Ardtráthnóna

D'éirigh le Evan an chéad áit a bhaint amach sa gcomórtas faoi tríocha cúig ag Oireachtas na Samhna. Chas Evan 'An Cailín Fearúil Fionn' ar an gclár.

Beidh Féile an Daingin ar siúl i mí Meitheamh seo chugainn agus tá siad ag tosú ag déanamh feachtas 50/50 airgead tirim ar ais le cuidiú leis an bhFéile.

Stephen MacCraith - An tAsal Harriet ag casadh: Kevin O'Hara - Amhrán an Asal.

Is ag Stephen atá an tAsal Harriet a bhfuil cáil mhór bainte amach aige ar an gcainéal YouTube le seachtain anuas agus lucht teilifís ó chuile áit ag teacht ag breathnú air mar ní ag grágaíl atá sé ag casadh.

Bhí Kevin ag cur síos ar an aithne a bhí aige fhéin ar Phaul Finn atá luaite in Amhrán an Asail a chasadh John Beag.

Bríd Ní Neachtain - Taibhdhearc na Gaillimhe nócha bliain ar an bhfód i mbliana: Caitríona Ní Cheannabháin - Éigse Mhichael Mháire an Gabha.

Tá Taibhdhearc na Gaillimhe ag ceiliúradh nócha bliain ar an bhfód i mbliana agus tá scríbhneoirí agus aisteoirí ag glacadh páirt sa gceiliúradh idir ceol, amhráin, agus drámaí. Beidh an ceiliúradh ar siúl oíche Dé hAoine agus Dé Sathairn.

Tá Éigse Mhichael Mháire an Ghabha ar siúl an deireadh seachtaine seo agus rinne Caitríona cur síos ar méid atá ar siúl ag an Éigse.