ការចាប់ខ្លួន ប៉ូលិសដៃដល់ ដែលធ្វើបុរស​អាមេរិកាំង​ស្បែកខ្មៅ​George Floyd ស្លាប់ កាលពី​សប្តាហ៍មុន មិនបាន​ធ្វើ​ឲ្យ​បាតុកម្ម​ប្រឆាំង​នឹង​ការរើសអើងពូជសាសន៍ និង​អំពើហិង្សា​របស់​ប៉ូលិស នៅអាមេរិក ចុះ ថមថយនោះទេ។ កាលពី​ថ្ងៃ​ចន្ទ ប្រធានាធិបតី អាមេរិក លោកដូណាល់ ត្រាំ បាន​គំរាម​ប្រើច្បាប់​ប្រឆាំង ការងើបបះបោរ ដើម្បី​ស្តារ​សណ្តាប់ធ្នាប់ នៅអាមេរិក។ ប៉ុន្តែ នៅថ្ងៃ​ពុធ​​រដ្ឋមន្រ្តីការពារជាតិ លោក​Mark Esper និង​អតីតរដ្ឋមន្រ្តី ការពារ​ជាតិ​អាមេរិក បានចេញមុខ ប្រឆាំង នឹង​ការណ៍ដែលលោកដូណាល់ ត្រាំ ចង់​ពង្រាយទ័ព​ដើម្បី​ទប់ទល់​បាតុកម្ម។

៩​ថ្ងៃ​ក្រោយ​ការស្លាប់ពលរដ្ឋ​អាមេរិកស្បែក​ខ្មៅ​ក្នុង​ដៃប៉ូលិស​ស្បែក​ស រលក​ប្រឆាំង​នឹង​ភាពកំណាច​​​របស់​ប៉ូលិស រលក​កំហឹង​ប្រឆាំងនឹង​ការរើងអើង​ពូជសាសន៍ នៅ​តែមាន​សន្ទុះ​ខ្លាំង​ក្លាដដែល។ បើ​ទោះ​បី​ជា​លោក​ប្រធានាធិបតី​ បាន​គំរាម​ប្រើ​កម្លាំង​ទ័ព​ក្តី ក៏​ពលរដ្ឋ​អាមេរិក​ជា​ច្រើន​ម៉ឺន​នាក់​ បន្តប្រមូលផ្តុំគ្នា​ធ្វើ​បាតុកម្ម​ទៀត​នៅ​ថ្ងៃអង្គារ​ទី ២​មិថុនា​ម្សិលមិញ។

នៅប្រទេសបារាំង អ្នកស្លាប់ដោយជំងឺកូវីដ១៩ មានប្រមាណ​ជាង​២ម៉ឺន៨ពាន់នាក់។ យោងតាម​តួលេខផ្លូវការ របស់អាជ្ញាធរសុខាភិបាលបារាំង ការឆ្លងរាលដាល ក៏ដូចជាករណីមរណៈភាព ដោយកូវីដ១៩ បាន​ចុះថយខ្លាំង ដោយនៅ២៤ម៉ោងចុងក្រោយ​ មានអ្នកស្លាប់ដោយកូវីដ១៩ ត្រឹមតែ​៣១នាក់។ នេះគឺជាលទ្ធផលវិជ្ជមាន នៃការរាំងខ្ទប់ទាំងស្រុង ដែលបានអនុវត្តតាំងតែពី​មិនាមក។ ដូចអ្វីដែលបាន​គ្រោងទុក ចាប់ពីថ្ងៃអង្គារទី​២មិថុនាទៅ រដ្ឋាភិបាលបារាំង នឹងផ្តើម​អនុវត្ត​ដំណាក់កាល​ទី២ នៃការ​បើកប្រទេសឲ្យដំណើរការ​ឡើងវិញ។

បាតុកម្មប្រឆាំងនឹង​​អំពើរើងអើង​ពូជសាសន៍ នៅ​តែ​បន្ត​ពុះកញ្ជ្រោល​ដដែល។ រដ្ឋធានី​វ៉ាស៊ីនតោន ក៏​បាន​ចេញ​បម្រាម​គោចរ ដូចបណ្តា​ក្រុង​ធំៗ​ជាង​ម្ភៃ​ផ្សេងទៀតដែរ។ ប៉ុន្តែ​ទោះ​បី​ជាមានបម្រាមយ៉ាងណា​ក៏​ដោយ ក៏​បាតុកម្ម​នៅ​តែបន្ត មាន និងកើត​ឡើង​សាជា​ថ្មី រាលដល់​មុខ​សេតវិមានតែម្តង នៅថ្ងៃអាទិត្យទី ៣១​ឧសភា២០២០។ ដោយ​​សន្យាបញ្ចប់​​អំពើ​ហិង្សាក្នុង​ផ្ទៃប្រទេស លោក​ដូណាល់ ត្រាំ បាន​ចោទក្រុមឆ្វេងជ្រុលនិយម អង់ទីហ្វាស៊ីស ​ថា​ជា​អ្នក​បង្ក​ឱ្យ​មាន​អំពើ​​​អនាធិបតេយ្យឡើង និង​ចាត់​ទុក​ក្រុម​នេះ​ថា​ពួក​ភេរវនិយម។

