Automag

An den News vun haut kucke mer an d’Zukunft! Engersäits déi vum BMW i3, Pionéier vun der Elektromobilitéit. Oder, wéi d’Projete bei Bentley ausgesinn. Richteg vill vir hu se bei Jaguar LandRover, hei gouf am Juni extra an d’Belsch invitéiert fir hir nei Strategie virzestellen. Den Détail vun all deem gëtt et elo mam Paul Origer.

Summerzäit ass Cabrio-Zäit. Abee, vill Hiersteller hunn dem Cabrio de Réck gedréint. Et gëtt se awer nach. Een Hiersteller, deen um Open-Air Plëséier festhält, ass BMW. Den Akim Schmit aus der Automag Ekipp huet sech den neien BMW 4er Cabrio méi genee ugekuckt.

An der Lescht schwätze mer dacks vun Elektro- oder Hybridautoen,grad ewéi vun Downsizing. Haut geet et awer an déi aner Richtung, dofir ass den Andy Brücker aus der Automag-Ekipp bei eis am Studio.

Zu Buchloe a Bayern, do ass eng vun de ganz exklusiven Automarken doheem. ALPINA.

Mat net mol 2000 pro Joer produzéierten Exemplairë kann een dat wuel behaapten. Deenen hiren Top Modell B8 gouf elo kierzlech presentéiert, an déi Invitatioun huet de Christian Schmit gären ugeholl.

An den News vun haut geet et em Audi. An zwar hunn d’Ingolstädter hir Elektrogamm ausgebaut an op enger Presentatioun zu Lëtzebuerg mam Q4 an e-tron GT déi lescht elektresch Neiegkeete virgestallt. De Paul Origer war fir eis dobäi.

Am Automag vun haut dréint sech alles ëmt en SUV, an nawell ëm e ganz exoteschen. Den MG EHS kënnt nämlech nët aus Groussbritannien wéi den Numm et vlaicht vermudde léisst, mee aus China. Den Akim Schmit aus der Automag Ekipp ass der Fro nogaang, ob de China-SUV an Europa eng Chance huet.

M – am Fong ee ganz einfache Buchstaw. Bei BMW-Fans suergt deen awer fir Häerzklappen, schliisslech steet den M bei de Münchner fir déi besonnesch leeschtungstaark Modeller. Häerzklappen hat och de de Paul Origer, hien duerft fir eis déi nei Modeller M3 an M4 op genee der richteger Plaz testen.

Keen anere Modell an der Mercedes-Gamm steet fir hire Savoir-Faire wéi d’S-Klass. No iwwer 60 Joer ass d’Flaggschëff mam Stär an der 12. Generatioun ukomm. Ob déi méi wéi je dem Slogan “Das Beste oder Nichts” gerecht gëtt, huet de Paul Origer fir eis getest.

Dëser Deeg gouf et fir d’Redaktioun vum Automag Besuch aus Italien. An dat vun enger Mark déi net esou dacks do parkt. Maserati!

Hire Modell Ghibli geet jo technesch och elo mat der Zäit, an dowéinst eng Hybrid Versioun.

„Bella macchina“, oder „Bemol“? De Christian Schmit wollt dat um Volant erausfannen.

Quasi an all Motorisatioun hate mer de Volvo XC40 schonn am Test. Elo steet deen éischte vollelektresche Volvo um Programm, deen ënnert dem Blech méi ze bidden huet wéi e vu bausse kéint mengen – de Paul Origer ass fir eis deen neien XC40 Recharge gefuer.