Hannde 17 nduu lewru 2ɓuru njeewtaten ko e alhaali kanseer, nguu ñawu no teskaa hannde e nder winndere ndee kadi no heewi nooneeji e tee no waawi heɓde neɗɗo kala. E nder Afrik, nooneeji kanseer ɓurdi teskeede ko : kanseer rennga (col de l’uterus), kanseer heeñere, kanseer enndu, kanseer prostate... Kono, yimɓe ɓee ina njeebi nguu ñawu ndee tawno ɓe njahta ƴeewtoyaade ɓalli maɓɓe gila e law, tee heɓde cafaaje ñawu ngu kadi wona ko weeɓi e nder duunde nde.

Njaɓiɗen e yeewtere men hannde ko Dr Ahmadou Dem

Mi salminiima, Dokteer

1. Holɗe e kanseeruuji ɓuri heewde e Afrik e holko waɗi ɗum?

    2. Holɗe e maale ɗee neɗɗo tinnata e ɓanndu mum walla yi’i ɗum jeertinooje so tawii joomum no wonndi e kanseer ?

Holko waɗi "depistage", woni ƴeewtaade ɓanndu mum gila e law so tawi won ñawu suuɗiingu e mayru, no jogii nafoore mawnde?

Hol ko neɗɗo haani waɗde so tawii ɗo woni ɗo alaa nokku ƴeewndo walla cafroowo kertoriiɗo ñabuuli kanseer ?

Mbele ko goonga won e ñaameele ina ngada ñawu kanseer ?

Mbele cafaaje kanseer no mbeeɓi e nder Afrik?

Ina anndano wonnde Etats-Unis ɓuri wallitaade OMS dental winndereyankowal toopitiingal cellal, Donald Trump, hooreejo Amerik ƴettii pelital yaltinde leydi makko e nder ndee fedde. Ngal pellital woodan battane e nder leyɗe keewɗe, teeŋtii Afrik fof, ɗo OMS jogii darnde mawnde e haɓude ñabeeli e semmbinde golle paatuɗi e cellal.

Holko wonata batte jaltugol Dawlaaji Dentuɗi Amerik e nder fedde Oms wonannde ɗee leyɗe Afrik? Ko holɗe e caɗeele ɗee leyɗe njogorii heɓde sabu ɗum? Ko ɗum kaalten altine hannde 10 lewru 2ɓuru e nder yeewtere men Cellal ko Ngallu. Heɗiiɓe on calminaama kadi on mbismaama!

Hannde yeewtere men no fawii e ko tuubaakooɓe wi'ata "Hymen". Ɗum woni tergal ngonngal e awra debbo ko adi mo rennda mbaldi e gorko. Ɗum woni ko wi’ete mbomaagu woɓɓe mbi’i jiwo. No famɗi ko anndaa hen kono haalulaaji keewɗi no nane hen. E nder ndee yeewtere Cellal ko Ngalu, altine hannde 3 lewru 2ɓuru, ma en ƴeewtu holko woni mbomaagu walla jiwo?

Holko woni nafaoore ngal tergal e awra debbo? Mbelle sikkeeji jogaaɗi hen ɗii ko goonga, so debo tawraaka ɗum wona mbomri? Koɗo men ko Dokteer Aminata JALLO, jinekolokjo Ginenaajo hertorɗo cellal dimrugol

Sahel, ko ɗo leyɗe hono Burkina Faso, Niijeer, Mali, Caad,ekn tawatee. Ko nokkuure  ɗo fitinaaji keewɗi teska. Ɗi fitinaaji mbonnii nguurndam ɓensgu hoɗngu e oon nokku nguu. Ɗi cabiima mayɗeeli keewɗi e baasal mawngal. Yimɓe heewɓe kadi keɓii e majji rafiiji hakkili.

Holno yimɓe ɓee nguurdi e ɗii ɗo fitinaaji?

Holko woni batte majji e hakkillaaji maɓɓe? Taskaram men Cellal Ko Ngalu ndee yontere, ko ndii lowdi addani on.

Yejitde ina waawi heɓtaade neɗɗo kala e no duuɓi mum foti fof kadi geɗe keewɗe no waawi adduɗe ɗum. So tawii, wasde yejjitde innde neɗɗo mo ngannduɗa no feewi, walla yejjitde to pawnoɗa cottirɗe ma e ko wayi non... alaa ko hawnii hen, walla mbi'en fayre alaahen... ina woodi maale goɗɗe ganndinooje ko alaa e sagu jommum yeewto hoore mum, o yaha
to doktoro.

E nder yeewtere men hannde ndee, altine 20 lewru 1ɓuru 2025, ma en kumpito ko e hol tuuma neɗɗo foti jogaade kulhule walla fayre ko faati e yejjitgol mum ngol? Kadi, holno neɗɗo waawi hisnude hakkile mum?

