Fegurðardrottningin, áhrifavaldurinn og flugfreyjan Fanney Ingvarsdóttir kíkti til mín í skemmtilegt spjall ásamt sínum betri helmingi, Teiti Páli Reynissyni.  Eins og margir vita hreppti Fanney titilinn “Ungfrú Ísland” árið 2010 sem opnaði fyrir hana ýmsar dyr og varð hún fljótlega í kjölfarið  afar áberandi á samfélagsmiðlum þar sem hún leyfir fólki að skyggnast inní líf sitt sem móðir, fagurkeri og tískumógúll með meiru. Fanney hefur einnig starfað sem flugfreyja um árabil en hefur nú sagt skilið við háloftin í bili og hlakkar til að takast á við nýjar áskoranir á jörðu niðri.
Teitur er viðskiptafræðingur og vinnur hann í Landsbankanum, nánar tiltekið í eignastýringu, þar sem hann hjálpar fólki að breyta einum dollara í tvo. Teitur er einnig mikill áhugaljósmyndari og stendur hann sig svo sannarlega í stykkinu í hlutverki sínu sem “insta husband”.
Í þættinum sögðu mér meðal annars frá afar óvæntum og örlagaríkum hitting þeirra í lyftu í Bandaríkjunum,  dálæti Fanneyjar á pizzum,  skósafn þeirra beggja sem er sennilega það stærsta á landinu og sögðu þau mér einstaklega  skondna sögu af óförum þeirra í brúðkaupi aldarinnar á Ítalíu þar sem þau misstu sig aðeins í gleðinni, eins og gengur og gerist.
Njótið vel!

Þátturinn er í boði:

Blush.is -     https://blush.is/

Spaðinn -    https://spadinn.is/

Ajax

Instagram:
https://www.instagram.com/betrihelmingurinn_/

Það hlaut að koma að því að undirritaður þyrfti að taka þátt í sóttkví gleði allra landsmanna og er þáttur dagsins litaður af því og var tekinn upp strangheiðarlega heima í stofu ásamt einu manneskjunni sem ég má vera nálægt þessa dagana sem er að sjálfsögðu minn betri helmingur. Við Sara tókum lauflétt spjall með gott möns á kantinum og stikluðum á stóru um okkar sambandstíð og fórum til dæmis yfir það hvernig það er að koma inn í samband þar sem börn eru í spilinu. 
Síðar í þættinum átti ég síðan gott zoom- spjall við leikkonuna Júlíönu Söru Gunnarsdóttur sem hefur gert garðinn frægan til dæmis í sjónvarpsþættinum vinsæla Venjulegt Fólk og hennar betri helming, Andra Jóhannesson þyrluflugmann hjá Landhelgisgæslunni og hljóðmann með meiru. Júlíana og Andri gripu símann á lofti sólbrún og sælleg nýlent frá Tenerife þar sem þau hafa verið að njóta undanfarna viku. 
Þess má til gamans má geta að Júlíana er barnsmóðir mín og munum við vinna að því sameiginlega markmiði næstu árin að skila þessum litlu einstaklingum okkar ágætlega heilsteyptum út í lífið.
Í þættinum fórum við meðal annars yfir hvernig það er að ala upp börn á tveimur heimilum,  ásamt því að ég fékk að skyggnast inn í líf þeirra beggja og sögðu þau mér aðeins frá því hvað þau eru að sýsla þessa dagana. 

Þátturinn er í boði:

