Avant 50 onns han blers giuvens rut cun la vita burgaisa ed en s'engaschads per in meglier mund. Ina da las utopias da quest temps è «Auroville», in lieu en il sid da l'India. Auroville vul esser in model per in mund pli gist. Co è la vita ad Auroville oz? Ils iniziants d'Auroville èn stads il guru indic Sri Aurobindo e sia cumpogna spirituala franzosa Mira Alfassa. Lur siemi ha inspirà giuvens da l'entir mund. Ensemen levan els crear in lieu nua ch'ils carstgauns vivan ensemen senza resguard sin naziun, religiun e schlattaina. Auroville vesa sasez sco model global.

Las valurs che Auroville represschenta èn universalas. Ma strusch ina communitad emprova da realisar ellas uschè explicitamain sco Auroville. Quants da quels ideals han ins pudì realisar en quest mez tschientaner? La Marella discurra cun pionieras e novizs, cun ina dunna grischuna e cun in um tamil, e cun ina dunna ch'è creschida si ad Auroville.