នៅសហរដ្ឋអាមេរិក អាជ្ញាធរក្រុង ចំនួន២៥ក្រុង បានដាក់បម្រាមគោចរ ខណៈ​បាតុកម្មហិង្សា ប្រឆាំងការរើសអើងពូជសាសន៍ រីក​រាលដាលទៅកាន់ក្រុង កាន់តែច្រើនឡើងៗ។ ទោះបីជា បម្រាមគោចរចូលជាធរមានហើយក្តី តែហ្វូងបាតុករនៅតែមិនព្រមគោរព ហើយនៅតែធ្វើបាតុកម្ម សម្តែងកំហឹង រហូតដល់យប់ជ្រៅថែមទៀត ដោយមានការដុតឡាននិងហាងទំនិញខ្លះផង ហើយមានការប្រឈមមុខដាក់គ្នាមួយប៉ូលិស។

ប្រធានាធិបតី​អាមេរិក នៅថ្ងៃ​សុក្រទី​២៩ ឧសភា បាន​ប្រកាស​ដាក់​ទណ្ឌកម្ម​ថ្មី​ប្រឆាំង​ចិន ដែល​អាមេរិក ចោទ​ប្រកាន់​ថា បាន​រំលោភ​កិច្ចព្រមព្រៀង​ស្តីពី​តំបន់ស្វយ័ត​ហុងកុង តាមរយៈ ការអនុម័ត​ច្បាប់​ដ៏ចម្រូងចម្រាស​ស្តីពី​សន្តិសុខ​ជាតិ។ ដោយ​លែង​ចាត់ទុក​ហុងកុង​ជា​ដែនដី​ស្វយ័ត ដូចមុន ប៉ុន្តែ ស្ថិតក្រោម​ការគ្រប់គ្រង​ផ្តាច់មុខ​របស់​ចិន រដ្ឋបាល​លោកដូណាល់ ត្រាំ បាន​សម្រេច​ដកហូត ​ឋានៈ​ជា​ដែនដី​ពិសេស​ពី​ទីក្រុងហុងកុង និង​ប្រកាស​ដាក់​ទណ្ឌកម្ម​លើ​មន្រ្តី ចិន និងមន្រ្តី​ហុងកុង ដែលវ៉ាស៊ីនតោន​វាយតម្លៃថា បាន​ចូលរួម បំផ្លិចបំផ្លាញ ស្វ័យភាព​របស់ហុងកុង។

សភា​ចិន​ កាលពី​ថ្ងៃ​ព្រហស្បត៍​ម្សិលមិញ ​បាន​សម្រេច​អនុម័ត​ជាផ្លូវការ​លើ​ច្បាប់​ស្តីពី​សន្តិសុខ​ជាតិ​។ ដោយ​ឡែក​នៅ​ថ្ងៃ​សុក្រ ទី​២៩ ឧសភា​នេះ​វិញ​ ចិន​ត្រូវ​រង​ប្រតិកម្ម​ប្រឆាំង​ជុំទិស​ពី​សហគមន៍​អន្តរជាតិ​ជុំវិញ​ផែនការ​ដាក់ឲ្យ​អនុវត្ត​ច្បាប់សន្តិសុខ​ដ៏​ចម្រូងសម្រាស​នេះ​ទៅលើ​ដែនដី​ហុងកុង​។ ដោយ​មិន​ពេញចិត្ត​ទៅនឹង​ទង្វើ​របស់​ចិន​ សហរដ្ឋអាមេរិក​និង​ប្រទេស​អង់គ្លេស​ ក៏​បាន​ស្នើផងដែរ​ឲ្យ​លើក​យក​សំណុំ​រឿង​ហុងកុង​នេះ​ទៅ​ពិភាក្សា​​នៅ​ក្នុង​ក្រុមប្រឹក្សា​សន្តិសុខ​អង្គការ​សហប្រជាជាតិ​។

 

ហេតុអ្វី​បានជា​សហគមន៍​អន្តរជាតិ​ខ្វល់ខ្វាយ​ខ្លាំងម្ល៉េះ​ពី​វិធានការ​របស់​ចិន​ក្នុង​ការ​ដាក់​ឲ្យ​អនុវត្ត​ច្បាប់​សន្តិសុខ​ជាតិ​ក្នុងទឹកដី​ហុងកុង​? តើ​សម្ពាធ​របស់​អន្តរជាតិ​លើ​ប្រទេស​ចិន​មាន​អ្វីខ្លះ​ ហើយ​ចិន​វិញ​បាន​​តបត​អ្វីខ្លះ​ដែរ​? ​

