Automag

Besonnesch d’Generatioun Nummer 4 ass duerch Filmer wéi Fast&Furious an déi ganz JDM-Communautéit zu enger Ikon ginn. Duerno hu sech d’Fans awer bal 20 Joer misse gedëllege bis Toyota endlech déi gutt Nouvelle verkënnegt: et kënnt een neie Supra! An Toyota huet senge Fans weider nogelauschtert wëll elo gëtt et de Supra och mat manueller Boîte. De Paul Origer ass de japanesche Sportler fir eis gefuer.

„ELECTRIFYING EUROPE TOUR“, dat de Sujet an de nächste Minutten.

Méi wéi 2500 Kilometer duerch 8 Länner an 10 Deeg. Dat war d’Challenge bei der MAN Lion’s City E-Bus Tour duerch Europa mat Statioun och zu Lëtzebuerg.

De Christian Schmit hat d’Chance di Ekipp kennenzeléieren.

Am Automag vun haut gëtt de Ford Focus getest. Dee krut genee wéi säi klenge Brudder, de Fiesta, ee Face Lift verpasst. An deen deet dem Auto gutt. De Rich Simon huet fir eis de Ford Focus getest....

Haut gëtt eppes geschafft am Automag. Mir interesséieren eis nämlech fir d’Utilitären.

An och hei setzt sech d’Elektromobilitéit ëmmer méi duerch. Reng elektresch fueren ass eng Saach, mee di ganz Logistik an Organisatioun hannendrun fir e Betrib, ass eng aner.

Ford hat an deem Kontext invitéiert fir Ford PRO ze lancéieren.

Wat stécht do derhannert? De Christian Schmit huet sech et erkläre gelooss.

Ee muss den éischte sinn. Déi Kéier komme mir am Automag mam éischten praktesche Kombi, deen elektresch ugedriwwen ass, gefuer.

MG 5 Electric heescht deen, a kennt aus China bei eis. Parallel dann och nach de Suzuki Vitara als Full Hybrid. De Christian Schmit hat sech fir di Presentatioun an d‘Belsch deplacéiert.

Am Automag vun haut si mir nees elektresch ënnerwee. Nom ID.3 an ID.4 bréngt VW elo den I.D.5 op de Maart. De groussen Ënnerscheed zum I.D. 4 ass, datt et kee klasseschen SUV ass mee een SUV Coupé. De Rich Simon huet fir eis de VW I.D. 5 getest.....

Wien op Palma de Mallorca Vakanz mécht, deen huet net onbedéngt Calvia um Programm, a scho guer net hir Zone d‘activités. Mee genee do ass d’Mark Loryc doheem. En Auto made in Mallorca! Wat gelift sot dir?

Dach, en Däitschen huet d’Renaissance vu Loryc méiglech gemaach, an de Christian Schmit war dee besichen.

Dat Ford Autoe mat gudder Stroosselaach baut, ass entretemps bekannt. Wou déi performant Suspensiounen entwéckelt ginn, weess awer net jiddereen. Zu Lommel an der Belsch, 3 Stonne vu Lëtzebuerg ewech huet Ford ee vu senge wichtegsten Testzentren, an de Paul Origer gouf elo dohinner agelueden.

Et gëtt se nach … d’SUVen ganz ouni Hybrid oder Elektro-Motorisatioun. Ee Vertrieder vun där Gattung ass de Skoda Karoq, deen dëst Joer optesch an technesch opgefrëscht gouf. Den Andy Brücker aus der Automag-Redaktioun war bei der Presentatioun mat dobäi.

An den News vun haut maache mer eng Zäitrees; vum klenge Flitzer an Dram vun all Jugendlechen vu virun iwwer 30 Joer, iwwert déi obligatoresch Autoskategorie fir Familljen bis zu Updates bei zwee beléiwten Elektroautoen. Méi gewuer gitt der elo vum Paul Origer.