Automag

Zanter 2017 gëtt et an der Gamme vun Hyundai, de Kona. Relativ fréi hat de koreanesche Konstrukteur, nieft de reng thermesche Motoren och eng Hybrid- an och eng Elektroversioun, a sengem Portfolio. Am Automag vun haut schwätze mir iwwer deen neien Kona dee reng elektresch ënnerwee ass. De Rich Simon huet den Auto getest. Rich de Kona am elektreschen ass schonns een alen Hues...

Kennt dir Astara? Nee, nach ni héieren? Ma si këmmeren sech drëms, dat Marke wéi z.B. Hyundai, Suzuki oder KGM, fréier SsangYong, hire Wee op Lëtzebuerg fannen. Hire Portfolio hu si a kuerzer Zäit enorm vergréissert an eng Partie vun hiren neie Modeller de Lëtzebuerger Journalisten zu Girsterklaus virgestallt. De Paul Origer war fir eis an den Osten gereest.

Am Automag stelle mir iech an der Reegel "normal" Autoen vir. Haut ass et awer eng Nummer driwwer, jiddwerfalls wat d´Plazen ugeet. De Rich Simon war nämlech fir eis mat den zwee neien Minibussen vu Mercedes ënnerwee...

Den Toyota C-HR steet elo bei eis prett am Automag. C-HR steet fir Coupé High Rider, an di zweet Generatioun huet sech dann elo am Alldag misste beweisen. Wien souz hannert dem Volant? De Christian Schmit. Gudde Mëtteg.

Am Automag vun haut presentéiere mir iech de Mazda MX-30  e-Skyactiv R-EV. De Rich Simon stellt eis dëse klengen SUV vir. Wann ech mech richteg erënneren, hu mir awer schonns eng Kéier iwwer dësen Auto geschwat, Rich...

Laang virum SUV an dem Minivan war am Fong de grousse Kombi den idealen Auto fir d’Famill. An dëser Liga huet och ëmmer de VW Passat matgespillt. Während d’Limousine scho méi laang an d’Pensioun geschéckt gouf, huet de Kombi elo een Nofolger kritt. De Paul Origer huet fir eis den neie Passat zu Nice getest.

Haut da « very british » am Automag. Mir komme mam Range Rover Evoque Plug-In Hybrid. Dee stoung elo kierzlech an der Automag Redaktioun, an de Christian Schmit war domat ënnerwee.

7,6 Millioune mol huet en sech verkaf, de VW Tiguan! Zu Recht kann een do vun engem, grousse Succès schwätzen. Elo start déi drëtt Generatioun vum kompakten SUV an de Paul Origer war fir eis bei der Presentatioun zu Nice dobäi.

7 Joer ass et schonn hir, dat Range Rover hir Interpretatioun vun engem SUV-Coupé gewisen huet. 2017 gouf de Velar nämlech um Salon zu Genève gewisen, antëscht krut en 2020 e Facelift. An, elo, 3 Joer méi spéit steet déi zweet Renovatioun um Programm. Wat genee sech alles geännert huet, seet eis elo de Paul Origer.

Elektro Autoen erbléckst e jo elo ëmmer méi dacks am deegleche Stroosse Verkéier.

Kann e sech och elo op d’Rees an d’Ausland mat hinnen trauen, a klappt dat mam Oplueden ënnerwee.

Dat fanne mir haut eraus, wëll de Christian Schmit war mam Testauto, dem Volvo C40, op den Tour.

Salut Christian. Wou goung d’Rees dann hin?