Bhí bronnadh na gradaim, the Golden Globes, ar siúl in Los Angeles Dé Domhnaigh an naoú lá de mhí Eanáir. Bhuaigh ‘the Power of the Dog’ an scannán dráma is fearr, agus bhuaigh ‘Belfast’ ina bhfuil na haisteoirí Éireannacha Jamie Dornan agus Ciarán Hinds, an script scannáin is fearr. Aisteach go leor, bhí an ócáid ar siúl gan aon daoine cáiliúla nó baill den lucht féachana i láthair. Ina ionad sin, d’fhreastail roinnt daoine áirithe uirthi, agus fógraíodh na torthaí féin ar na meáin shóisialta. Bhí sé ar fad mar thoradh ar roinnt agallaimh le déanaí a léirigh easpa éagsúlachta sa bhallraíocht vótála agus a tharraing aird ar roinnt saincheisteanna eiticiúla eile. Tá ainmniúcháin Oscar le fógairt ar an ochtú lá de mhí Feabhra, agus an searmanas le bheith ar siúl mí ina dhiaidh sin.

D’fhaomh an Chomh-Aireacht bille nua Dé Céadaoin, ar a dtugtar an Bille um Shábháileacht Ar Líne agus um Rialáil na Meán. Cruthóidh an bille comhlacht nua chun seirbhísí sruthú craolta agus ar líne ar nós Netlix a rialáil, agus maoirseacht a dhéanamh go ginearálta ar shabháilteacht ar an idirlíon. Táthar ag súil go dtabharfaidh an rialtóir isteach roinnt cóid sábháilteachta ar líne a leagtar amach chun díriú ar infhaighteacht ábhar a bhaineann le coiriúlacht, cibearbhulaíocht agus feinmharú, mar shampla. Tiocfaidh ‘Coimisiún na Meán’ nua in ionad an rialtóra raidió agus teilifíse a bhí ann roimhe sin, ‘Údarás Craolacháin na hÉireann’, agus beidh cumhachtaí aige fíneálacha suas le fiche milliún euro nó deich faoin gcéad den ioncam a ghearradh ar chomhlachtaí nach gcomhlíonann na rialacha.

Tá an t-imreoir leadóige Novak Djokovic le bheith díbeartha ón Ástráil, tar éis dó teacht isteach sa tír le déanaí chun páirt a ghlacadh i gComórtas Oscailte na hAstráile. Chuaigh sé isteach gan vacsaíniú ar dtús ag maíomh go raibh tástáil dhearfach Covid aige le ceithre lá déag anuas. Níor aontaigh Fórsa Teorann na hÁstráile gur míniú cuí é seo agus choinnigh siad é, ach ansin scaoileadh saor é cúpla lá ina dhiaidh sin ar chúis nós imeachta. Ó shin i leith, tháinig dhá cheist eile chun cinn. Ar an gcéad dul síos, bunaithe ar a chuid postálacha ar na meáin shóisialta, gur thaistil Djokovic sna ceithre lá déag roimh dhul isteach san Astráil, in ainneoin a dhearbhaigh a mhalairt. Is é an dara ceann, ar admhaigh Djokovic dó, gur bhris sé a leithlis trí láithriú go poiblí ag ocáid ghrianghrafadóireachta sna laethanta tar éis a thástála dearfacha. Tá an tAire inimirce ag smaoineamh faoi láthair ar an imreoir a dhíbirt.