Björn Stefánsson eða Bjössi í mínus eins og hann er oft kallaður og hans betri helmingur, Íris Dögg Einarsdóttir, eru viðmælendur þáttarins að þessu sinni og áttum við ótrúlega áhugavert og einlægt spjall um sambandið, lífið, tilveruna & allt þar á milli.  
Þeim er báðum margt til lista lagt en Bjössi er leikari, þungarokkari og trommari á meðan Íris er ljósmyndari og hefur getið sér gríðarlega gott orð á þeim vettvangi. 
Bjössi og Íris hafa verið saman í 20 ár og eiga saman þrjú börn og sögðu þau mér frá því þegar þau sáust fyrst á Gauki á stöng á því herrans ári 2002. Bjössi hafði þá reyndar enga trú á því að hann ætti séns í hana en hún varð að eigin sögn strax alveg sjúk í hann en tók það heila sex mánuði að finna Bjössa aftur eftir það kvöld eins og það gat stundum verið áður en tæknin tók öll völd. 
Þau segja í þættinum frá hinum ýmsu tímabilum úr þeirra lífi; bréfaskriftum í fjarbúð, árin þeirra í Danmörku meðan Íris kláraði námið sitt í ljósmyndun og ákvörðun Bjössa um að skella sér í leiklistanám án þess að segja neinum frá því, sjálfsrannsókn sem þau fóru saman í og fegurðina við það að fara saman til þerapista og rækta sjálfan sig.  Við ræddum einnig leikaralífið, að vinna yfir sig og takast á við slíkt í sameiningu og sögðu þau mér góða sögu af því þegar Bjössi hitti pabba Írisar í fyrsta skipti sem leist ekki alveg á blikuna að dóttir hans væri byrjuð með þessum þungarokkara í mínus. 

Njótið vel!

Aha.is -  https://aha.is

Blush.is -     https://blush.is/

Bagel 'n' Co -   https://https://www.bagelnco.is/

Ajax

Í þessum þætti fékk ég til mín virkilega góða gesti þau Guðjón Davíð Karlsson, eða Góa eins og hann er alltaf kallaður, og eiginkonu hans Ingibjörgu Ýr Óskarsdóttur. 
Gói er í dag fastráðinn leikari við Þjóðleikhúsið en hefur hann í gegnum tíðina leikið í fjölda verka á fjölum leikhúsanna, í sjónvarpi og kvikmyndum, samið handrit og leikstýrt bæði í leikhúsi og sjónvarpi.  
Inga er ljósmóðir og segir frá því í þættinum að eftir að hún varð vitni að fyrstu fæðingunni í hjúkrunarfræðináminu hafi ekki verið aftir snúið og var hún þá staðráðin í því að gerast ljósmóðir.
Gói og Inga kynntust árið 2003 en sameiginlegur vinur þeirra benti þeim á hvort annað og úr varð blind date sem má segja að hafi verið ást við fyrstu sýn. Í dag hafa þau verið gift í tólf ár og eiga saman þrjú börn. 
Gói og Ingibjörg eru ofur hress og höfðu frá svo miklu skemmtilegu og áhugaverðu að segja að við hefðum auðveldlega getað setið í marga tíma til viðbótar. Spurning um að ég fái þau bara aftur til mín við tækifæri. 
Þessi þáttur er pakkaður af geggjuðum umræðum og sögum; við ræddum leiklistina og ljósmóður-starfið,  fegurðina í því að ferðast með fjölskylduna innanlands með hjólhýsið og festast ekki of mikið í því að plana hluti,  eftirminnilegt einkaþjálfunartímabil þeirra á Akureyri, fyrstu jólin þeirra sem fjölskylda þar sem þau misreiknuðu sig aðeins í skammtastærðunum og sögðu þau mér margar kostuglegar sögur, þar á meðal var ein frá ferð þeirra á veitingastað með elsta drenginn þeirra sem fór aaaðeins öðruvísi en þau höfðu gert ráð fyrir. 

