Viðmælandi þessa þáttar er Ólafur Gauti Guðmundsson eða Gauti eins og hann er alltaf kallaður. Gauti er fæddur árið 1978 og gekk í Vogaskóla og MR. Eftir menntaskólann lá leið hans til New York og London áður en hann lauk prófi í verkfræði frá DTU í Danmörku. Gauti stofnaði hugbúnaðarfyrirtækið Bókun árið 2012 ásamt Hjalta Baldurssyni þar sem Gauti starfaði sem tæknistjóri fyrirtækisins. Bókun býr til hugbúnað í kringum bókanir á ferðatengrdri afþreyingu. Árið 2018 var síðan fyrirtækið selt til bandaríska netferðarisans, Tripadvisor. Í dag fáum við að heyra meira um sögu Gauta!

Kostunaraðilar þáttarins eru: VÍS (http://vis.is), Kaffitár (http://kaffitar.is) og Askja (http://askja.is)

Í þessum þætti er talað við Davíð Helgason stofnanda og fyrrum framkvæmdastjóra Unity. Davíð er fæddur árið 1977 í Reykjavík en flutti síðan til Danmerkur á unglingsaldri. Hann kom að stofnun hugbúnaðarfyrirtækisins Unity árið 2003 þá aðeins 25 ára gamall. Unity er eins konar leikjavél sem gerir tölvuleikjaframleiðendum kleift að búa til tölvuleiki með minni fyrirhöfn en um helmingur allra leikja sem framleiddir eru í dag eru gerðir með Unity. Fyrirtækið fór síðan á bandarískan hlutabréfamarkað árið 2020 þar sem það var metið á $13,7 milljarða bandaríkjadollara og átti Davíð þá um 4% hlut í fyrirtækinu. Mögnuð velgengissaga hér á ferð!