De Cadillac CT6 steet schonn zënter knapp zwee Joer am Buttek. Elo huet en sech endlech an den RTL Autotest getraut. Dobäi gëtt et guer kee Grond, esou zeréckhalend ze sinn. De groussen Amerikaner wier näämlech duerchaus eng interessant Alternativ zu den däitsche Premium-Marquen, mengt de Serge Pauly.

De Cadillac CT6 steet schonn zënter knapp zwee Joer am Buttek. Elo huet en sech endlech an den RTL Autotest getraut. Dobäi gëtt et guer kee Grond, esou zeréckhalend ze sinn. De groussen Amerikaner wier näämlech duerchaus eng interessant Alternativ zu den däitsche Premium-Marquen, mengt de Serge Pauly.

// USO NET MATLIESEN - NEMME FIR DE SITE //

Wou de Serge eis erzielt huet, iwwert wat fir een Auto mir haut giffe schwätzen, war meng éischte Reaktioun: Cadillac? Gëtt et déi iwwerhaapt nach hei an Europa?
Esou ähnlech ass et mir och gaangen, wou den Telefon gerabbelt huet, an Cadillac Europa eis Testautoen proposéiert huet. Ech wosst zwar, dass Cadillac nach ëmmer hei an Europa aktiv wier, an dass se zu Bartreng esouguer eng Concessioun hunn, awer ech hat dës Marque och iergendwéi vum Radar verluer. An esou ass et wuel och ville Clienten gaangen, well d’Verkafszuele vu Cadillac hei um ale Kontinent sinn awer “iwwerschaubar”.

Vun Dengen Testautoen hues Du dir fir haut den CT6 erausgepickt.
Genee, dee steet zwar och schonn zwee Joer am Butték, an do lount et sech, sech deen e bësse méi genee unzekucken. Et ass eng richteg grouss Limousine. 5m18 laang, dat ass méi laang wéi seng direkt däitsch Premium-Konkurrenten S-Klass a 7er, an en iwwertrefft och deen neien A8 nach ëm e puer Milimeter.

Mä fir géint déi Konkurrenten unzekommen, ginn e puer Extra-Zentimeter wahrscheinlech net duer?
Definitif net! Fir unzefänken: e gesäit e bësse méi extra aus. Virun zéng Joer waren d’Cadillaken wierklech extrem designed. Vill Kanten, gezackte Luuchten, ganz extravagant. Déi ganz Designelementer erkennt een och beim CT6 nach erëm, mä et ass alles e bëssen ofgeschwächt, et ass e bësse méi elegant a gefälleg, ouni awer engem langweilege Mainstream ze verfalen. Fir eng Business-Limousine stécht den CT6 e definitiv nach ëmmer aus der Mass eraus.
Och den Intérieur kann sech weise loossen. Net nëmme vum Design oder vun der Plaz hir, mä och wat d’Finitioun ugeet. Et ass vläicht net déi absolut Perfektioun vum däitsche Premium-Trio, mä e kann definitiv mat Jaguar beispillsweis mathalen.

Mir mussen nach iwwert Motor a Stroosselag schwätzen. Looss mech roden: décke Bensinner a fiert sech wéi e Schëff?
Décke Bensinner: jein. Et ass leider kee V8, mä en 3-Liter-Twinturbo-V6, 417 Päerd, 8-Gang-Automatik. Geet gutt, kléngt einigermossen akzeptabel, de Verbrauch ass knapp zweestelleg, also och nach iergendwéi ok...
Fiert sech wéi e Schëff: kinnt ee mengen, mä en ass net esou schwéier wéi en ausgesäit. Seng Karosserie ass zu 62 Prozent aus Aluminium, dat dréckt d’Gewiicht op 1700 Kilo. En S-Klass bréngt eng hallef Tonn méi op d’Wo, an dat spiert ee beim Fueren. E läit sportlech op der Strooss, mä en huet nach ëmmer genuch Confort-Reserven. Wann ech et mat engem Europäer vergläiche misst, da giff ech soen, et ass bal wéi e BMW. Dat eenzegt, wou en sech wéi en amerikanescht Schëff ufillt, ass bei der Lenkung. Déi ass wierklech indirekt, synthetesch an ouni Feedback.

