED argi zuriak, benetan zuriak direla? Edo beste kolore batekoak ote dira? Proteinetan oinarritutako argiztapenaz hitz egin digu Mujikak, aste honetako tartean.

Eneko Axpe eta Uxune Martinezek  kontzientzia ekologikoa sustatu nahi izan digute Zientzia eta pazientzia podcastean. 

 Behi okelaren kiloko txuleta baten ekoizpenak, autoz 1.600 km egiteak adina kutsadura sortzen du. Izan ere behi bakoitzak egunero 500 litro metano sortzen ditu. Mundu jasangarria izateko, zifra altuegian dira horiek  Eneko Axperen esanetan. Laborategiko okela ez da utopia dagoeneko eta aukera horren alde egin beharra sustatu du. Uxune Martinezek aldiz, elikagaiak biltzeko erabiltzen den plastikoak eragiten duen kutsadura handiaz ohartarazi du.

Amaia Arregi Donostia International Phisic Center-eko komunikazio teknikariaren eskutik jaso dugu Zientzia Gosaria. Gaur Nancy Hopkins biologoaren lana eta bereziki berak eragindako iraultza aztergai.

Nancy Hopkins biologoak genetikaren eta zebra arraien kasuan egindako lanak zientziaren onespena lortu du. Baina hori lortzeko, aurrez emakume zientzialarien diskriminazioa agerian utzi behar izan zuen. 1999an agerian utzi zuen IMT (Massachuset Insitute of techonology) erakunde prestigiotsuan emakume zientzialariek gizonezko zientzialarien aldean espazio gutxiago zutela, iraultza eraginez.

Amaia Arregi Donostia International Phisic Center-eko zientzialari eta komunikazio teknikariak eskaini digu aste honetan Zientzia Gosaria. Asier Hilario geologoa lagun hartuta etorri zaigu, pirineoen inguruko beste begirada bat eskaintzeko. Izan ere, pirineoetako mendiei begira, itsasoa, basamortua edo koralak ikus daitezke. Mendien arroketan guzti horien seinaleak daude. Zientzia Kutxa hitzaldi zikloan pirinoetako 30 mendiren jatorriaz azalpenak eman ditu Hilariok eta horien laburpen bat jaso dugu Zientzia Gosarian, baita datozen hitzaldien berri ere.

Badakizu umami zaporea bereizten? Bada, horixe da aurreneko dastatu zenuena. Izan ere ama esneak du nagusiki zapore hori. Beraz, orain arte gazia, gozoa, garratza eta mikatza edo mingotsaren artean berezi izan badituzu ezagutzen zenituen zaporeak, zapore bat gehiago erantsi behar diozu zure zaporeen ezagutzari. Zure garunak badu ezagutza hori, hitza da erantsi behar duzuna.  Zientzia eta Pazientzia podkastean azalpenak, Uxune Martinez eta Eneko Axpe, Maisha zientzia adituek.

Iker Alecharekin osatu dugu Ingurusferako podcasta, Cidetec ikerketa-zentroko ingeniaria da bera. Hidrogenoaren gaiari heldu nahi izan diogu. Batetik, hidrogeno berdeaz hitz egin dugu; askotan aipatzen den teknologia da, baina errealitate izatetik gertu ote gauden jakin nahi dugu.

Bestalde, erregai pilei buruz ere hitz egin dugu, alegia, hidrogenoz funtzionatzen duen motor bati energia ematen dion gailuari buruz.