Blush.is -     https://blush.is/

Spaðinn -    https://spadinn.is/

Ajax

Instagram:
https://www.instagram.com/betrihelmingurinn_/

Sirrý Arnardóttir og Kristján Franklín Magnúss eru viðmælendur þáttarins að þessu sinni og þó ég segi sjálfur frá þá var þetta alveg með eindæmum gott spjall sem kemur skemmtilega á óvart.  
Sirrý & Kristján hafa verið saman í 37 ár, hvorki meira né minna,  og eins og þið getið rétt ýmindað ykkur þá eiga þau fjöldan allann af sögum í pokahorninu og hafa þau hjón einstakt lag á því að segja skemmtilega frá.
Margir muna eflaust eftir Sirrý sem spjallþáttadrottningunni úr sjónvarpsþættinum vinsæla "Fólk með Sirrý" sem var sýndur á Skjá Einum um árabil en hún á að baki yfir 30 ára farsælan feril í fjölmiðlum.  Sirrý er ekki þekkt fyrir að sitja auðum höndum meðal annars hefur hún einnig gefið út fjöldann allan af bókum og sérhæft sig í að þjálfa fólk í öruggri tjáningu og samskiptafærni. 
Kristján er leikari og var hann framan af á fjölum leikhúsanna en hefur undanfarin ár og áratugi verið áberandi í kvikmyndum og sjónvarpsþáttum á borð við til dæmis Ófærð, Vonarstræti og Eiðinn.  Kristján er með einstaklega hljómþýða rödd og er því ekki að undra að hann hefur talað inn á ófáar teiknimyndir og nú í seinni tíð lesið inná hverja bókina á fætur annarri á Storytel. 
Eins og fyrr kom fram er þetta spjall  stútfullt af frábærum sögum og sögðu þau mér meðal annars frá því þegar hin bálskotna Sirrý beið spennt á Lækjarbrekku á níunda áratugnum eftir herranum sem aldrei kom, kostuglegum aprílgöbbum sem tekin eru alla leið og hvernig það er að viðhalda sambandi í 37 ár.

Njótið vel!

Þátturinn er í boði:

Blush.is -     https://blush.is/

Spaðinn -    https://spadinn.is/

Ajax 

Instagram:
https://www.instagram.com/betrihelmingurinn_/

Einn ástsælasti tónlistarmaður okkar íslendinga Eyjólfur Kristjánsson, eða Eyfi eins og þjóðin þekkir hann, kom til mín í einlægt og áhugavert spjall ásamt sínum betri helmingi, Söndru Lárusdóttur. Eyfi og Sandra hafa verið saman í 23 ár en þau kynntust á dansleik á því herrans ári 1998. Eyfi segist hafa verið ansi hræddur við skuldbindingar á þeim tíma en segir Söndru hafa náð að heilla sig upp úr skónum í rauðum kjól og hafa þau verið saman í blíðu og stríðu allar götur síðan.

Eyfi á farsælan tónlistarferil að baki og er hvergi nær hættur. Hann hefur samið hvern slagarann á fætur öðrum en má þar til dæmis nefna Draumur um Nínu, Álfheiður Björk, Ég lifi í draumi ásamt óteljandi fleiri lögum sem munu lifa með þjóðinni um ókomna tíð.
Sandra rekur heilræna heilsulind, Heilsu & Útlit,  sem er staðsett í Hlíðarsmára í Kópavogi þar sem hún býður upp á fjölmargar heilsubætandi meðferðir sem slegið hafa rækilega í gegn.
 Á stofunni er einnig boðið upp á tannhvíttunarmeðferðir en til gamans má geta að þau hjónin fóru saman erlendis fyrir nokkrum árum og sóttu sér menntun í þeim fræðum og stendur Eyfi vaktina annað slagið í hvíta sloppnum og hvíttar tennur landsmanna á milli tónlistarverkefna. 

Þetta var ótrúlega einlægt og skemmtileg spjall þar sem við fórum yfir söguna þeirra, ræddum bransann, hjónabandið með öllum þeim hæðum og lægðum sem því fylgir og sögðu þau mér meðal annars frábæra sögu úr þeirra fyrstu skíðaferð saman þar sem varð uppi fótur og fit á flugvellinum vegna gruns um vopnaburð þeirra hjóna.

Njótið vel!

Þátturinn er í boði:

Blush.is -     https://blush.is/

Ajax -            https://verslun.ojk.is/#stockitems/src:ajax

Spaðinn -    https://spadinn.is/

Instagram:
https://www.instagram.com/betrihelmingurinn_/

Það var mér sannur heiður að fá listahjónin Þorstein Bachmann og Göggu Jónsdóttur til mín í spjall en þau eru miklir snillingar bæði tvö.

Þorsteinn er einn fremsti leikari þjóðarinnar en hann hefur leikið hvert stórhlutverkið á fætur öðru í gegnum tíðina, nú síðast í Netflix seríunni Kötlu sem kom út á dögunum og hefur slegið rækilega í gegn.
Gagga er ekki síður hæfileikarík en hún hefur getið sér gott orð bakvið myndavélina bæði sem kvikmyndaframleiðandi og nú undanfarið sem handritshöfundur og leikstjóri en hún leikstýrði til að mynda bíómyndinni “Saumaklúbburinn” sem er í kvikmyndahúsum um þessar mundir. Ég skellti mér einmitt á myndina í bíó um daginn og get ég heldur betur mælt með henni en hún var sjúklega fyndin.

