Dapi il 1923 stat ella ferma e franca sco in veder schember – en la litteratura ed er en l'istorgia da l'identitad rumantscha: la poesia «Tamangur».

En ella conguala l'autur engiadinais Peider Lansel in guaud «aintasom S-charl ingiò sun rafüdats tuots oters gods» cun il destin dal rumantsch, «nos linguach prüvà» «chi dal vast territori d'üna jà in uschè strets cunfins uoss'es ardüt». Era cun questa poesia ha la Rumantschia cumbattì ils onns 20 e 30 dal tschientaner passà cun success per la renconuschientscha dal rumantsch.

La Marella ha inscuntrà trais passiunads da la forza che Tamangur derasa anc adina – l'anteriur inschigner forestal Jon Domenic Parolini, il Lansolog Rico Valär ed il chantautur Linard Bardill.