Du hues gesot, mir missten onbedéngt iwwert de Réckspigel schwätzen! Wat kann un engem Réckspigel esou besonnesch sinn?
Am Réckspigel ass en Ecran, an op dee gëtt d’Bild vun der Réckfuerkamera projezéiert. De Virdeel: d’Vue no hannen ass vill besser, wëll déi ganz Breet vun der Strooss gefilmt gëtt, an net nëmmen dat wat een duerch déi hënnescht Fënster gesäit. Mä um Ufank ass dat wierklech extrem bizarr. Mä am Laf vum Test hunn ech mech dru gewinnt. Bon, du kanns den Ecran awer och ausschalten, an dann hues Du nach ëmmer e ganz normale banale Réckspigel.

Elo kënnt d’Gewëssensfro: ass den CT6 déi besser Business-Limousine?
Den CT6 erlaabt sech keng gréisser Feeler. Et feelt ëm vläicht e bëssen u Prestige fir wierklech an der éischter Rei vun de Premium-Business-Limousine matspillen ze kënnen. Mä Clienten, déi eben net Audi, BMW oder Mercedes fuere wëllen, fannen hei eng interessant Alternativ zu Jaguar, Maserati oder Lexus. Virun allem well den CT6 präislech net zevill iwwerdreift, 73’000 Basis, 97’000 fir eisen Testauto mat allem drum und dran.

Verschidden Autosmodeller schéngen éiweg ze liewen – de Mercedes G ass een dovunner. D’Mammenhaus denkt nach laang net drun fir en an d’Pensioun ze schécken – au contraire. De Paul Origer hat elo déi neiste Versioun am Test!

Verschidden Autosmodeller schéngen éiweg ze liewen – de Mercedes G ass een dovunner. D’Mammenhaus denkt nach laang net drun fir en an d’Pensioun ze schécken – au contraire. De Paul Origer hat elo déi neiste Versioun am Test!

USO: Verschidden Autosmodeller schéngen éiweg ze liewen – de Mercedes G ass een dovunner. D’Mammenhaus denkt nach laang net drun fir hiren urtypesche Gelännwon an d’Pensioun ze schécken – au contraire, de Paul Origer hat elo déi neiste Versioun am Test!

Paul, an dat war eng Rees mat der Zäitmaschinn?
Esou kann een et nennen, ech géing éischter nach soen; Retro meets Future. De Mercedes G-Modell huet 1979 d’Liicht vun der Welt erbléckt – feiert also dëst Joer säi 40te Gebuertsdag – an en huet séng Grondzich bis haut behalen. Sief et d’Carrosserie mat de quasi senkrechte Fensteren an deene quadrateschen Diren mat deem typesche Klang wann ee se zoumécht, d’Dirgrëffer, dat separat Reserverad hannen grad ewéi déi ronn Pharen an déi robust Baguette ronderem. An all deene Joeren huet Mercedes emmer nees um G-Modell gefeilt ouni awer de Kär ze änneren.

Um Joergang 2018 dann awer méi wéi just liichte MakeUp?
Ganz kloer, opfälleg sinn déi gréisser Ännerungen um Geliits; och de G-Modell klëmmt ëm op LED-Technik; bei de Pharen ginn et elo optional Multibeam LED déi den Oppräis vu 1500 Euro absolut wäert sinn. Soss gouf d’Karosserie mat hiren Ubaudeeler nach optesch ugepasst. Bannendran ass dann de groussen Aha-Effekt; den Tableau start mam optionale Widescreen-Cockpit an déi digital Welt, all erdenklech Confort-Features wéi dynamesch Sëtzer mat Massage, Heizung a Lüftung, eng Burmester-Audioanlag an eng ganz Rëtsch Assistenzsystemer hu se dem Oldie spendéiert.

Also vill neies un engem 40 Joer alen Auto? Och e bësse méi radikal Ännerungen?
Jo, dat kann een esou soen an dat spiert een och wann een eraklëmmt; de G ass nämlech gewuess. 5 cm méi laang an 12 cm méi breet; en ass domat nach emmer kee Raumwonner mee d’Raumgefill ass duerch deen héighen Daach souwisou nach emmer exzellent, hei an do ginn et dann nach e puer cm méi Raum fir Been, Ielebéi a Schëlleren. Behalen huet en déi extrem héich Sëtzpositioun; wéi ee Kinnék trount een am G iwwert dem Verkéier. Wou awer richteg vill geschafft gouf, dat ass um Fuerwierk. Wësse muss ee jo dat de G-Modell ee wäschechte Gelännwon ass; mat richtegem Chassis, Allrad, Differenzialspären a Redukterboîte. An dat et scho bal eng Schan ass dat ech en nëmmen iwwert d’Autobunn bis a Bayern an iwwer Koblenz nees zeréck gefuer sinn amplaz esou richteg an d’Gelänn ze goen. Mee dat neit Fuerwierk mat elo Eeenzelradophänk vir, huet em effektiv méi Kalitéiten ausserhalb vu Bulli a Geröll bruecht; e läit roueg op der Strooss a mécht bis op de Wand quasi null Fuergeräischer. D’Karrosserie wankt manner wéi fréiher, d’Steierung huet u Präzisioun gewonnen, den Auto ass erstaunlech handlech ginn, léisst sech esouguer gutt duerch d’Kéiere joen an dréckt héchstens mol iwwert déi viischt Rieder. Déi verschidde Fuermodi misst ech elo net hunn; Eco ass e Witz wëll et net vill bréngt, Sport fannen ech fir esou e Gelänndinosaurier souwisou Mumpitz wëll e behällt séng 2,4 Tonne Gewiicht grad esou wéi d’Aerodynamik vun engem Eefamilljenhaus.