Þorsteinn og Gagga smullu saman árið 2005 þegar þau hittust fyrst í frágangi við gerð myndarinnar Flags of our fathers.
Í dag hafa þau verið gift í 12 ár, eiga saman tvær dætur og eru einstaklega samstíga í lífinu; eru miklir vinir og deila áhugamálum og lífssýn sem þau deildu með mér í þættinum.
Við fórum yfir söguna þeirra í þessu virkilega skemmtilega spjalli yfir poka af Góu kúlum, sem er í sérstöku uppáhaldi hjá þeim hjónum.
Við ræddum meðal annars trúlofunina þeirra á Ban Thai, kvikmyndagerðina og listina, ferðalag þeirra til Mallorca sem breyttist í martröð og deildi Gagga með okkur frábærri sögu af fæðingardeildinni þar sem litlu hefði mátt muna að Þorsteinn hafi komið ansi skrautlegur til fara í fæðingu dóttur þeirra.

Njótið vel!

Þátturinn er í boði:

Blush.is -     https://blush.is/

Ajax -            https://verslun.ojk.is/#stockitems/src:ajax

Spaðinn -    https://spadinn.is/

Instagram:
https://www.instagram.com/betrihelmingurinn_/

Hver man ekki eftir því þegar Níels Thibaud Girerd eða Nilli,  birtist eins og þruma úr heiðskýru lofti á sjónarsvið landsmanna örlagaríkt kvöld fyrir rúmum 11 árum síðan en vakti hann þá mikla athygli þegar hann náðist á upptöku Monitor TV í skrautlegu samtali við tónlistarmanninn Berndsen þar sem hann endaði á því að rappa fyrir alþjóð.

Upp því  áhugaverða augnarbliki hófst í raun ferill Nilla þar sem hann fékk í kjölfarið sinn eigin sjónvarpsþátt á Mbl.is ásamt því að vera í fleiri þáttum, til dæmis Týndu kynslóðinni á Stöð 2 ásamt Birni Braga. Það kemur manni svosem ekkert á óvart að Nilli hafi vakið athygli þarna um árið en ég er handviss um það að Nilli hefði endað í sviðljósinu með einum eða öðrum hætti, enda hefur Nilli að geyma alveg hreint stórbrotinn karakter sem þið fáið heldur betur að kynnast í þessum þætti.  Í dag er Nilli nýútskrifaður leikari frá leiklistardeild Listaháskóla Íslands og á hann framtíðina fyrir sér á sviði listarinnar. 

Það var ótrúlega gaman að fá hann til mín einlægt og stórskemmtilegt spjall ásamt hans betri helming, sem er ekki síður áhugaverð, henni Sóleyju Guðmundsdóttur.  Nilli og Sóley eru gott dæmi um tvo ólíka einstaklinga sem virka einstaklega vel saman.
Sóley er menntaður íþróttafræðingur ásamt því að vera ný útskrifuð með master í Blaða- og fréttamennsku og spilar hún knattspyrnu af kappi með Stjörnunni á meðan Nilli veit lítið sem ekkert um íþróttir,  hlustar á óperur og einbeitir sér að listinni dags daglega. 

Í þættinum fórum við meðal annars yfir það hvernig það er að vera alinn upp af fjórum kvennmönnum, ræddum um óhefðbundin stefnumót, fótboltann, óperuna og allt þar á milli. 

Þátturinn er í boði:

Blush.is -     https://blush.is/

Ajax -            https://verslun.ojk.is/#stockitems/src:ajax

Spaðinn -    https://spadinn.is/

Þorbjörg Marínósdóttir eða Tobba Marínós, eins og hún er gjarnan kölluð, kom í skemmtilegt spjall ásamt eiginmanni sínum Karli Sigurðssyni. 
Tobba er með eindæmum fjölhæf en hún hefur í gegnum tíðina verið áberandi á hinum ýmsu sviðum svo sem í fjölmiðlum, sem rithöfundur og undanfarið hefur hún látið til sín taka í matvælabransanum en árið 2019 hóf hún framleiðslu á handgerðu granóla sem hefur slegið rækilega í gegn.
Kalli, eiginmaður Tobbu,  er ekki síður afkastamikill en hann ætti að vera mörgum kunnugur sem einn af stofnendum og er meðlimur hljómsveitarinnar Baggalútar sem hefur skipað sér stóran sess í huga og hjörtum landsmanna.  
Tobba og Kalli hafa verið saman í rúm 11 ár og giftu þau sig með pompi og prakt á Ítalíu árið 2019. Í þættinum fáum við að heyra söguna bak við það hvernig Tobba og Kalli felldu hugi saman hér um árið, við fórum yfir Baggalútar ævintýrið sem hófst hjá nokkrum vinum úr MH, ritstjóraferil Tobbu á dv og margt fleira ásamt því að fá góðar sögur úr þeirra sambandstíð beint í æð.