សហរដ្ឋអាមេរិក​ នៅទីបំផុតទៅ​ ​បាន​សម្រេច​បញ្ចប់​ហុងកុង​ជា​ដែនដី​ពិសេស​ ​ដែល​អាច​ជា​ការ​បើក​ផ្លូវ​ទៅ​ដល់​ការ​ដក​សិទ្ធិ​ពិសេស​ក្នុងការ​ធ្វើ​ពាណិជ្ជកម្ម​ជាមួយ​អាមេរិក​។ ទីក្រុង​វ៉ាស៊ីនតោន​ បាន​លើកឡើងថា​ ហុងកុង​នាពេល​បច្ចុប្បន្ននេះ​ លែងជា​ដែនដី​​ស្វយ័ត​ដូចពី​មុន​ទៀតហើយ​ ពីព្រោះតែ​មាន​ការ​ជាន់ឈ្លី​សិទ្ធិ​ស្វ័យភាព​ពី​សំណាក់​រដ្ឋាភិបាល​ចិន​ប៉េកាំង​។ ការ​សម្រេច​របស់​អាមេរិក​នេះ​ធ្វើឡើង​តែមួយ​ថ្ងៃ​ប៉ុណ្ណោះ​ មុន​ពេល​ដែល​សភាចិន​អនុម័ត​ជាផ្លូវការ​លើ​ច្បាប់​សន្តិសុខជាតិ​ថ្មី​ដ៏​ចម្រូង​សម្រាស​ នៅ​ថ្ងៃ​ព្រហស្បតិ៍​ ទី​ ២៨​ ឧសភា​នេះ​។

 

តើ​ការ​ដក​ហុងកុង​ ចេញ​ពី​ឋានៈ​ជាដែន​ដីពិសេស​មាន​ន័យ​ដូចម្តេច​? តើ​ការ​ដក​ហូត​នេះ​ ជះ​ផល​វិបាក​អ្វីខ្លះ​ដល់​ហុងកុង​ ហើយនិង​ចិន​?

ថ្ងៃទី២៧ ខែឧសភា ហុងកុង​ពង្រាយប៉ូលិស​ជុំវិញ​សភា​ដើម្បី​ទប់ទល់​នឹង​បាតុកម្ម មុនពេល​សភា​ពិភាក្សា​ច្បាប់​ស្តីពី​ភ្លេងជាតិ​ចិន ដែល​ជា​ច្បាប់​ដ៏​ចម្រូងចម្រាស​មួយទៀត បន្ថែម​ពីលើ​ច្បាប់​សន្តិសុខ​ជាតិ។ ទាក់ទង​នឹង​ច្បាប់​សន្តិសុខជាតិ​ហុងកុង​នេះ ប្រធានាធិបតី​សហរដ្ឋអាមេរិក​ លោក ​ដូណាល់ ត្រាំ បាន​​ព្រមានរដ្ឋបាល​របប​ក្រុង​ប៉េកាំង​ថា វា​អាច​នឹង​ធ្វើ​ឱ្យ​​ហុងកុង ​បាត់បង់​តំណែង​ជា​មជ្ឈ​មណ្ឌល​ហិរញ្ញវត្ថុ​អន្តរជាតិ ហើយលោក ត្រាំ ​និយាយ​ទៀត​ថា អាមេរិក​នឹង​ចាត់វិធានការ​ឆាប់ៗ​ ដើម្បី​ឆ្លើយតប​នឹង​ច្បាប់​សន្តិសុខជាតិ​ហុងកុងនេះ។

កាលពីរសៀលថ្ងៃចន្ទ ទី២៥ឧសភា អង្គការសុខភាពពិភពលោក បានសម្រេច​ផ្អាក​ជាបណ្តោះអាសន្ន នូវការសាកល្បងថ្នាំក្លូរ៉ូគីន និងអ៊ីដ្រូស៊ីក្លូរ៉ូគីន ទៅលើអ្នកជំងឺកូវីដ១៩។ បើតាមការពន្យល់ របស់លោក​អគ្គនាយក​អង្គការសុខភាពពិភពលោក ការសម្រេចផ្អាកនេះ គឺធ្វើឡើងក្នុងគោលការណ៍ប្រុងប្រយ័ត្ន បន្ទាប់ពីមានការសិក្សាវិទ្យាសាស្ត្រ ទ្រង់ទ្រាយធំមួយ ចុះផ្សាយដោយទស្សនាវត្តី The Lancet ថា ថ្នាំក្លូរ៉ូគីន ឬ អ៊ីដ្រូស៊ីក្លូរ៉ូគីន មិនត្រឹមតែគ្មានប្រសិទ្ធិភាព​ធំដំទេ តែវាអាចបង្កគ្រោះថ្នាក់​ ដល់ជីវិតអ្នកជំងឺ កូវីដ១៩ថែមទៀតផង។