Also een Auto un deen een anescht erugoe muss!
Genee! De G ass nämlech iwwerlieft; extrem schwéier, extrem héich dat ee bei all Tiefgarage zidderen a fir eranzeklammen eng gewësse Fitness opbrénge muss, extrem wéineg wandschnetteg an doduerch immens duuschtereg, besonnesch op der Autobunn. Mat deem topmoderne V8-Bensinner an eiser Testversioun G 500 war ënner 16 Liter näischt ze maan, bei konstant 140 rauschen am Schnëtt 18 – 20 Liter an nach méi derduerch. De G muss ee gär hunn oder et si lossen. Ech hat mech direkt an de Boller-Wummer-Sound verléift, et ass faszinant wéi déi 422 Päerd dat risegt Gefier a Beweegung versetzen an déi nei 9-Gang-Automatik d’Gäng total onopfälleg sortéiert. Et fillt een sech bannenan wéi wann ee séng Stuff mat op d’Rees géing huelen, inklusive dat Gefill vun totaler Sécher- a Gebuegenheet. A Mercedes huet et wierklech gutt fäerdeg bruecht al a modern ze kombinéieren; wann och verschidden Assistenzsystemer wéi z.B. dee vum Spuerhale system awer elo net esou gutt fonctionnéiert wéi an anere Baureihen.

Spéitstens beim Präis kritt een d’Décisioun liicht gemaach?
Esou ass et. Ob Fierschter, Entrepreneuren, Zänndokter oder einfach nëmme Fans; wann d’Zuelen um Bankkonto stëmmen, why not. Da spillen 107.000 Euro Basis oder 150.000 wéi fir eisen Testauto kee Rouleau. An no’m Verbrauch freet och keen. Ech weess dat ech mer en net leeschte kann a war frouh en nach emol fueren ze dierfen. Wëll fest steet: éiweg wäert et Ikone wéi de Mercedes G-Modell net méi ginn.

An du hues eis nees vill Fotoe vum neie Mercedes G-Modell matbruecht - ze fanne sinn déi genee wéi d'Präisser vun alle Versiounen op auto.rtl.lu

Et ass wahrscheinlech nach kengem opgefall, mä zënter Januar 2019 gëtt et een neie Sprit op eise Pompelstatiounen, de 95er E10.
De 95er kenne mer alleguer, dat war bis elo den Eurosuper bläifräi mat 95 Oktan. Bei eisen däitschen Nopere gouf et awer scho méi laang e puer Ënnerkategorien: E5 an E10. De Paul Origer kläert eis op.

Et ass wahrscheinlech nach kengem opgefall, mä zënter Januar 2019 gëtt et een neie Sprit op eise Pompelstatiounen, de 95er E10.
De 95er kenne mer alleguer, dat war bis elo den Eurosuper bläifräi mat 95 Oktan. Bei eisen däitschen Nopere gouf et awer scho méi laang e puer Ënnerkategorien: E5 an E10. De Paul Origer kläert eis op.

23/02/2019 AUTOMAG Nei Bensinnszort E10 (10h00)             P. ORIGER
USO: Et ass wahrscheinlech nach kengem opgefall mee zenter Januar 2019 gëtt et een neie Sprit op eise Pompelstatiounen, de 95er E10. Wat derhannert stécht a wat een doriwwer wësse muss, seet eis de Paul Origer.
Paul de 95 E5 gëtt et net méi, elo kënnt de 95 E10 amplaz – klär eis emol op!
De 95er kenne mer alleguer, dat war bis elo den Eurosuper bläifräi mat 95 Oktan. Bei eisen däitschen Nopere gouf et awer scho méi laang e puer Ennerkategorien; E5 an E10.

