បន្ទាប់ពីអាមេរិកបានប្រកាសផ្អាកជំនួយដល់បណ្តាប្រទេសក្នុងពិភពលោក រួមទាំងកម្ពុជាផងនោះ ចិនក៏បានប្រកាសពីការផ្តល់ជំនួយចំនួន៤,៤លានដុល្លារអាមេរិកដល់រដ្ឋាភិបាលកម្ពុជាសម្រាប់គាំទ្រដល់មជ្ឈមណ្ឌលកំចាត់មីនកម្ពុជា ហៅកាត់ CMAC។ អគ្គនាយក CMAC បានអះអាងថា ជំនួយរបស់ចិនលើវិស័យដោះមីននៅកម្ពុជាក្នុងឆ្នាំ២០២៥ ជាជំនួយបន្ត ឆ្នាំទី៣ ពោលគឺជាដំណាក់កាលទី៣របស់គម្រោង ដែលដំណាក់កាលមួយៗមានរយ:ពេល៣ឆ្នាំ។ តែយ៉ាងណាមិញ អ្នកតាមដានភូមិសាស្ត្រនយោបាយយល់ថា ការផ្តល់ជំនួយរបស់ចិនលើវិស័យដោះមីនកម្ពុជា ជាការឆក់ឱកាសដើម្បីពង្រីកឥទ្ធិពលរបស់ខ្លួន។