Árið 63 fyrir Krist gerði rómverski stjórnmálamaðurinn Catilina tilraun til að ræna völdum í Rómaborg. Um þetta leyti var Róm að verða heimsveldi en sigursælir herforingjar og purrkunarlausir pólitíkusar voru að ganga af gömlu stjórnskipaninni dauðri. Var Catilina samviskulaus framagosi eða vildi hann hjálpa alþýðunni að varpa af sér oki fámennisstjórnar og auðræðis? Illugi Jökulsson les úr splunkunýrri þýðingu Guðmundar J. Guðmundssonar sagnfræðings á „Catilinusamsærinu“, samtímaheimild eftir rómverska sagnaritarann Sallustius, sem mikill fengur er að.