Þátturinn er í boði:

Blush.is -     https://blush.is/

Ajax -            https://verslun.ojk.is/#stockitems/src:ajax

Spaðinn -    https://spadinn.is/

Tinna Björk Kristinsdóttir og Ingólfur Grétarsson eru líklega með fyndnari pörum landsins. Þau eiga það sameiginlegt að hafa skotist hratt upp á stjörnuhimininn á samfélagsmiðlum fyrir nokkrum árum, einfaldlega með því að vera fyndin og sniðug með húmorinn að vopni.  Síðan þá hafa þau vaxið gríðarlega á þeim vettvangi, þau hafa tekið þátt í hinum ýmsu verkefnum og halda í dag úti einu vinsælasta hlaðvarpi landsins undanfarinna ára “Þarf alltaf að vera grín?”. 
Það var ótrúlega gaman að setjast niður með þeim og fara yfir söguna þeirra, heyra hvernig þetta allt saman byrjaði og skyggnast aðeins bakvið tjöldin hjá þessum miklu meisturum. Í þættinum ræddum við ástina, húmorinn, stjúpforeldrahlutverkið og lífið almennt og fylgdu með margar einstaklega góðar sögur sem voru hver annarri kostuglegri.  Njótið vel!

Þátturinn er í boði: 

Blush.is -     https://blush.is/

Ajax -            https://verslun.ojk.is/#stockitems/src:ajax

Spaðinn -    https://spadinn.is/

Ingileif Friðrikdsóttir og María Rut Kristinsdóttir eru  sannkallaðar kjarnakonur sem búa yfir þeim eiginleika að segja alveg einstaklega skemmtilegar sögur og hafa þær lent í allskonar ævintýrum á tíma sínum saman.  Ingileif og María hafa verið saman síðan 2013 en þær giftu sig eftirminnilega á Flateyri árið 2018 og eiga þær saman tvo stráka. 

Það væri auðveldlega hægt að henda í góða bók um alla þá flottu hluti sem þær hafa gert í gegnum tíðina hvort sem það er í tengslum við pólitík, fjölmiðla, bókaútgáfu, aktivisma, og svo lengi mætti telja. 

 Í þættinum sögðu þær mér meðal annars frá ansi skrautlegum fyrstu kynnum Maríu við tengdarforeldra sína,  óþæginlegri tilraun Ingileifar til þess að vera rómantísk í karaoke og fyrstu kynnum þeirra í leigubíl síðla nætur árið 2013 en hafa þær verið óaðskiljanlegar síðan þá.

Þátturinn er í boði:

Blush.is -     https://blush.is/

Ajax -            https://verslun.ojk.is/#stockitems/src:ajax

Spaðinn -    https://spadinn.is/

Þrifdrottning Íslands og hin einstaklega skemmtilega Sólrún Diego kom í spjall ásamt eiginmanni sínum og betri helmingi, Frans Veigari Garðarssyni.
Sólrún hefur verið einn allra vinsælasti áhrifavaldur landsins síðustu ár ásamt því að hafa gefið út tvær bækur, hvorki meira né minna, og tekið þátt í hinum og þessum verkefnum. 
Það var síðan virkilega gaman að fá að kynnast Frans sem segist, þrátt fyrir vinsældir Sólrúnar, vera “út á við” týpan í sambandinu.  Þau sögðu mér meðal annars frá fyrstu þjóðhátíðinni þar sem þetta allt byrjaði, öðruvísi leiðum Frans í átt að hjarta Sólrúnar og deildu með mér skemmtilegum sögum af hvort öðru úr þeirra sambandstíð.

Þátturinn er í boði:

Blush.is -     https://blush.is/

Ajax -            https://verslun.ojk.is/#stockitems/src:ajax