Automag

Bal 10 Joer sinn et hir dat BMW mat de Modeller i3 an i8 eng nei Ära bei de Bayerische Motorenwerke agelaut huet. Zenterhier huet sech d’Gamm lues a lues virun entwéckelt an aner Modeller, wéi elo rezent iX3, iX an i4 koumen nei derbäi. Am Kader vun der Future Mobility Tour zu Lëtzebuerg huet BMW nach e weideren Abléck an hir elektresch Zukunft ginn. De Paul Origer war fir eis dobäi.

Am Automag vun haut, stelle mir iech nees eng voll elektresch Maschinn vir. An dat ass den Toyota bZ4X. Fir de japanesche Konstrukteur ass dat komplett Neiland. Bis elo gouf et nämlech nach kee Modell vun Toyota dee just mat Baterien ënnerwee ass. De Rich Simon huet fir eis den bZ4X getest.

Et gi Leit, déi hunn et gäre méi exklusiv a genee op déi ziilt schonn iwwer 50 Joer Alpina. De BMW-Veredler aus Buchloe kuckt op eent vun den erfollegräichste Joren zeréck a schéngt och net op de Lorberen ze raschten. Um Bilster Berg huet de Familljebetrib hir neiste Modeller gewisen an de Paul Origer war fir eis dobäi.

Am Automag vun haut steet déi zweet Generatioun vum Kia Niro am Mëttelpunkt. Den Akim Schmit huet sech dee kompakten SUV am Detail ugekuckt.

Knëppelsteng! Reegelméisseg kommen därer och bei eis erof. Wie säin Auto da net ënnerdaach stoen huet, ass dem Risiko vu Karosserie Schied ausgesat.

Wat maache wann d’Bëlse bis dra sinn?

De Beulendokter, oder Dellenprofi deen hëlleft. De Christian Schmit war esou e besichen.

 

Zanter iwwer 3 Méint ass et offiziell: D’Mark Alpina gehéiert elo zu BMW. D'Burkard Bovensiepen GmbH vu Buchloe aus dem Ostallgäu ass net nëmmen ee vun deene klengsten an exklusiivste Constructeuren op der Welt, mee si kucke mat iwwer 50 Joer och op eng grouss Traditioun zeréck. Gëtt déi elo bei BMW virugefouert a wéi koum et iwwerhaapt zu deem Schrëtt - de Paul Origer war bei engem Alpina-Event um Bilster Berg mat dobäi a gouf opgekläert!

Haut hu mer et am Automag mat enger franséischer Ikon ze dinn, déi virun allem duerch hir Optrëtter am Rallyesport an de 70er Jore berüümt ginn ass. Den Andy Brücker aus der Automag-Redaktioun zielt eis méi.

An den Automag News vun haut, geet et ënnert Rieds iwwer Zukunftspläng vu Cupra a Polestar. Do dernieft gëtt awer och iwwer déi nei EU Direktiv geschwat. Ufänke well de Rich Simon awer mat engem neie Rekord...

Och Dacia muss spueren. Deen neien Jogger däerf nämlech direkt 3 Modeller aus der Gamm ersetzen. Ob den Nofollger vu Logan MCV, Lodgy an Dokker genuch Talenter dofir huet, seet eis de Paul Origer.

Haut fuere mir „à la française“ am Automag. Dat mam Renault Arkana. Dir kennt dee Modell nach net? Mir haten dësen am Test an de Christian Schmit war domat ënnerwee.