Automag

By RTL Radio LëtzebuergLeisure Automotive

Automag episodes

October 12, 2020 Automag: Skoda Superb i.V., 12/10/2020 11:45
E Skoda an der Uewerklass – deemools wéi et nach ee verlängerte Passat war, gouf doriwwer geschmunzelt. Elo ass de Superb ee Konkurrent, dee roueg kann eescht geholl ginn. Zemools mat der neier Hybrid-Versioun ass eng nei an zäitgeméiss Motorisatioun dobäi koum. De Paul Origer seet eis wéi sech déi am Alldag fiert.
0 min
October 08, 2020 Automag: Subaru Impreza e-Boxer, 08/10/2020 16:15
Am Automag vun haut huele mer zesumme mam Andy Brücker e Japaner ënnert d'Lupp, bei deem sengem Numm Auto-Enthousiasten automatesch direkt u Rallye denke mussen. Et geet ëm de Subaru Impreza.
0 min
October 05, 2020 Automag: AMG GT Black Series, 05/10/2020 11:45
Mir schwätzen iwwer een Auto dee ronn 350.000 Euro kascht. Domadder ass et ee vun den deiersten Ween, déi een ze kafe kritt.
0 min
October 01, 2020 Automag: Audi A3 Sportback, 01/10/2020 16:15
Am Automag vun haut schwätze mer iwwert déi 4. Generatioun vun engem Auto, deen net nëmmen zu Lëtzebuerg gutt bei de Leit ukënnt. Ugefaangen hat et 1996, wéi Audi eng éischte Kéier den Audi A3 op de Marché bruecht huet. Zanterhir war et eng regelrecht Erfollegstory. Fir iwwert déi neiste Generatioun mat eis ze schwätzen, ass den Andy bei eis am Studio.
0 min
September 28, 2020 Automag: BMW Event zu Pepinster an der Belsch, 28/09/2020 11:45
Dëst Joer war zwar keng Schueberfouer, engem Kolleeg vum RTL-Automag ass et nawell gelongen, op d’Päerdercher ze klammen. Wéi dat wuel fonctionéiert huet ? De Christian Schmit weess dovunner eppes ze verzielen.
0 min
September 24, 2020 Automag: Citroën AMI, 24/09/2020 16:15
Haut am Automag e ganz originellen Elektro Auto, oder awer just e Scooter ? AMI, heescht en, kennt vu Citroën, an de Christian Schmit war op der offizieller Presentatioun zu Paräis mat dobäi.
0 min
September 21, 2020 Automag: Toyota Yaris, 21/09/2020 11:45
Iwwer 20 Joer sinn et hier dat an der Toyota-Gamm de Yaris de Starlet ofgeléist huet. Elo gouf als grouss Première déi 4. Generatioun zu Bréissel virgestallt an de Paul Origer konnt dee klenge Japaner fir eis fueren.
0 min
September 17, 2020 Automag: Opel Grandland X Hybrid4, 17/09/2020 16:15
Den Opel Grandland X gëtt et schon zanter 2017, ma elo kann een den SUV awer och un d’Steckdous hänken fir opzelueden. Den Akim Schmit aus der Automag Equipe huet sech den neien Opel Grandland X Hybrid4 am Detail ugekuckt.
0 min
September 14, 2020 Automag: Audi E-Tron Sportback, 14/09/2020 11:45
Déi véier Réng stinn haut am Automag am Mëttelpunkt. Zwar spéit, mee elo mëscht och Audi mat am Potpourri vun Elektro Autoen. Den E-Tron huet den Ufank gemaach, an elo konnt de Christian Schmit d’Sportback Versioun heivunner fueren.
0 min
September 10, 2020 Automag: LandRover Defender, 10/09/2020 16:15
Mini, Käfer an 2CV – fir der e puer ze nennen - hu virun allem eppes gemeinsam; si ware keng perfekt Autoen, mee si hunn d’Automobilgeschicht markéiert. A si krute bis op d’2CV alleguer ee modernen Nofolger. An dës Rei passt och de LandRover Defender. De Gelänn-Dinosaurier start elo och endlech an déi zweet Generatioun. Wat nach un de Virgänger erënnert a wéi en sech fiert, dat seet eis de Paul Origer.
0 min