Aha.is -  https://aha.is

Blush.is -     https://blush.is/

Bagel 'n' Co -   https://https://www.bagelnco.is/

Ajax

Tónlistarmanninn Sverri Bergmann þarf vart að kynna fyrir fólki en hann hefur á undanförnum árum og áratugum sungið sig heldur betur inn í hug og hjörtu landsmanna. 
Hann kíkti í heimsókn til mín í stúdíóið á dögunum ásamt kærustu sinni,  barnsmóður og betri helming, Kristínu Evu Geirsdóttur og áttum við virkilega skemmtilegt spjall.  
Nú er jólavertíð hjá flestum tónlistarmönnum og er Sverrir þar engin undantekning en það er nóg að gera hjá honum þessa dagana bæði í skemmtanabransanum ásamt því að hann starfar sem kennari í Menntaskólanum á Ásbrú þar sem hann hóf störf árið 2020 sem stærðfræðikennari.
Kristín Eva er lögfræðingur að mennt og sérhæfði sig í flug-og geimrétti í Hollandi. Áður hafði hún starfað sem flugfreyja hjá Qatar Airlines í þrjú ár en þar kviknaði áhugi hjá henni á því að sameina lögfræðina og flugbransann. Nú er Kristín hinsvegar í fæðingarorlofi en þau Sverrir eignuðust dætur sínar tvær með stuttu millibili og fæddist yngri dóttir þeirra í maí á þessu ári. Það má með sanni segja að það hafi verið ást við fyrstu sýn hjá Sverri og Kristínu en segja þau skemmtilega frá því í þættinum að þau hafi nánast verið flutt inn saman í sömu viku og þau kynntust.  Í þættinum fórum við um víðan völl og ræddum meðal annars tónlistarferilinn, nágrannakærleikann í Njarðvík, eftirminnilega Celine Dion tónleika, mikilvægi þess að sýna ólíkum áhugamálum hvors annars skilning, árin þrjú í Qatar og sögðu þau mér margar frábærar sögur úr þeirra sambandstíð.

Aha.is -  https://aha.is

Blush.is -     https://blush.is/

Bagel 'n' Co -   https://https://www.bagelnco.is/

Ajax

Ása Ninna Pétursdóttir fatahönnuður og fjölmiðlakona kom í skemmtilegt spjall ásamt kærasta sínum og betri helming, Árna Braga Hjaltasyni. 
Ása Ninna hefur undanfarin ár haldið utan um miðilinn Makamál á Vísi.is þar sem hún kafar ofan í allt sem tengist ástinni, tilhugalífinu og stefnumótamenningu Íslendinga.  
Í haust fór hún síðan af stað með mannlífs- og stefnumótaþáttinn Fyrsta Blikið og sló hann vægast sagt í gegn og er undirbúningur nú þegar hafinn að næstu þáttaröð. 
Árni Bragi er verkefnastjóri hjá Félagsvísindastofnun Háskóla Íslands ásamt því að vera DJ þar sem hann er þekktur undir nafninu DJ Kocoon og er hann meðlimur plötusnúðahópsins Plútó sem stýrir þáttum á Útvarp 101.  Árni hefur einnig hjálpað Ásu mikið í verkefnum tengdum Makamálum og vann hann með henni að Fyrsta blikinu þar sem hann hjálpaði til við framleiðslu þáttanna og sá um að para saman einstaklingana á stefnumótin.
Ása og Árni kynntust árið 2018 og segja þau frá því í þættinum þegar þau sáust fyrst á Prikinu þar sem Árni var plötusnúður og Ása fremst í flokki á dansgólfinu þar sem hún reyndi ítrekað að ná augnsambandi við Árna uppi á sviði, án árangurs, á meðan Árni kíkti á Ásu í laumi án þess að hún sæi. Í kjölfarið fylgdi örlagaríkt instagram- add í boði Ásu. Hlutirnir voru nokkuð fljótir að þróast hjá þeim eftir að þau byrjuðu að hittast og nokkrum mánuðum síðar áttu þau von á þeirra fyrsta barni saman. 
Í þættinum ræddum við meðal annars stefnumótamenninguna hér á landi og hvernig hugmyndin að sönnum íslenskum makamálum varð til og þróaðist í þann miðil sem Makamál er í dag, Fyrsta Blikið og hvernig það var að fá mömmu sína í þáttinn og fylgjast með henni á blindu stefnumóti, rómantíkina og date nights í þeirra huga og deildu þau með mér skemmtilegum sögum úr þeirra sambandstíð þar á meðal frá  “hysterical laughing” sem Ása glímdi við á meðgöngunni. 

