Automag

Haut léiere mir am RTL Automag e Mann kennen dee sech en Dram erfëllt huet, an dowéinst op 1 Millioun Humpe verzicht huet, wéi hie seet. Wat sech do derhannert verstoppt, dat weess de Christian Schmit? 

N – am Fong ee ganz simple Buchstaw, bei Hyundai steet deen awer fir déi ganz sportlech Modeller wéi z.B. de Bestseller i30N. An der selwechter Optik goufen elo d’N-Line-Modeller lancéiert. Ob dat elo just eng Equipementslinn oder awer méi ass, dat seet eis de Paul Origer

E chice Coupé, dee scho viru senger offizieller Presentatioun fir vill Diskussioune gesuergt hat, dee parkt haut am Automag.  De BMW 4er Coupé.    De Christian Schmit war domat ënnerwee a verréit eis och wat dann di Diskussiounen iwwer de Nofollger Modell ausgeléist haten. 

An den Automag News ginn et gutt Nouvelle fir MG-Clienten, déi neitste Resultater aus den Euro-NCAP-Crahstester an ee fuschneie Modell bei DS. Den Détail elo mam Paul Origer:

„Explore the world at your own speed“, ma dat ass dach emol eng Uso. Do derhannert stécht d´Philosophie vu Krug Expeditioun. Déi baue Campere mat deenen dir iech esou zimmlech iwwerall kënnt hin trauen. Um leschte Caravan Salon zu Düsseldorf hat de Christian Schmit sech dat emol ugekuckt an erkläre gelooss.

Den neie Corsa ass ee vun den éischte Kanner aus dem neien Opel-Elterenhaus PSA. An dee gouf, genee wéi säi Zwilling Peugeot 208 vun Ufank un op Elektroundriff ausgeluecht. Wéivill Opel nach drastécht a wéi sech den Elektro-Corsa fiert, dat hat aus der Automag-Equipp de Paul Origer getest.

An elo geet et mam Automag op Köln. An d‘Motor World fir genee ze sinn. An déi leit um ale Flughafen Butzweiler Hof.    De Christian Schmit war dohi kucken, wou e Mobilitéit an hirer ganzer Villsäitegkeet erliewe kann. 

Och Citroën setzt bei den SUV op den Hybrid-Undriff fir Verbrauch an CO2 kleng ze halen. Allerdéngs soll esou och d’Elektromobilitéit an deem beléifte Segment agefouert ginn. Elo gouf den C5 Aircross als Hybrid virgestallt an de Paul Origer ass e fir eis gefuer. 

Net just kleng Kanner spille gären am Bulli, mee och d'Automag Equipe. Spaass mécht dat awer eréischt mat engem richtegen Offroader. Genee esou een ass den Toyota Hilux. Den Akim Schmit huet sech de Kult-Pickup ugekuckt a knaschteg gemaach.

Am Automag si mir haut mat engem Skoda ënnerwee. Déi neisten Oplag vum Modell octavia. Wéi gutt dee wuel ofschneit verréit eis de Christian Schmit, deen hannert dem Volant Plaz geholl hat.