ថ្ងៃសៅរ៍​​ ព្រះរាជាណាចក្រ​អង់គ្លេស ប្រារព្ធពិធីឡើងគ្រងរាជសម្បត្តិជាផ្លូវការ របស់ព្រះមហាក្សត្រ ព្រះអង្គ ឆាលស៍ ​ទី៣។ ព្រះរាជវត្តមាន​និង​វត្តមាន​ភ្លៀវ​កិត្តិយសមកពី​គ្រប់​ជ្រុងជ្រោយ​នៃពិភពលោក​​ ​ប្រមាណជាង​ ២ ៣០០ នាក់ សុទ្ធ​សឹងតែ ព្រះមហាក្សត្រ ប្រមុខរដ្ឋ ប្រមុខរដ្ឋាភិបាល និង​អ្នក​តំ​ណាងជាន់​ខ្ពស់​ ស្តេចយាង​និង​អញ្ជើញ​ចូលរួម​ពិធីបុណ្យដ៏​ឱឡារិកនៅ​អង់គ្លេស ដែល​​ នឹង​បន្តរៀបចំរហូត​ដល់ទៅ ​៣ ថ្ងៃ។ ព្រះអង្គ ឆាលស៍ ទី៣ ត្រូវ​គេ​មើលឃើញពីភាព​លេច​ធ្លោ​ខាងសកម្មភាព​បរិស្ថាន​ និង​ភាព​ទំនើប​និយម។ ក៏ប៉ុន្តែ មួយ​រយៈ​ចុងក្រោយ​នេះ របបរាជានិយម​អង់គ្លេស បា​នប្រឈម​នឹង​អប្រជាប្រិយភាព ពិសេស​នៅក្នុង​ចំណោម​យុវជនអង់គ្លេស។ នៅ​ក្នុង​ឱកាស​ព្រះរាជពិធី​គ្រង​រាជសម្បត្តិ​ថ្ងៃ ក៏​មាន​បាតុកម្ម​ប្រឆាំង​នឹង​របបរាជនិយម​នៅ​កណ្តាល​រាជធានី​ឡុងដ្រឺ ដែរ។ ​