Buro de Vries (Podcast)

It Keninklik Frysk Genoatskip bestiet 200 jier yn 2027 en fiert dat mei in oade oan de Froulju fan Fryslân. Der komt in spesjaal jubileumboek mei dêryn de ferhalen fan 200 Fryske froulju, dy't libbe hawwe tusken 1827 en 2027. It binne froulju dy't yn harren libben in opfallende prestaasje dien hawwe, of dêrnei in opfallende reputaasje krigen hawwe. Yn de oanrin nei de ferskining fan it boek yn 2027, ljochtet haadredakteur Tialda Hoogeveen eltse moanne by Buro de Vries in opfallende frou derút. Hjoed fertelt Tialda oer it libben fan keunstner Betzy Rosa Berg.

As der in wyk is dy't in relaasje hat mei de Twadde Wrâldoarloch, dan is dat de Vrijheidswyk yn Ljouwert. Stichting de Verhalen hat dy Vrijheidswyk adoptearre yn dizze perioade wêryn't we 80 jier frijheid betinke. Sa makket de stichting ek yn gearwurking mei Buro de Vries in fjouwerdielige podcastrige. Klazina Hofstee en Gerard van der Veer folgen in moanne lang de minsken fan de Vrijheidswyk, dêr't alle pleinen en strjitten neamd binne nei fersetsstriders of in oare link ha mei de Twadde Wrâldoarloch. Hjoed-de-dei wenje der mear as 40 ferskillende nasjonaliteiten. Wêrûnder ek aardich wat minsken dy't it eigen lân ûntflechten binne foar oarloch. Sintraal stiet de fraach: wat betsjut Frijheid foar de bewenners fan de Vrijheidswyk? Dit is diel fjouwer.

It is dit jier 80 jier ferlyn dat de Twadde Oarloch oan syn ein kaam. Sûnt dy tiid libje we hjir yn fryheid. Mar wat is dat eins, frijheid. En wat betsjut fryheid foar de bewenners fan de Fryheidswyk? Dit is in kleurrike wyk yn Ljouwert, mei in grut ferskaat oan nasjonaliteiten en eftergrûnen, en ek in grut ferskaat oan ferhalen. Buro de Vries makke yn gearwurking mei Stichting de Verhalen in fjouwerdielige rige oer Fryheid yn de Frijheidswyk. Diel 3.

Wat betsjut frijheid foar minsken dy't it net sa maklik hawwe yn it libben? Dy't hûs en hear ferlitten hawwe foar oarlochsgeweld, dy't it finansjeel dreech hawwe of iensum binne. Hokker frijheid is foar harren wichtich? Yn dizze podcast portrettearje wy de Ljouwerter Frijheidswyk. In wyk, dy't wol it wurd frijheid yn har namme draacht, mar dêr't frijheid yn in soad opsichten net fanselssprekkend is. Stichting de Verhalen hat de Vrijheidswyk in soarte fan adoptearre yn dizze perioade weryn't we 80 jier frijheid betinke. Sa makket de stifting yn gearwurking mei Buro de Vries dizze podcastrige.  Yn dit twadde diel gean de makkers Klazina Hofstee en Gerard van der Veer op syk nei de ûntsteanskiednis fan Vrijheidswyk.

Nei oanlieding fan it nije boek Wondervogels praat it buro mei skriuwster en kollumniste Jantien de Boer oer fûgels en taal...

Je sjogge se wolris gean miskyn. Troch de fearten en mei rêstich waar oer de marren en sels it Waad. De suppers. Steand op in planke, yn 'e hân in peddel en relaxed oer it wetter glydzjend. It sjocht der sa maklik út en liket wol hast op yoga yn de natuer. Loesanne Velstra stiet alle dagen op de plank, en jout ek lessen en clinics. Se is ek ambassadeur foar it Waad omdat se rotsoai út it wetter hellet. Reden foar Simone om de drysuit oan te lûken en te ûnderfinen wat dat suppen je bringe kin.

Wat betsjut frijheid foar minsken dy't it net sa maklik hawwe yn it libben? Dy't hûs en hear ferlitten hawwe foar oarlochsgeweld, dy't it finansjeel dreech hawwe of iensum binne. Hokker frijheid is foar harren wichtich? Yn dizze podcast portrettearje wy de Ljouwerter Frijheidswyk. In wyk, dy't wol it wurd frijheid yn har namme draacht, mar dêr't frijheid yn in soad opsichten net fanselssprekkend is. Stichting de Verhalen hat de Vrijheidswyk in soarte fan adoptearre yn dizze perioade weryn't we 80 jier frijheid betinke. Sa makket de stifting yn gearwurking mei Buro de Vries in podcastrige. Sintraal stiet de fraach: wat betsjut Frijheid foar de bewenners fan de frijheidswyk. Dit is diel 1.

It Keninklik Frysk Genoatskip bestiet 200 jier yn 2027 en fiert dat mei in oade oan de Froulju fan Fryslân. Der komt in spesjaal jubileumboek mei dêryn de ferhalen fan 200 Fryske froulju, dy't libbe hawwe tusken 1827 en 2027. It binne froulju dy't yn harren libben in opfallende prestaasje dien hawwe, of dêrnei in opfallende reputaasje krigen hawwe.. Yn de oanrin nei de ferskining fan it boek yn 2027, ljochtet haadredakteur Tialda Hoogeveen eltse moanne by Buro de Vries in opfallende frou derút. Hjoed is dat biolooch Christine Buisman.

Tsien jier wenne Rienk Hacquebord op de klipper Adora. Doe't er it skip ferkocht en in nije útdaging fûn yn it ferbouwen fan in âlde pakhûswenning yn Jirnsum, dûkte er nochris yn de âlde foto's. Sa kaam it iene ferhaal nei it oare nei boppen...

Wêr kinne je mei je fertriet hinne as je it grutste fertriet dat je oerkomme kin oerkomt? Arjan Berkhuysen en Anemoon Elzinga fan Skylge ferlearen harren soan Mees fjouwer jier lyn troch in ûngelok. Mees waard mar 16 jier jong. Yn de rin fan de tiid holp it harren te kuierjen troch de Skylger natuer. It resultearre yn in roupaad. Dizze sneon wurdt it paad iepene. Op de stjerdei fan Mees. It roupaad, de Walk of Grief, rint troch de bosk, oer strân en troch de dunen fan Skylge en is 75 kilometer lang. Elk kin it rinne op de wize dy't se sels wolle. De inisjatyfnimmers hoopje dat it minsken helpt om harren fertriet foarm te jaan, sa't it harren betiden ek holpen hat. "Wandelen hielp ons, als je in rouw bent lukt er soms niet zoveel", fertelt Anemoon Elzinga. "Je bent gewond. Wat wel lukte was gewoon een stap zetten, en nog een stap, en nog één."