Automag

Wéi vill aner Constructeure setzt och Nissan an Zukunft just nach op elektresch ugedriwwe Modeller. Wat do op eis duerkënnt a wéi de japanesche Produzent den Iwwergang vum Verbrenner zum Elektro-Undriff packe wëll, weess den Akim Schmit aus der Automag-Ekipp.

Knapps am Showroom a schonn an der Automag Redaktioun gelant. Dee neien Honda e-HRV.

Wéi schléit sech de fusch neie Japaner am Test? De Christian Schmit huet e probéiert, an et gëtt e just an der Hybrid Versioun?

 

Ëm d’Faszinatioun Nürburgring geet et haut am Automag.

Di berüümt Nordschläif ass en Thema, awer och de Nürburgring an Zukunft, an d’Renaissance vun der Sportswon Mark De Tomaso do.

De Christian Schmit war um Nürburgring an huet sech mat hirem Pressespriecher heiriwwer ënnerhal.

75 Joer Ferrari stinn haut am Mëttelpunkt vum Automag. Dat aus guddem Grond. Wëll wien Ferrari seet, seet och Enzo Ferrari, an deen huet 1947 zu Maranello d’Sportswon Manufaktur gegrënnt.

De Christian Schmit gratuléiert an huet sech fir d’Faszinatioun Ferrari interesséiert.

Wat Elektroautoe betrëfft, ass Renault ee vun de Pionéier, schliisslech kuckt déi franséisch Mark op schonn 10 Joer Erfahrung an iwwer 400.000 gebauten Autoen zeréck. Nom Bestseller Zoé ass et dofir elo Zäit, an der Kompaktklass ze starten, an zwar mam neie Mégane E-Tech Electric. De Paul Origer war fir eis bei der Presentatioun zu Malaga dobäi.

Mam C40 start net nëmmen deen éischte Modell, deen et nach just elektresch gëtt mee och deen éischte SUV-Coupé vu Volvo. Wéi deen sech fiert a wat d’Ënnerscheeder zum SUV-Brudder sinn, huet de Paul Origer fir eis erausfonnt.

D’Zukunftspläng vu Stellantis, den europäeschen Auto vum Joer, e Software-Update bei Skoda an Automobil Dreem déi dëser Deeg ënnert den Hummer kommen. Den Detail an den Automag-News mam Akim Schmit.

Kann een aus engem Auto méi entspaant erausklamme wéi virum Depart? Dat ass d’Fro déi haut am Automag opgeworf gëtt.

An de Christian Schmit huet d’Äntwert parat um Volant vun der Mercedes S Klass 580e

Am Automag vun haut huele mer eng Autosmark méi genee ënnert d’Lupp, déi wuel éischter engem eelere Semester dierft e Begrëff sinn. Si ass awer och haut nach um Marché ze fannen, an do souguer mat engem besonnesche Bezuch zu Lëtzebuerg. Wéi deen ausgesäit, zielt eis den Andy Brücker aus der Automag-Redaktioun.

An den News vun haut geet et em eng ganz Rëtsch Marken an hir neiste Lancementer – den Importateur Astara hat fir d’Nouvelle vu Hyundai, MG, Suzuki a SsangYong op Mënsbech agelueden. De Paul Origer war fir eis bei dëser Presentioun dobäi.