Benedikt Valsson eða Benni, eins og hann er yfirleitt kallaður, er dagskrárgerðarmaður og hefur starfað á hinum ýmsu miðlum undanfarin ár.  Flestir ættu að kannast við Benna til dæmis úr Hraðfréttum sem sló rækilega í gegn á RÚV hér um árið. 
Heiða Björk Ingimarsdóttir er betri helmingurinn hans Benna og snillingur með meiru og hafa þau verið saman síðan þau voru unglingar. 
 Í þættinum fórum við um víðan völl þar sem þau meðal annars sögðu mér frá dögunum í Nóatúni, vandræðanlegri íkveikjusögu og fórum aðeins yfir Eurovision feril þeirra beggja. 

Friðrik Dór Jónsson þarf varla að kynna fyrir neinum en hann hefur um árabil verið einn vinsælasti tónlistarmaður landsins og hafa  mörg laganna hans náð að skipa sér stóran sess í huga og hjörtum landsmanna. Lísa Hafliðadóttir er hans betri helmingur en þau hafa verið saman nánast hálfa ævina og giftu þau sig eftirminnilega á Ítalíu árið 2018.   
 Frikki og Lísa eru miklir fagurkerar sem elska góðan mat og eiga það sameiganlegt að vera mikið keppnisfólk þar sem ófá spilakvöldin hafa farið úr böndunum þeirra á milli. 
Þetta var virkilega skemmtilegt spjall þar sem ég fékk að skyggnast aðeins inn í líf þeirra hjóna og ræddum við lífið og tilveruna og allt þar á milli. 
 

Loga Bergmann og Svanhildi Hólm kannast örugglega flestir við af skjánum og hafa þau bæði gert mikið af áhugaverðum hlutum í gegnum tíðina. Fyrir utan það þá hafa þau verið gift í sextán ár og eiga samtals sjö börn, hvorki meira né minna. 
Logi og Svanhildur eru ótrúlega skemmtileg og samstillt hjón sem finnst t.a.m fátt skemmtilegra en að vera í félagsskap hvors annars og hafa bæði mikið dálæti á köttum.  
Þau hafa mikinn húmor fyrir sjálfum sér og sjá ekki tilganginn í því að stressa sig á hlutum sem skipta ekki máli, sem er eflaust eitthvað sem margir geta tekið sér til fyrirmyndar. 
Frábært spjall!

Leikkonan Vala Kristín Eiríksdóttir hefur verið mikið í sviðljósinu undanfarin ár í hinum ýmsu verkum, ýmist á stóra sviðinu í Borgarleikhúsinu og á skjám landsmanna.  
Birkir Blær Ingólfsson er hennar betri helmingur og er virkilega áhugaverður einstaklingur. 
Birkir er rithöfundur, lögfræðinemi og einn af handritshöfundum Ráðherrans sem sló í gegn á síðasta ári. 
Þátturinn er einlægur, áhugaverður og fyndinn allt í senn þar sem við ræddum um lífið & tilveruna,  rómantíkina,  og skemmtilegar sögur úr þeirra lífi. 

Í þessum þætti fékk ég til mín góða gesti en það voru þau Fannar Sveinsson og betri helmingurinn hans hún Vala.  Fannar gerði garðinn frægan í Hraðfréttum á sínum tíma en hefur undanfarið verið iðinn við leikstjórn og framleiðslu á fjölbreyttu sjónvarpsefni. 
Við ræddum allt milli himins og jarðar,  skrýtnar venjur Fannars voru uppljóstraðar og kynntumst Völu á skemmtilegan hátt. 

Í þessum fyrsta þætti  var mjög viðeigandi að fá í heimsókn leikarahjónin Gunnar Helgason og Björk Jakobsdóttur. Gunni & Björk eiga bæði ótrúlegan feril að baki á sviði listarinnar, bæði sem leikarar og leikstjórar og einnig sem rithöfundar. Fyrir utan að vera bæði ógeðslega skemmtileg og fyndin , þá hafa þau verið saman í tæp þrjátíu ár, hvorki meira né minna og höfðu frá mörgum frábærum sögum að segja. Þetta var virkilega skemmtilegt spjall við þessi geggjuðu hjón þar við ræddum lífið og listina ásamt mörgu öðru þar sem þau meðal annars deildu með mér þeirra besta aprílgabbi, vafasömu áhættuatriði þeirra beggja á deit tímabilinu og galdrinum við að viðhalda löngu og farsælu hjónabandi.