Wat heescht dat?
E steet fir Ethanol, méi genee Bioethanol an d'Zuel fir de Pourcentage vu Bioethanol an dëser Spritzort.

Esouwäit esougutt – firwat kënnt dat elo?
Hannendru stiechen EU-Richtlinnen déi virschreiwen, dat bis 2020 10% erneierbar Energien am Transportsekteur mussen erreecht ginn. Domat sollen CO2-Emissiounen an Treibhausgasen erofgoen wëll d'Produktioun vu Bioethanol manner Zäregase verursaacht.

An Däitschland gëtt et den E10 scho méi laang, do war de Start awer net esou diskret verlaf wéi bei eis?
Ma nee, iwwerhapt net. Et ass zu engem grousse Skandal ausgeart, et gouf zum Boykott vun E10 opgeruff. Engersäits wéngt emwelttechnesche Bedenken, virun allem awer och well vill al Autoen iwwerhaapt net mat deem Sprit kompatibel sinn. Deemools war den Ofsaz esou schwaach dat d'Aféierung virleefeg gestoppt gouf an den E5 am Programm bliwwen ass. Ech hat leschte Samschden beim Veteran and Vintage Car Club Lëtzebuerg nogefrot – dem Präsident Alain Friser no schéngt sech nach kee Clubmember doriwwer Gedanke gemaach ze hunn.
23/02/2019 AUTOMAG Nei Bensinnszort E10_CUT01_NetVirbereet

Du seess den E10 verdréit sech net mat alen Autoen, wat ass do dann de Problem?
Problem ass dat vill Motoren a virun allem d'Périphérie an d'Leitungen net fir esou een héighen Undeel u Bioethanol ausgeluecht sinn. Leider ass nach net all Oldtimerfan doriwwer am Bild!
23/02/2019 AUTOMAG Nei Bensinnszort E10_CUT02_ReaktiounAlainFriserVVCCL

Eppes wat eiser Emwelt eppes brénge soll an awer Nodeeler mat sech bréngt – war dat och den Ausléiser fir de Skandal bei eisen däitschen Noperen?
Do gëtt et den E10 effektiv scho méi laang; 2011 gouf mat der Aféierung ugefaang.
Den technesche Problem gouf jo schonn deelweis erkläert; Ethanol ass Alkohol an dee ka Plastiker a Gummien ugräifen, dat gëllt och fir Deeler aus Aluminium déi am System vun der Spritversuergung verbaut sinn. Ausserdem hat een Ingenieur vu BMW 2011 gewarnt dat duerch Ethanol an déi folleglech Kondensatioun méi Waasser an de Motor an an den Ueleg geréit. Ausserdem soll den Auto méi Bensinn verbrauche wëll am Ethanol 32 % manner Energie enthalen ass, esou deemols den ADAC.
Ob et der Emwelt eppes brénge soll, war deemols och staark emstridden; fir méi Ethanol musse méi Planzen ugebaut a méi Akerland erschloss ginn, respektiv Ethanol importéiert ginn. Ausserdem komme beim Ubau och nees Dünger a Pestiziden an den Asaz.

Also keen einfache Start deemols – haut huet sech dat alles awer kalméiert?
Haut héiert een effektiv näischt méi dovunn. A bei Autoen, déi fir E10 zougeloss sinn, si bis haut nach keng Schied bekannt. An et sinn haut 9 vun 10 Autoen déi E10 verdroen; Ausnahme si wierklech eeler Modeller mat an ouni Injectioun a virun allem Bensinndirektasprëtzer vun der éischter Generatioun. Als Léisung huet sech fir vill Skeptiker den 98 Oktan Bensinn erausgestallt, dee bleift nämlech ëmmer nach bei 5% Ethanol.
Fir den Alain Friser vum Veteran and Vintage Car Club Lëtzebuerg a vill aner Oldtimerfans wäert dat elo, wann d'Saison nees ugeet, déi eenzeg a sécher Alternativ sinn.
23/02/2019 AUTOMAG Nei Bensinnszort E10_CUT03_Alternativ98Oktan

OFSO: An et kann een sech natierlech online informéieren ob säin Auto mat E10 kompatibel ass; op e10.lu ginn et all déi néideg Informatiounen.

De 5-Dierer an d’Kombiversioun Sports Wagon haten den Ufank gemaach, elo start beim Kia ProCeed déi drëtt Karosserievariant. De Paul Origer war fir eis zu Barcelona bei der Presentatioun derbäi.