Viðmælandi þessa þáttar er Svava Johansen eða Svava í Sautján, eins og hún er alltaf kölluð. Hún er eigandi og forstjóri NTC, sem framleiðir og selur tískufatnað á Íslandi. NTC starfrækir nú 15 verslanir á höfuðborgarsvæðinu, vefverslun, saumastofu og eigin fataframleiðslu erlendis og heildsölu sem selur fatnað til margra af betri tískuvöruverslunum á landsbyggðinni. En Svava er fædd árið 1964 og er alin upp í Safamýri og Laugarásnum. Hún gekk í Verslunarskólann og byrjaði að vinna í Sautján versluninni meðan hún var enn í námi. Svava hefur unnið í Sautján eða NTC í rúmlega 40 ár og gengt þar ýmsum störfum en tók síðan við forstjórastarfinu árið 2005 þegar hún keypti fyrirtækið og hefur fyrirtækið vaxið vel og dafnað undir hennar stjórn.

Þessi þáttur er í boði VÍS og Kaffitár.

Viðmælandi þessa þáttar er Ari Fenger, forstjóri 1912 og formaður Viðskiptaráðs. 1912 er aldargömul heildsala og fjölskyldufyrirtæki, sem þá hét Nathan & Olsen og var stofnað árið 1912. Fyrirtækið er eitt af stærstu fyrirækjum landsins í heildsölu með dagvöru og veltir um 11 milljörðum íslenskra króna. 1912 er móðurfélag Nathan & Olsen, sem sinnir heildsölu á sviði snyrti- og dagvöru, Ekrunnar sem selur aðföng til stóreldhúsa og matvælaiðnaðarins og Emmessís, ísgerðarinnar. En Ari er fæddur árið 1980 og er alinn upp í nesinu. Hann gekk í Verslunarskóla Íslands og byrjaði síðan að vinna sem vörumerkjastjóri hjá Nathan & Olsen og síðan sem forstjóri fyrirtækisins þangað til hann tók við sem forstjóri rekstrarfyrirtækisins, 1912. Ari er einnig formaður Viðskiptaráðs og er jafnframt stór hluthafi í Stoðum, einu stærsta fjárfestingafélagi landsins.

Þátturinn er kostaður af VÍS og Kaffitár.

Viðmælandi þessa þáttar er Bjarney Harðardóttir, meðeigandi og stjórnandi hjá 66°Norður. Fyrirtækið er eitt elsta framleiðslufyrirtæki landsins og var stofnað árið 1926 og framleiðir og selur útivistafatnað. Verslanir 66°Norður eru nú um tólf talsins, þar af tvær í Danmörku. Sjóklæðagerðin rekur einnig verslunina Rammagerðina, sem selur ýmsar hönnunar- og gjafavörur. Bjarney er fædd árið 1969 og er alin upp í Kópavoginum og Akranesinu. Hún gekk í Menntaskólann í Hamrahlíð en síðan lá leið hennar í viðskiptafræði í Tækniháskólann sem er nú Háskólinn í Reykjavík þar sem hún lauk einnig MBA gráðu. Bjarney hefur komið víða við og vann m.a. hjá Póstinum, Sölusambandi íslenskra fiskframleiðanda og sem framkvæmdastjóri markaðssviðs Íslandsbanka og kennari við Háskólann í Reykjavík. En árið 2011, keypti hún ásamt manninum sínum Helga Rúnari Óskarssyni, 66°Norður, sem hefur vaxið vel undir þeirra stjórn. Árið 2018 fjárfesti bandaríski framtakssjóðurinn, Mousse Partners, í 66°Norður fyrir um 4 milljarða íslenskra króna til að styrkja áframhaldandi vöxt vörumerkisins á erlendri grundu.

Þátturinn er kostaður af VÍS og Kaffitár.

Viðmælandi þessa þáttar er Magnús Ingi Óskarsson, stofnandi Calidris, hugbúnaðarfyrirtækis. Calidris er hugbúnaður sem hjálpar flugfélögum að auka sveigjanleika og tekjur og sum of stærstu flugfélögum í heiminum nota ennþá hugbúnaðinn í dag. Calidris var selt til bandaríska fyrirtækisins Sabre árið 2010 en Sabre er eitt af stærstu hugbúnaðarfyrirtækjum heims á flugrekstrarsviði. En Magnús Ingi er að eigin sögn, sveitastrákur úr Skagafirðinum fæddur árið 1960. Hann gekk í Menntaskólann á Akureyri og síðan lauk hann B.S. í tölvunarfræði frá Háskóla Íslands og síðan mastersnámi í tölvunarfræði við Illinois Institute of Technology í Chicago og síðar MBA námi frá IMD í Sviss. Magnús vann í fimm ár hjá Icelandair við tekjustýringu og í stutta stund starfaði hann sem framkvæmdastjóri hjá OZ, hugbúnaðarfyrirtæki. Í dag er Magnús Ingi í ráðgjafaráði Eyris Ventures og vinnur einnig með ýmsum sprotafyrirtækjum.