Aha.is -  https://aha.is

Blush.is -     https://blush.is/

Bagel 'n' Co -   https://https://www.bagelnco.is/

Ajax

Elísabet Metta Svan Ásgeirsdóttir og Ágúst Freyr Hallsson, eða Metta og Áki eins og þau eru gjarnan kölluð, eru eigendur og stofnendur Acaí skálar-staðarins Maikai, sem slegið hefur heldur betur í gegn undanfarin misseri.
Metta og Áki kynntust árið 2016, rétt áður en Metta fór í 6 vikna ferðalag til Balí,  þar sem hún kynntist alvöru Acaí skálum og varð strax heilluð. Það var þó ekki fyrr en rúmu ári síðar sem hugmyndin fór að þróast hjá þeim að færa Íslendingum almennilega Acaí skál en þau segja í þættinum frá ferlinu  allt frá tilraunum þeirra í eldhúsinu heima að opnun á þeirra fyrsta Maikai stað á Hafnartorgi í miðjum heimsfaraldri, hvorug með viðskiptafræði bakgrunn né reynslu úr veitingabransanum og ræddum við hvað það er sem skiptir máli til þess að dæmið gangi upp.  Í dag eru skálarnar þeirra seldar á mörgum stöðum víðsvegar um landið og er ekkert lát á vinsældum þeirra.
Í þættinum fórum við um víðan völl og ræddum meðal annars hvernig það er að vinna og reka fyrirtæki með makanum sínum, skólakerfið og mikilvægi þess að steypa ekki alla í sama mót, mómentið sem Metta tilkynnti óléttuna af þeirra fyrsta barni rétt fyrir keppnisleik hjá Áka, tilraun Áka í að vera rómantískur og deildu þau með mér fullt af skemmtilegum sögum úr þeirra sambandstíð þar á meðal einni af því þegar Metta gerði heiðarlega tilraun til þess að sækja um barnabætur.

Aha.is -  https://aha.is

Blush.is -     https://blush.is/

Bagel 'n' Co -   https://https://www.bagelnco.is/

Ajax

Það er óhætt að segja að Hermann Hreiðarsson sé sannkölluð fótbolta goðsögn en hann spilaði með íslenska karlalandsliðinu í fótbolta í 15 ár frá árunum 1996- 2011 og hefur hann spilað flesta leiki í ensku úrvalsdeildinni af öllum Íslendingum þar sem hann gerði garðinn frægann meðal annars í Crystal Palace, Charlton og Portsmouth. 
Undanfarin ár hefur hann snúið sér að þjálfun og er hann um þessar mundir að undirbúa flutninga til Vestmannaeyja ásamt fjölskyldu sinni þar sem hann hefur tekið við liði ÍBV. Hermann kynntist sínum betri helmingi, Alexöndru Fanneyju Jóhannsdóttur snemma árs 2017 en hún var þá flugfreyja hjá Icelandair. 
Þetta var virkilega skemmtilegt spjall og er greinilegt að þeirra samband hefur verið fullt af ævintýrum, ferðalögum og skemmtilegum uppákomum eins og heyra má í viðtalinu og eiga þau í dag saman tvo stráka en fyrir átti Alexandra einn son og Hermann tvær dætur. 
Í þættinum fórum við um víðan völl og ræddum meðal annars upphaf þeirra sambands og að Alexandra hafi í raun haldið að það væri verið að gera símaat í sér þegar Hermann hringdi í hana í fyrsta skipti til þess að bjóða henni út, matarástina og keppnisskap þeirra beggja, atvinnumennskuna og tímann í ensku úrvalsdeildinni, mómentið þegar Hermann hélt að Alexöndru hefði verið rænt, matareitrun á bifvélaverkstæði í Queens, flutningana til Vestmannaeyja og margt fleira en þátturinn er stútfullur af geggjuðum sögum úr þeirra sambandstíð.  Njótið vel!

