Austurland

Starfamessa Austurlands 2024 var haldin á Egilsstöðum 19. september 2024. Markmiðið var að kynna störf og starfsgreinar í heimabyggð fyrir ungu fólki í landshlutanum. Í þættinum er rætt við ungt fólk, skipuleggjendur og fulltrúa fyrirtækja sem tóku þátt. Umsjón: Jón Knútur Ásmundsson.

Í þættinum er rætt við Nichole Leigh Mosty sem vinnur hjá Fræðslumiðstöð atvinnulífsins. Hún var stödd fyrir austan fimmtudaginn 5. september og hafði umsjón með námskeiði fyrir leiðbeinendur í íslenskukennslu. Rætt er við hana um kennslufræði í slíkri kennslu, inngildingu og fleira. Umsjón: Jón Knútur Ásmundsson.

Í þessum þætti fjöllum við um Starfamessu Austurlands 2024 sem haldin verður í íþróttahúsinu á Egilsstöðum þann 19. september. Allar nánari upplýsingar um viðburðinn má finna á heimasíðu Austurbrúar, austurbru.is, en í þættinum er rætt við tvo Austfirðinga sem sinna ólíkum störfum. Þau segja frá sínum helstu daglegu verkefnum, hvað einkennir starfið, fyrir hvern/hverja hentar... Read more »

Viðmælandi í þættinum er Jódís Skúladóttir, sem situr í stjórn félagsins Hinsegin Austurland, en í dag, 8. ágúst, hefst Regnbogahátíðin árið 2024. Við ræddum við Jódísi um hátíðina, félagið og réttindabaráttu hinsegin fólks. Umsjón: Jón Knútur Ásmundsson.

Viðmælandi í þættinum er Björt Sigfinnsdóttir, ein af forsprökkum LungA-hátíðarinnar sem haldin var síðasta skipti – í bili vonandi! – dagana 15. til 21. júlí á Seyðisfirði. Umsjón: Jón Knútur Ásmundsson.

Í þættinum er talað við Jóhann Ágúst Jóhannsson, forstöðumann Menningarstofu Fjarðabyggðar, um starfsemina, menningarhátíðina Innsævi, skapandi sumarstörf og listasmiðjur fyrir börn í Fjarðabyggð svo eitthvað sé nefnt. Umsjón hefur Jón Knútur Ásmundsson.

Um þrjátíu manns mættu á opinn fund Eyglóar og Austurbrúar sem fram fór á Reyðarfirði 11. júní en á honum kynnti Stefán Gíslason hjá Environice niðurstöður greiningar á kolefnisspori Austurlands. Í þættinum er spjallað við Stefán um greininguna en ítarleg skýrsla verður birt á vef Eyglóar á næstu dögum. Umsjón: Jón Knútur Ásmundsson.

Í síðustu viku hlaut sýningin „Hollvættur á heiði“ eftir Þór Túliníus Grímuverðlaunin sem barnasýning ársins. Verkið var unnið af leikhópnum Svipir í samstarfi við Sláturhúsið Menningarmiðstöð. Þetta eru mikil og stór tíðindi fyrir lista- og menningarlíf á Austurlandi og í þættinum er rætt við Ragnhildi Ásvaldsdóttur í Sláturhúsinu um þýðingu viðurkenningarinnar í litla og stóra... Read more »

Hvað er nýsköpun? Snýst hún bara um að skapa störf eða er hún eitthvað annað og meira? Þessum spurningum og fleiri er reynt að svara í þætti þar sem rætt eru um nýsköpun frá ýmsum hliðum við Arnar Sigurðsson. Hann fer fyrir fyrirtækinu „Austan mána“ og verður Austurbrú innan handar í nýsköpunarhraðlinum „Austanátt“ sem fer... Read more »

Í þættinum förum við á Stöðvarfjörð og spjöllum við Silju Lind Þrastardóttur. Hún fer fyrir verkefninu Fræ – Sköpunareldhúsi sem fékk nýverið myndarlegan styrk úr Uppbyggingarsjóði Austurlands. Þetta verkefni á rætur í byggðaþróunarverkefninu Sterkur Stöðvarfjörður en það snýst um að byggja upp svokallað samfélagseldhús á Stöðvarfirði. Þarna eiga allir matgæðingar að geta komið og gert... Read more »