Koɗɗo men e nde yeewtere Cellal ko Ngallu, ko Dr Guida Lanndure.

Sakiraaɓe ko woowuɗen annduɗen,woni debbo nanganee gorko dewgal waɗee,maa gorko e debbo nji'ida pota kollita saaraaɓe muɓɓen dewgal humee,gootum ƴeewtataake e cellal maɓɓe,hannde kay yimɓe ɓeydii ƴeewde on alhaali,ƴeewtagol cellal gorko e debbo fadde faa ɓe kawra e dewgal,ɓe annda ko hawtugol maɓɓe e dewgal waawi battinirde e cellal maɓɓe maa e cellal sukaaɓe maɓɓe.

Ko paamuɗon e ndee toɓɓere, ko woni yi'annde mon e ƴeewtagol cellal fadde dewgal no humee,moƴƴinde e suudu dewgal,o ɗum waawi hisinde sukaaɓe men jaango?

Faa keɓen faamu en njaɓoto Dr Amadou BA.,en nanan seeditaagu yoga e sakiraaɓe heɓuɓe ƴeewtaade cellal muɓɓen fadde maɓɓe e naatude e suudu dewgal,en keɓan yoga e ji'anɗe heɗiyankooɓe cellal ko ngalu e ndee toɓɓere.

"Stress" ma mbi'en ɓittaare wonki walla cañol,  ko huunde ndee heewɓe keewi woytaade e nguu jamaanu. Won heɓooɓe ɗum e nder golle mumen, woɓɓe ko ɓesnguuli mum en woni sabaabu majjum e dow  maɓɓe, won hen ko baasal jiiɓii hakkilaaji mumen. Mboni kala, ina jogii ko wonani ɗum stress.

Jooni, holko ɗum waawi battinde e hakkile neɗɗo oo haa e cellal ɓanndu mum? Ko ɗum njeewtaten altine hannde 6 lewru 1ɓuru, yeewtere men adiinde e ndee hitaande 2025. Heɗiiɓe meɗo wiyor on ni hitaande jam, kisal e cellal.

"Hemorrhoide", wodbe no wi'i ɗum ŋuuro walla buuri ñawu ngu heewɓe cuuɗata wonndude hen, sabu jogaade hen gacce, ina waawi saabaade muuseeki maawki, kadi ina waawi jibinde caɗeele goɗɗe. Ko e ngu ñawu njeewtuten altine hannde 30 lewru 12ɓuru. E nder ndee yewtere,en kumpitoto maale ñawu nguu, sabaabuuji mum, safaaraaji mum, e peeje ngam haɗde ɗum.
Ko Dr Kajatu JALLO, hertoriiɗo ñawu "hemorroïde", wonata koɗo men e o taskaram.

 Yeewtere men hannde, piilɗen nde ko to diiwal Kolda senngo worgo Senegaal e nder suudu safiirdu wuro wi’eteengo Mampatim. Suudu nduu ina wonani ɗoon ko jaasaani yimɓe ujunnaaji sappo e jeegom. En njeewtidi e ardiiɓe suudu nduu e ko feewti e
caɗeele maɓɓe. Maa en ndokku konngol kadi arooɓe safraade ɓee. Tedduɓe, ko nih woni mbaadi yeewtere men hannde, bisimillah mo

Ko holno golleeji nduu safrirdu yahrata?

Holno cafaaje ɗee keɓirte?

Holko woni caɗeele nduu safrirdu? Jewtiden e safooɓe ɓen e aruɓe ngam safraade

Caggal nde njeewtuɗen altine jawtuɗo  ko holno ɓee yimɓe wonduɓe e Sida nguurdi e ñawu nguu,  altine hannde 16 ndu lewru 12ɓuru toɓɓere men ndee no yewta ko yowitii e alhaali ñawndiigu nawnaare Sida ndee, cafaaje mayre. Gila wiriis (geeɗum) cabatooɗo ñawu SIDA yiitaa, ɓurii duuɓi 40 jooni. Wiɗtooji paatuɗi e haɓude ñawu nguu, ina njaara yeeso no feewi. Cafaaje paayodinɗe (wonnduɗe e nafa) keɓaama, kadi pesorgal ( markal) no moƴƴineede. Yaakaare walla ɗaminaare moƴƴere ina jogaa ngam folde nawnaare SIDA en njaɓɓoto jooni, Dr Kuro BUSO, hertoriiɗo ñawu Sida. Oo anndina en, ko holto wiɗtooji ɗii tolni hannde e ko holɗe e peeje kese haanaa ɓameede ngam haɗde layugol nawnaare ndee?