ទោះបីមានការចេញមុខពន្យល់បកស្រាយរបស់ប្រធានព្រឹទ្ធសភាលោក ហ៊ុន សែនជុំវិញការបង្កើតតំបន់អភិវឌ្ឍន៍ត្រីកោណកម្ពុជា ឡាវ វៀតណាមដែលហៅកាត់ CLV ក៏ដោយក៏មានអ្នកខ្លះកំពុងបន្តសម្តែងក្តីកង្វល់ និងការបារម្ភដដែល។ ពួកគេកង្វល់ និងបារម្ភពីការបាត់បង់ទឹកដីដោយខ្លាចខេត្តទាំង ៤របស់កម្ពុជាមានវាសនាដូចទឹកដីខ្មែរកម្ពុជាក្រោម។ តែតាមលោកហ៊ុន សែន កិច្ចសហប្រតិបត្តិការតំបន់អភិវឌ្ឍន៍ត្រីកោណនឹងជួយដល់កិច្ចការសន្តិសុខជាតិ រួមមានទប់ស្កាត់ការជួញដូរមនុស្ស ការរត់ពន្ធឈើ និងទប់ស្កាត់ចលនាប្រដាប់អាវុធ។ ដូច្នេះដើម្បីរំងាប់ក្តីកង្វល់ និងការបារម្ភរបស់ពលរដ្ឋ តើរដ្ឋាភិបាលគួរធ្វើអ្វីបន្ថែមទៀត?