Automag

Den Automag presentéiert sech hei op der Antenn ganz ofwiesslungsräich. Vu kleng bis grouss ass alles dobäi. Modeller fir dee méi klenge Porte Monni bis bei därer déi bal e Lotto Gewënn viraussetzen. Haut gëtt et een aus der Kategorie fir de bescheidene Budget. De KIA Picanto, deen e puer Neierunge mat op de Wee krut. De Christian Schmit hat sech där Saach ugeholl.

Am Automag vun haut schwätze mer iwwert en Auto, dee wuel bal all Mënsch kennt, och wann en näischt fir Autoen iwwreg huet. Et gëtt en elo schonn an der 8. Generatioun, dat eleng schwätzt scho fir seng Erfollegsgeschicht. Rieds ass vum VW Golf GTI, an dofir ass den Andy Brücker aus der Automag-Ekipp bei eis am Studio. 

Mat 7 Modeller, wa mer vum Offroad-Dinosaurier G mol ofgesinn, ass vun A bis S d’SUV-Gamme vu Mercedes nawell gutt vertrueden. Jéngste Spross ass ënnert aneren de GLB deen um leschte Festival seng Première gefeiert huet. Wéi sech deen am Alldag fiert a wat en esou besonnesch mécht, dat verréit eis de Paul Origer.

Ëmmer dann, wann et méi graff zougeet, kommen d’Gefierer vu "Volkswagen Nutzfahrzeuge" an d'Spill. Hieren neisten Utilitäre ass do awer eng Ausnam. Mam neie VW Caddy musse sech d’Kombiversioune vu Golf a Passat waarm undoen. Den Akim Schmit aus der Automag-Equipe hat de prakteschen Kombi mam héijen Daach am Test.

Made in Korea heescht et haut am Automag mam KIA Rio.

E Modell deen de koreanesche Konstrukteur elo schonn iwwer 20 Joer a senger Gamme huet. Elo dann och mat Mild Hybrid, Facelift a méi?

De Christian Schmit wollt dat hannert dem Volant erausfannen.

Mirai ass dat japanescht Wuert fir Zukunft. Japanesche Kascht gëtt et haut och am Automag. Toyota huet e Modell am Programm deen och Mirai heescht a mat Waasserstoff ugedriwwe gëtt. Dee geet elo a seng zweet Generatioun. De Christian Schmit war bei der offizieller Presentatioun zu Bréissel dobäi.

Virun e puer Woche war et nach ee vun den Highlights vum Autofestival deen an der Blackbox zu Hollerech Avant-Première gefeiert huet – kuerz drop duerft eis Automag-Equipe deen neie Mercedes EQA exklusiv fir zwee Deeg op de Lëtzebuerger Stroossen testen. Wéi eng Impressiounen den neien Elektro-Mercedes hannerlooss huet, verréit eis de Paul Origer:

Am Automag geet et haut em d’Mark mam Stär um Küler. Mercedes-Benz. Mat dee wichtegste Modell an der Gamme, hir C-Klass.

Déi huet dëser Deeg hir virtuell Première gefeiert, a ka vum 30. Mäerz u bestallt ginn.

Am Virfeld goufen et Detailer op eng virtueller Pressekonferenz. De Christian Schmit hat dat fir eis suivéiert.

Ëmmer nees gi mir jo drop higewise méi dacks den ëffentlechen Transport ze notzen. Ma da maache mir dat haut emol am Automag.

Fir d’MAN Lion’s City E-Roadshow war dee neien MAN Bus och zu Lëtzebuerg.

De Christian Schmit souz fir eis mat am fuschneien Elektro-Bus.

Zwee Joer ass et elo hir, dat Seat hir sportlech Equimentslinn Cupra zu enger eegener Mark gemaach huet. Deemols gouf dann och een eegestännege Modell versprach an deen ass elo do. De Paul Origer huet deen neie Cupra Formentor fir eis am Alldag getest.