Automag

Am Automag vun haut steet mam Opel Insignia Sportstourer e Familjekombi aus Rüsselsheim am Mëttelpunkt. Opel huet sengem Flaggschëff e Facelift spendéiert fir den Uschloss un d’Konkurrenz net ze verléieren. Ob dat gelongen ass, huet den Akim Schmit aus der Automag Ekipp probéiert erauszefannen.

Elo wou jo Elektro Modeller bei alle Konstrukteuren ze kréie sinn, huet d’Automag Redaktioun dierfen eng Ronn mam Pionéier an deem Segment dréinen.Eng Woch Alldag Test stoung um Programm, dat mam Nissan LEAF E+, an um Volant de Christian Schmit.

Plug-In Hybriden sinn am Automag keng Onbekannt méi. Ee vun den neitsten Vertrieder mam Mix aus Bensinner an Elektromotor ënnert dem Capot ass de Renault Captur. Wéi sech de Mini-SUV am Alldag mecht huet den Akim Schmit aus der Automag-Ekipp probéiert erauszefannen.

Wat fir VW de Golf ass, dat ass fir Fiat de 500. De klengen Italiener huet net nëmme Fiat aus der Patsch gehollef, en huet sech och zur Marken-Ikon entwéckelt. Elo ass den Nofollger do an de Paul Origer erzielt eis, no 500 km mam 500e, wat sech bei deem alles geännert huet.

D’Auswiel un Elektro Autoen hëlt permanent zou. Och bei VW, a nom ID 3 ass et elo um ID 4 dee beim Concessionnaire am Showroom steet.

Sech en ukucken, schéin a gutt, mee fueren ass natierlech besser.

An esou hat VW mat den éischte Sonnestrale vum Fréijoer op en Tour duerch d’Land invitéiert.

A fir eis war de Christian Schmit dobäi.

Esouguer de grousse Motorespezialist Honda huet ëmgesuedelt a lescht Joer säin éischte vollelektreschen Auto presentéiert. Elo ass deen neien Honda e endlech och an der Automag-Redaktioun gelandt a gouf vum Paul Origer am Alldag getest.

E klengen Auto fir kuerz bis Akafen ze goen an da wa méiglech och nach Ëmweltfrëndlech ënnerwee sinn. Dat kéint zum Beispill de Renault Clio E-Tech sinn. De Rich Simon hat deen am Test a stellt eis de Fransous am Automag vun haut vir....

Mam CLA schléit Mercedes d’Bréck tëscht der A- an der C-Klass. An zanter Kuerzem sinn de Coupé an de Shooting Brake och als Plug-In Hybrid ze kréien. Ob et dobäi just drëms gaangen ass e Lach an der Gamme opzefëllen, oder ob déi nei Motorisatioun Sënn mecht huet den Akim Schmit aus der Automag-Equipe probéiert erauszefannen.

D’R-Modeller si bei VW jo bekanntlech déi leeschtungsstärkst Versiounen, elo gëtt och d’SUV-Flaggschëff Touareg mam onscheinbare Buchstaw gekréint an anengems een neie Plugin-Hybrid-Undriff lancéiert. De Paul Origer hat den neie VW Touareg R e-hybrid fir eis am Test.

D´Fréijoer ass do an de Summer steet logescherweis virun der Dir. Dat sinn déi Joreszäite wou een de Cabrio eraus hëlt. Fir déi eng geet een, soe mir mol, einfache Cabrio duer, fir déi aner muss deen awer och eppes ënnert der Hauf hunn. An esou ee stellt de Rich Simon eis vir. Nämlech de Mercedes AMG E53 4Matic....