Aha.is -  https://aha.is

Blush.is -     https://blush.is/

Bagel 'n' Co -   https://https://www.bagelnco.is/

Ajax

Í þessum þætti fékk ég til mín frábæra gesti þau Birki Már Sævarsson og eiginkonu hans og hans betri helming, Stefaníu Sigurðardóttur eða Stebbu eins og hún er gjarnan kölluð. 
Birkir Már hefur gegnt lykilhlutverki í íslenska karlalandsliðinu í fótbolta um árabil en var hann til að mynda fastamaður í byrjunarliði landsliðsins bæði á evrópumótinu í Frakklandi árið 2016 og heimsmeistaramótinu í Rússlandi árið 2018. Birkir Már hafði verið í atvinnumennsku í átta ár bæði Noregi og Svíþjóð áður en hann fluttist aftur heim til Íslands ásamt fjölskyldu sinni í lok árs 2017 þar sem hann hefur spilað með Val sem er hans uppeldisklúbbur og má til gamans geta að hann er bókstaflega með valsmerkið tattúverað á sig. 
Þrátt fyrir velgengni Birkis á vellinum má segja að það hafi farið lítið fyrir honum í fjölmiðlum en er hann hógværðin uppmáluð og var því sérstaklega gaman að fá hann og Stebbu til mín í spjall þar sem skín í gegn hversu jarðbundin þau bæði eru og taka þau sig síður en svo hátíðlega.
Stebba er íþróttafræðingur og starfar sem leikskólakennari í dag ásamt því að þjálfa yngri flokka í knattspyrnu en þau Birkir segja skemmtilega frá því í þættinum þegar leiðir þeirra lágu saman á Laugarvatni þar sem þau voru saman í bekk í íþróttafræði en á þeim tíma hvatti hún Birki þó eindregið til þess að finna sér konu á sínum aldri enda er hún heilum þremur árum eldri en hann. Hann fór þó blessunarlega ekki að þeim ráðum og hafa þau verið saman allar götur síðan, eiga saman fjögur börn og giftu sig árið 2009. Í þættinum fórum við meðal annars yfir upphaf sambandsins á Laugarvatni og þeirra helsta sameiginlega áhugamál sem eru íþróttir en vita þau fátt skemmtilegra en að fara saman á leiki í hinum ýmsu íþróttum hvort sem það er hjá úrvalsdeildarliðum eða yngri flokkum. Við ræddum einnig atvinnumennskuna og landsliðsferilinn, árin þeirra í Noregi og Svíþjóð  og deildu þau með mér góðum sögum úr þeirra sambandstíð, þar á meðal einni beint af fæðingardeildinni. 

Aha.is -  https://aha.is

Blush.is -     https://blush.is/

Bagel 'n' Co -   https://https://www.bagelnco.is/

Ajax

Í þessum þætti fékk ég til mín frábæra gesti þau Gunnar Stein Jónsson landsliðsmann í handbolta og Elísabetu Gunnarsdóttur bloggara, áhrifavald og stofnanda og eiganda bloggsíðunnar vinsælu, Trendnet.is. 
Elísabet og Gunnar hafa verið saman frá því þau voru unglingar en segja þau frá þeirra fyrstu kynnum í sjötta bekk, þegar þau urðu síðan sessunautar í 8. 9. og 10. bekk og að ensku kennarinn þeirra hafi þá margoft þurft að sussa á þau þar sem þau gátu ekki hætt að spjalla saman en það var einmitt í 10.bekk þegar sambandið þeirra fór síðan að þróast úr því að vera góðir vinir yfir í ástarsamband. Í dag eru þau gift og eiga saman tvö börn og hafa þau búið undanfarin 12 ár í hinum ýmsu löndum í Evrópu þar sem Gunnar hefur verið í atvinnumennsku í handbolta. Nú eru þau nýflutt aftur heim til Íslands þar sem þau sinna hinum ýmsu verkefnum saman og í sitthvoru lagi en reka þau saman fyrirtæki þar sem þau eru með umboð fyrir Sjöstrand á Íslandi og er Gunnar spilandi aðstoðarþjálfari Stjörnunnar. Í þættinum fórum við meðal annars yfir fjölskyldulífið í atvinnumennskunni og flutningana milli landa, upphafið á Trendnet og blogg- menninguna, “öskubuskuævintýri” Gunnars og hvernig þau enduðu á því að vera fjögurra manna fjölskylda í þremur löndum í covid rétt áður en þau fluttu síðan heim til Íslands fyrr á þessu ári ásamt því að þau sögðu mér að sjálfsögðu margar góðar sögur úr þeirra sambandstíð þar á meðal eina góða af Elísabetu í hamingjukasti á Ítalíu. 

