Automag

Am Automag vun haut hu mer en Auto, deen näischt wierklech gutt kann, an awer den Akim Schmit aus eiser Automag Ekipp iwwerzeege konnt. Rieds geet vum Microlino.

Ëm den Toyota Yaris Cross geet et haut am Automag. Dee gouf iwwerschafft fir dass di positiv Verkafszuelen och weiderhi Bestand hunn. De Christian Schmit war op der Presentatioun mat dobäi.

Am Automag vun haut steet mam Mercedes-Benz GLB en éischter kompakten SUV am Mëttelpunkt. Ob de 7-Sëtzer als Familljenauto iwwerzeege kann, huet den Akim Schmit aus der Automag Ekipp probéiert erauszefannen.

No Seal an Dolphin huet sech eis Automag Ekipp op en Neits mat de Modeller vum chinesesche Constructeur BYD beschäftegt. Wéi sech den Atto 3 am Alldag geschloen huet, verréit eis den Akim Schmit.

Haut am Automag eppes aus der Kategorie Dramauto. E chice neie Cabriolet gouf bei summerlechen Temperaturen op Teneriffa presentéiert. Dat war de Mercedes-Benz CLE, an de Christian Schmit wosst dat ze genéissen.

D'Mark mam Blëtz am Logo, Opel feiert 2024 125 Joer, an erfreet sech am Moment grousser Beléiftheet. A fir dass dat och esou bleift kommme permanent nei Modeller an de Showroom.Elo ass et da geschwënn um Frontera. Wéi e Profil dee wuel huet a genee positionnéiert soll ginn?
Alles dat gouf de Christian Schmit op enger Avant-Première zu Rüsselsheim gewuer.

E Méindeg nach mam Suzuki Swift ënnerwee, an haut mat engem SUV bei deem de Sport groussgeschriwwe geet. An eisem Automag treffe Welten openeen. Bei mir ass den Akim Schmit aus der Automag Ekipp, an du bass um neie Porsche Macan schonn de Rodage gefuer.

En ass kleng, bezuelbar, et ass zur Ofwiesslung mol keen SUV an e fiert nach mat Bensinn: am Automag vun haut stelle mer iech den neie Suzuki Swift vir. Den Akim Schmit aus eiser Automag Ekipp war fir eis op der Präsentatioun mat dobäi.

Haut am Automag eng Avant Première. Dat mam Opel Grandland vun der zweeter Generatioun. Een aus der Kategorie SUV. Dat bleift esou, mee soss ass et dach e komplett neie Modell.Fir eis war de Christian Schmit dobäi wéi de Voile eng éischte Kéier gelëft gouf.Salut Christian. 

Mir erënneren eis zeréck; iwwer 4 Joer ass et hier, datt Porsche mat hirem éischten Elektrosportler eng Revolutioun lancéiert hunn. Deemools goufen all méiglech Regëster gezu fir um absolut neiste Stand vu Leeschtung an Technik ze sinn – an awer war den Taycan elo zeideg fir e Facelift. Wat alles geännert gouf, huet de Paul Origer fir eis op der Presentatioun zu Sevilla erausfonnt.