中秋節快樂！大家唔使奇怪，今集嘅內容同個標題一樣，都係咁random！學Jason話齋「快樂唔使刻意去尋找，應該要喺生活入面感受」(掌聲)，希望大家都可以感受到我哋呢集嘅快樂。

今集真係好開心！！！話說我哋托前幾集嘅嘉賓Pookie同佢家姐嘅鴻福，竟然可以認識到喺潘聰網台工作嘅前輩Eric。

除咗非常榮幸可以邀請到佢做今集嘉賓，同我哋分享DJ入行經過、專業電台/網台嘅製作過程同工作趣事之外，仲因為佢，我哋竟然可以上佢哋個極專業錄音室度錄音，俾我哋近距離見到潘聰枝咪！！！(太神聖，唔敢用)

上集講完「有趣嘅人」之後收到一位聽眾來信，問CJ有冇咩建議俾「冇趣嘅人」更容易融入社交——呢個係一個非常有趣嘅題目，所以今集一於講吓「冇趣」，當然唔少得J框錦囊，各位朋友記得準備個大啲嘅袋裝錢呀！

Jingle by Arnav Srivastav - River Lounge 

上集J框派咗非常多道理，今集CJ決定又俾大家抖抖，嚟個輕鬆笑談身邊六種有趣嘅人，唔知你哋有冇遇過？

Jingle by Arnav Srivastav - River Lounge 

今集兩個字——豐富！

話說Cindy同Jason請咗一位又係佢哋係街度搭訕識返嚟嘅朋友Pookie上嚟傾偈，呢位朋友除咗準備咗禮物送俾CJ之外，仲預埋Not A Romantic Story嘅聽眾朋友！！！而J框今集亦都非常慷慨大派道理，聽到Cindy同特別嘉賓up晒頭非常認同，高峰期更加連續出現8次「係呀」(兩個夾埋)，所以今集可以話又食又拎，非常盡興。

P.s Pookie間online green shop叫Neighbor Green，請大家多多支持！

壓力人人都有，今個星期忙到甩轆嘅CJ都唔例外，所以今集佢哋決定探討吓點樣先可以輕鬆地面對壓力。

P.s 又有大家最鐘意嘅「J框袋錢落你袋」環節，you're welcome。

2020年係改變嘅一年，相信不論喺心情定大環境，大家都一樣經歷住大大小小嘅轉變，所以今集我哋就一於分享吓究竟喺呢一年入面我哋有啲咩改變。

P.s 我哋仲喺前半part嘅random對話入面預告第三季嘅計劃！！

Jingle by Arnav Srivastav - River Lounge 

根據非正式統計，大部份人都極度唔鐘意星期一（我哋嘅聽眾例外），因為要...返...工...... 所以今集我哋決定淺談一下究竟工作嘅意義喺邊度。

唔係下雨天，但CJ都決定分享一下佢哋點樣長大，一齊掛念從前。佢哋今集仲發現咗雖然佢哋年紀同性格唔同，一個又喺市區長大而另一個喺離島，但竟然有一個共通點...... 唔知仲有冇其他聽眾都試過，聽完話我哋知。

Jingle by Arnav Srivastav - River Lounge 

正所謂三人行必有我師，今集CJ就請咗佢哋嘅老死兼老師Carl/Cow佬再上嚟，一齊傾下偈摸下杯底，分享各自對亂世下自處嘅睇法，順便討論下「移民」呢個topic，當然唔少得牛佬係美國生活嘅趣事分享。