Fyri aðru ferð innan eitt hálvt ár skal landsstýrið finna eitt nýtt landsstýrisfólk, eftir at løgmaður í gjár loysti Dennis Holm úr starvið sum landsstýrismann í fiskivinnumálum.

Men hvat var tað sum hendi, tá landsstýrismaðurin brádliga mátti leggja frá sær, hvussu ávirkar hetta stevið í samgonguni og hvør kann hugsast at taka við sessinum?

Politisku eygleiðarar viðgera støðuna

Ung og snús

Hóast 18 ár aldursmark á tubbaksvørum hevur ein kanning hjá Kringvarpinum avdúka, at tað er eingin trupulleiki hjá børnum og ungum undir 18 ár at keypa snús.

Er tað lagi, at tað er so lætt at fáa hendur á snús? Skal eftirlitið herðast? Og kann sølan yvirhøvur forðast?

Limir í rættarnevnd løgtingsins koma á gátt.

Luttakarar: Beinta Løwe, Árni Gregersen, Sonja Klein Simonsen, Yngva Sigurðsdóttir Lamhauge, Stefan Klein Poulsen, Kristianna Winther Poulsen, Hervør Pálsdóttir og Elsebeth Mercedis Gunnleygsdóttur

Gjørt sendingina hava Hallur av Rana og Birita Matras Petersen

Tøkningur: Kári Annand Berg

Dennis Holm, landsstýrismaður í fiskivinnumálum, breyt lógina, tá hann í fjørvár gjørdi ein part av svartkjaftakvotuni til felagskvotu. Tað staðfestir landsstýrismálanevndin.

Men sambært landsstýrismanninum var hann óvitandi um tað. Heldur tann grundgevingin? Fær málið avleiðing fyri landsstýrismannin ella embætisfólk? Ella er niðurstøðan hjá nevndini seinasta punktum í málinum?

Árni Gregersen og Eirikur Lindenskov, politiskir viðmerkjarar, vera í útvarpsstovuni.

Luttakarar: Hans Jacob Thomsen, Árni Gregersen og Eirikur Lindenskov. 

Gjørt sendingina hava Birgit Carina Eliasen og Hallur av Rana, sum eisini var redaktørur.

Tøkningur var Kári Annand Berg.

Í gjár vóru trý ár síðan, at Russland fór um tað markið, sum fyri mong var óhugsandi, og gjørdi innrás í Ukraina.

Tá bleiv mett og vónað, at kríggið fekk ein skjótan enda, men trý ár seinni eru samanbrestir á hermótinum enn gerandiskostur.

Meðan tey flestu okkara lesa um kríggið og síggja ræðuleikarnar í miðlunum, so eru tað nøkur her á landi, ið hava upplivað kríggið frá fyrstu røð.

Í Breddanum í dag fortelja vit søgurnar hjá nøkrum teirra.

Vit tosa við ukrainsk flóttafólk í Føroyum, føroyska hermannin, sum hevur stríðst í Ukraina og starvvsfólk hjá UNCHR í Ukraina.

Luttakarar: Yullia Spiridonova, Daniil Spiridonova, Rodion Spiridonova, Bjarti Grunnveit Olsen og Sandra Strøm.

Gjørt sendingina hava Birgit Carina Eliasen, Yngva Sigurdsdóttir Lamhauge og Hallur av Rana, sum eisini var redaktørur.

Tøkningur var Kári Annand Berg.

Rumbul er í Javnaðarflokkinum. Tað gjørdist greitt, eftir at flokkurin í gjár valdi tingnevndirnar í løgtinginum av nýggjum. Úrslitið av nevndarvalinum fall ikki í góða jørð hjá øllum. Árni Gregersen og Ingi Samuelsen, politiskir viðmerkjarar, vera í útvarpsstovuni.

Størri talufrælsi

Har skal vera minni sensurur og meira talufrælsi á sosialu miðlunum Facebook, Threads og Instagram. Tað sigur Mark Zuckerberg, forstjóri fyri tøknirisanum Meta, sum broytir leiðreglur í kjalarvørrinum av, at Donald Trump nú aftur situr í Hvítu húsunum.

Henda broytingin leggur stóra ábyrgd á brúkaran, sigur Eyðbjørt Skylv Midjord, miðlafrøðingur. Í dag hyggja vit nærri at, hvat nýggju leiðreglurnar bera í sær, og hvat tað fer at merkja fyri tey, sum brúka hesar miðlar.

Í sendingini:  Árni Gregersen, Ingi Samuelsen og Eyðbjørt Skylv Midjord. 

Gjørt sendingina: Sigurjón Einarsson og Birgit Carina Eliasen, sum eisini var redaktørur.

Tøkningur: Kári Annand Berg.

Evropa roynir av øllum alvi at finna fótafesti eftir toppfundin millum Russland og USA, sum var í saudiarabiska høvuðsstaðnum, Riyadh, fyrr í vikuni.