Aha.is -  https://aha.is

Blush.is -     https://blush.is/

Bagel 'n' Co -   https://thebagelco.dk/pages/island

Ajax

Það er óhætt að segja að Hjálmar Örn Jóhannsson sé einn vinsælasti skemmtikraftur landsins en hann skaust hratt upp stjörnuhiminn á Snapchat fyrir nokkrum árum þar sem hann sló í gegn sem hinir ýmsu karakterar. Hvítvínskonan er sennilega einn af hans allra vinsælustu karakterum og má segja að hún sé orðin aðal-heiðursgestur í samkvæmum á Íslandi í dag, þá einna helst hjá hvítvínskonum landsins.
Hjálmar er annar þáttastjórnanda eins vinsælasta hlaðvarps landsins Hæhæ og kemur hann einnig reglulega fyrir í útvarpi, sjónvarpi og svo lengi mætti telja.
Ljósbrá Logadóttir, eða Ljósa eins og hún er gjarnan kölluð, er betri helmingurinn hans Hjálmars og var virkilega gaman að kynnast henni í þessum þætti og heyra hennar hliðar af lífinu með skemmtikraftinum Hjálmari í þessu virkilega einlæga og skemmtilega spjalli.
 Ljósa starfar hjá Alvotech og er samhliða því í MBA námi.  Hjálmar og Ljósa segja skemmtilega frá því í þættinum  hvernig leiðir þeirra lá eftirminnilega saman á double date-i hér um árið en í dag eiga þau saman tvö börn en á Hjálmar einnig tvær dætur úr fyrra sambandi.
Í þættinum ræddum við einnig skemmtibransann og hvernig þetta fór allt saman á flug hjá Hjálmari á sínum tíma en Ljósa á mikinn þátt í þeirri vegferð,  mikilvæg gildi þeirra að sýna öllum virðingu, rómantísku hliðina og trúlofun þeirra í Hide Park ásamt því að margar frábærar sögur fengu að láta ljós sitt skína.

Þátturinn er í boði:

Aha.is -  https://aha.is

Blush.is -     https://blush.is/

Bagel 'n' Co -   https://thebagelco.dk/pages/island

Ajax

Þau Reynir Lyngdal og Elma Lísa Gunnarsdóttir eru sannkölluð listahjón en þau hafa bæði getið sér gott orð í leiklistarheiminum, Elma Lísa sem leikkona og Reynir sem leikstjóri- og kvikmyndagerðarmaður. 
Það er nóg að gera hjá þeim um þessar mundir en Reynir er meðal annars að leikstýra áramótaskaupinu þriðja árið í röð og er Elma Lísa flugfreyja hjá Icelandair á milli þess sem hún leikur á sviði eða í kvikmyndum og þáttum en í sumar kom til að mynda út kvikmyndin Saumaklúbburinn sem sló rækilega í gegn þar sem Elma fór á algjörlega á kostum. 
Reynir og Elma Lísa hittust fyrst þegar þau unnu saman á kaffihúsinu café Ole í Hafnarstræti og urðu strax góðir vinir. Þau voru þá bæði í öðrum samböndum og flutti Reynir til Barcelona í nám og lágu leiðir þeirra ekki aftur saman fyrr en nokkrum árum síðar fljótlega eftir að Elma Lísa útskrifaðist úr leiklistaskólanum og hafa þau verið óaðskiljanleg síðan en Reynir segir frá því í þættinum að hann hafi alltaf verið skotinn í Elmu enda sætasta stelpan í bænum og hafði hann enga trú á því að hann ætti séns í hana en í dag hafa þau verið gift í 19 ár. 
Í þættinum fórum við um víðan völl og ræddum meðal annars leiklistina, ást þeirra á Barcelona og bónorðið sem átti sér einmitt stað á þeim slóðum eftir sex mánaða samband, tangó námskeið sem fór úrskeiðis, söngvaraflækju í brúðkaupinu þeirra og sögðu þau mér skemmtilegar sögur úr þeirra sambandstíð, meðal annars frá óvæntum framlengingum þeirra á utanlandsferðum.

Þátturinn er í boði:

Blush.is -     https://blush.is/

Bagel 'n' Co -   https://thebagelco.dk/pages/island

Ajax