Þátturinn er kostaður af VÍS og Kaffitár.

Viðmælandi þáttarins er Kolbrún Jónsdóttir, framkvæmdastjóri fjármálasviðs Íslandshótela. Íslandshótel rekur 17 hótel með yfir 1.700 gistirými út um allt land auk funda- og ráðstefnuaðstöðu. Kolbrún tók við starfinu árið 2016 en þekkti vel til fyrirtækisins enda setið í stjórn hótelsins áður. Kolbrún er fædd árið 1962 og er alin upp í Kópavogi. Hún gekk í MH og kláraði svo Cand Ocean gráðu í viðskiptafræði frá Háskóla Íslands og lauk síðar Excecutive Education frá Kenan-Flagler Business School og síðan löggildingu í verðbréfamiðlun. Kolbrún hefur m.a. starfað sem fjármálastjóri Húsasmiðjunnar, útibússtjóri og forstöðumaður bakvinnslu í Íslandsbanka, framkvæmdastjóri hjá VÍS og sem framkvæmdastjóri Kjölfestu, framtakssjóðs. Kolbrún hefur setið í hinum ýmsu stjórnum fyrirtækja t.d. eins og hjá Íslandsbanka, Fastus, Húsasmiðjunni, Senu og verið formaður endurskoðunarnefndar hjá Sameinaða lífeyrissjóðnum.

Þátturinn er kostaður af VÍS og Kaffitár.

Viðmælandi þessa þáttar er Ágúst Einarsson, sem starfar nú sem ráðgjafi en er fyrrum framkvæmdasjóri Tempo, sem er tímastjórnunarkerfi, sem byrjaði sem nýsköpunarvara hjá TM Software og svo Origo. Ágúst er fæddur árið 1962 og ólst upp í Mosfellsveit. Hann gekk í Vélskólann og Tækniskólann en þaðan lá leið hans í BS nám í vélaverkfræði við Háskólann í Álaborg þar sem hann kláraði einnig MS gráðu í iðnaðarverkfræði. Ágúst starfaði meðal annars sem framkvæmdastjóri upplýsingatæknifyrirtækjanna Trackwell og Skyggnir og síðan sem framkvæmdastjóri TM Software sem rann inn í Origo þar sem Tempo varð síðan til. Ágúst starfaði síðan sem framkvæmdastjóri Tempo í 11 ár þangað til árið 2017 þegar fyrirtækið var selt að hluta til Diversis Captial árið 2017. Ágúst starfar núna sem ráðgjafi hjá fyrirtækjum á vaxtastigi og situr einnig í stjórnum nokkurra fyrirtækja.

Þátturinn er kostaður af VÍS og Kaffitár.

Viðmælandi þessa þáttar er Vilborg Einarsdóttir, meðstofnandi og fyrrum framkvæmdastjóri Mentor og stofnandi BraveEarth. Vilborg er fædd árið 1967 og ólst upp í Þórisholti í Mýrdal. Hún gekk í Samvinnuskólann á Bifröst og þaðan lá leið hennar í Kennaraháskóla Íslands þar sem hún lauk gráðu í kennslufræðum (B.Ed). Vilborg kláraði síðan master í Stjórnun og stefnumótun frá Háskóla Íslands og Verslunarháskólanum í Árósum. Mentor sem hét áður Menn og Mýs, var skipt upp í tvö fyrirtæki árið 2000, þá Mentor annars vegar og hins vegar Men and Mice. Mentor eða InfoMentor eins og kerfið heitir á erlendum markaði er náms- og upplýsingakerfi sem skólar og sveitarfélög nota og eflaust margir foreldrar kannast við. Vilborg starfaði sem framkvæmdastjóri fyrirtækisins þangað til árið 2018 eða þangað til hún stofnaði nýtt fyrirtæki sem ber heitið BraveEarth sem er hugbúnaður til að búa til og halda utan um sjálfbærnistefnu fyrirtækja.

Þátturinn er kostaður af VÍS og Kaffitár.