Í dag spyrja vit, hvat hetta merkir fyri Evropa, og um tað kann væntast, at Ukraina og Evropa fáa sess við borðið, tá samráðst verður um frið. Regin Berg, stjórnmálafrøðingur, kemur í útvarpsstovuna.

Og so spyrja vit eisini Tór Marna Weihe, serkønan í russiskum viðurskiftum, hvat Russland í grundini hevur fingið burtur úr fundinum í Saudiarabia.

Í sendingini: Regin Berg og Tór Marni Weihe. 

Gjørt sendingina: Sigurjón Einarsson og Birgit Carina Eliasen, sum eisini var redaktørur.

Tøkningur: Rúni Eysturlíð.

Snildfonir, sosialir miðlar, sjónvarp, teldlar, telduspøl og mangt annað: Skíggjar eru allastaðni, men vit skulu minka um nýtsluna.

Tað eru boðini frá Heilsustýrinum, sum í næstum kemur við nýggjum tilmælum. Hetta er triðju ferð, at almennu Føroyar koma við skíggjaráðum.

Í dag spyrja vit, hvørji tey nýggjastu ráðini eru, og hvønn mun hesi tilmæli í veruleikanum gera.

Í sendingini: Bjarni á Steig, Heri Joensen og Gitte Klein.

Gjørt sendingina: Sigurjón Einarsson og Birgit Carina Eliasen, sum eisini var redaktørur.

Tøkningur: Rúni Eysturlíð.

Hann hevur verið forseti í nakrar fáar vikur, men tað er, sum longu fleiri ár eru farin, síðani Donald Trump kom aftur í Hvítu húsini.

Ein rúgva av kravboðum og fráboðanum eru komin úr Washington fyrstu tíðina í seinna forsetatíðarskeiðinum.

Men hvussu hevur fyrsta tíðin eydnast, og hvat er endamálið við skjótu byrjanini? Vit tosa við Erik Løksagarð, stjórnmálafrøðing.

Grønland

Hvussu nógv er Grønland í føroyskum miðlum, og hvussu nógv eru Føroyar í grønlendskum miðlum?

Tað hevur Elin Neshamar, kandidatur í grønlendskum máli, kannað.

Í sendingini: Erik Løksagarð, Elin Neshamar og Katrin Petersen.

Gjørt sendingini: Birgit Carina Eliasen og Hallur av Rana, sum eisini var redaktørur.

Tøkningur: Kári Annand Berg.

Er tað neyðugt at hava eitt alment postfelag í nýggju talgildu tíðini?

Spurningurin er aftur vorðin aktuellur, nú nýggi stjórin hevur staðfest, at Posta ikki longur gongur postrutur.

Í sendingini í dag fara limir í løgtingsins vinnunevnd at kjakast um framtíðina hjá Posta.

Luttakarar: Erhard Joensen, Annika Olsen, Uni Holm Johannesen og Jørgen Niclasen. 

Gjørt sendingina: Birgit Carina Eliasen og Hallur av Rana, sum eisini var redaktørur.

Tøkningur:  Kári Annand Berg.

Forboð, aldursmark ella aðrar avmarkingar.

Hugskotini hava verið mong í tali seinastu árini, um hvat skal gerast við orkudrykkirnar, sum bara vaksa í tali í handilshølunum, men sum serfrøðingar ferð eftir ferð hava ávarað um eru skaðiligir.

So mikið skaðiligir, at ung og børn eiga at verjast fyri teimum.

So seint sum í farnu viku vóru teir enn eina ferð nevndir á okkara høga tingi.

Men tað eru ikki bara orkudrykkir, sum røddir siga, at børn og ung mugu verjast fyri. Fartelefonir, pornografiskt tilfar og sosialir miðlar eru onnur evni, sum javnan verður kjakast um.

Men hvat siga tey ungu um hesi evni, og verða tey spurd, tá lóggávan skal smíðast.

Í sendingini í dag lata vit tey ungu sleppa til orðanna.

Luttakarar: Áki Stenberg, Herborg Gaardlykke, Jóhannis Erlendsson, Gunnvá Winther og Martin Gardar.

Gjørt sendingina: Birgit Carina Eliasen og Hallur av Rana, sum eisini var redaktørur.

Tøkningur:  Kári Annand Berg.

Ongantíð hevur áhugin fyri Grønlandi og fólkinum har býr verið størri enn nú.

Og nú valstríðið er byrjað venda heimsins eygu móti oynni, sum vit enn eru í Ríkisfelagsskapi við.`

Men hvat er tað, sum ger, at heimsins eygu brádliga eru fest á Grønland og hví hevur hendan oyggin, sum er heimsins størsta, so stóran týdning fyri heimsins leiðarar.

Á Breddanum í dag - gera vit sum restina av heiminum - og seta sjóneyka á Grønland.

Luttakarar: Gestur Hovgaard, Jens Christian Svabo Justinusen og Uni Árting.

Gjørt sendingina hava Hansa Hansen og Hallur av Rana, sum eisini var redaktørur.

Tøkningur var Kári Annand Berg