Automag

Haut hu mir am Automag Rendezvous mat engem „Klassiker reloaded“. Dee gouf elo an där Stad presentéiert wou dëst Joer och den Tour de France lancéiert gouf.

Zu Kopenhagen an Dänemark.

De Christian Schmit war mat dorobber, a wat hat dann do seng Weltpremière gefeiert?

D’Ekipp vum Automag ass joraus joran op ville Plazen doruechter ënnerwee. Déi Kéier geet a Südtiroul an d‘Garage 61.

Wat sech do wuel derhannert verstoppt? De Christian Schmit verréit eis et, wëll dee war do op Besuch.

Ass fir iech en Auto just eng Blechkëscht fir vun A op B ze kommen? Da braucht der am Fong net méi nozelauschteren. Oder awer dir hutt e bësse Bensinn am Blutt a verbannt Autofuere mat Freed a Leidenschaft – da kéint et sinn dat de Paul Origer mat sénger Nouvelle vun Toyota ären Nerv trëfft.

„Very british“ présentéiert sech haut den Automag. Dat mam Jaguar I-Pace. Jo och d’Englänner kennen E-Auto an haten dëse vun der Insel an d’Automagredaktioun geschéckt.

De Christian Schmit war mam noble Brit ënnerwee.

Virun zwee Joer war en annoncéiert ginn, elo war et dann iwwer de Summer endlech esouwäit. Di international Presentatioun vum Nissan Ariya.

Fir den Automag war de Christian Schmit mat dobäi.

Am Automag vun haut dréint sech alles ëm en Dinosaurier: den neien Range Rover V8. Wat et mam Dinosaurier op sech huet, a wéi sech den neie „Range“ op der Strooss mécht, weess den Akim Schmit aus der Automag-Ekipp.

Zäit fir den Automag och am Summer. Déi Kéier komme mir mat engem klenge Japaner gefuer dee sech schéin erausgefiizt huet, engem Pick-Up deen a seng zweet Generatioun geet, an e ganz dynameschen Elektroauto.

De Christian Schmit stellt eis si vir.

De Nissan Qashqai ass a bleift e ganz beléiften SUV Modell. Iwwer de Verkafs Erfolleg kann e sech bei 5,5 Milliounen Exemplairen an iwwer 40 Länner bei Nissan net beschwéieren.

An awer gouf elo am Summer nach d’Versioun e-Power presentéiert.

Wat sech do derhannert verstoppt, dat weess de Christian Schmit.

En SUV kann een op vill Manéieren interpretéieren, eng dovunner heescht Forester a kënnt vu Subaru. An dee war elo zeideg fir ee grousse Facelift. Wat elo bei sengem Alldagstest erauskoum, dat seet eis de Paul Origer.

De Nissan Juke steet an de nächste Minutten am Automag am Mëttelpunkt. Mee dee gëtt et dach schonn eng Zäitchen seet e sech.

Dat stëmmt, mee elo kennt eng Hybrid Versioun dobäi.

De Christian Schmit hate mir op d’Presentatioun geschéckt.