Á tónsviðinu

Á tónsviðinu

By RÚVMusic
Download on the App Store

All Á tónsviðinu episodes

  • 30.03.2017
    Schubert og Schober Franz von Schober var náinn vinur tónskáldsins Franz Schuberts og samdi ljóð við sum sönglög hans, til dæmis „An die Musik“ (Til tónlistarinnar). Schober var efnaður og gat því styrkt tónskáldið með ýmsu móti, til dæmis bjó Schubert oft hjá honum. Ekki voru þó allir vissir um að vináttan við Schober væri heppileg fyrir Schubert, sumir samtíðarmenn þeirra óttuðust að Schober drægi Schubert með sér út í slark og drykkju. Í þættinum „Á tónsviðinu“ fim. 30. mars verður fjallað um vináttu þeirra Schobers og Schuberts og flutt lög sem Schubert samdi við ljóð eftir Schober. „Þér, kæri Schober, mun ég aldrei gleyma, því það sem þú hefur verið mér getur enginn annar orðið,“ skrifaði Schubert í bréfi til Schobers 1824. Vinátta þeirra hélst til dauðadags Schuberts árið 1828, en Schober varð hins vegar gamall maður og lést árið 1882.
    0 min
  • Únglingurinn í skóginum
    Að minnsta kosti þrjú íslensk tónskáld hafa samið tónlist við kvæðið „Únglingurinn í skóginum“ eftir Halldór Kiljan Laxness. Þekktast er lag Jórunnar Viðar, en Karl O. Runólfsson og Ragnar Björnsson sömdu einnig tónverk upp úr kvæðinu. Í þættinum verða fluttar tónsmíðar þeirra allra, þar á meðal ný hljóðritun af tónverki Ragnars þar sem dóttir hans, Birna Ragnarsdóttir, syngur. Einnig verður flutt lag Jórunnar við framhald ljóðsins sem sjaldan heyrist. Þó að íslensk tónskáld hafi kunnað að meta þetta ljóð Laxness gegndi öðru máli um íslenska alþingismenn árið 1925 þegar kvæðið birtist fyrst á prenti. Laxness hafði skömmu áður sótt um ferðastyrk til Alþingis og hafði verið samþykkt í neðri deild þingsins að veita honum styrk. „En rétt áður en málið kom til afgreiðslu í efri deild birtist Únglingurinn í skóginum í tímaritinu Eimreiðinni. Þegar alþíngismenn lásu kvæðið, luku flestir upp einum munni að öllu hraklegri leir hefði varla sést prentaður á Íslandi og ekki æskilegt að styrkja menn af ríkisfé til að setja saman meira af svo góðu,“ segir skáldið. „Og var sá styrkur úr sögunni“.
    0 min
  • Klukkur
    Sinfónía nr.101 í D-dúr eftir Haydn er kölluð Klukkusinfónían af því að taktfastir tónar í 2. þætti verksins minna á tikk í klukku. Í þættinum „Á tónsviðinu“ fim. 16. feb. kl. 14.03 verður þessi kafli leikinn svo og önnur tónverk þar sem úr og klukkur koma við sögu. Taktfast tikkið og slátturinn henta vel sem efniviður í tónlist og fá að hljóma í tónsmíðum frá mismundandi tímum. Þar má nefna sönglagið „Die Uhr“ (Úrið) eftir Carl Loewe, óperuna „L´heure espagnole“ (Spænska stundin) eftir Maurice Ravel og tónverkið „Clockworking“ eftir Maríu Huld Markan Sigfúsdóttur.
    0 min
  • 09.02.2017
    Þátturinn fjallar um Önnu Margarethu Buxtehude, dóttur tónskáldsins Dietrichs Buxtehude. Lesari: Björn Þór Sigbjörnsson. Umsjón: Una Margrét Jónsdóttir.
    0 min