
Sign up to save your podcasts
Or


ചട്ടമ്പിസ്വാമികളും കഴിഞ്ഞ നൂറ്റാണ്ടിലെ ഒരു മഹാവ്യാധിക്കാലവും
ഇന്ന് മലയാളം കലണ്ടർ പ്രകാരം മേടമാസത്തിലെ കാർത്തിക . ഇന്നാണ് 96 വർഷങ്ങൾക്കു മുൻപേ ചട്ടമ്പിസ്വാമികൾ സമാധി ആയത് . കഴിഞ്ഞ നൂറ്റാണ്ടിന്റെ ആദ്യപാതിയിൽ പെരുമ്പാവൂർ ഭാഗത്ത് ഒരു ദലിത് മേഖലയിൽ ഒരു പകർച്ചവ്യാധി പടർന്നപ്പോൾ അവിടെയെത്തിയ ചട്ടമ്പിസ്വാമികളെ കുറിച്ചാണ് ഇന്ന് ദില്ലി ദാലി സംസാരിക്കുന്നത് . ഹിന്ദുമതത്തിലെ ബ്രാഹ്മണ്യത്തെ ചോദ്യം ചെയ്ത ചിന്തകൻ , ആധുനിക കേരളം സമൂഹത്തെ സജ്ജമാക്കിയ നായകരിൽ ഒരാൾ . അദ്ദേഹത്തിലെ അപൂർവ വൈദ്യാന്വേഷിയെ കുറിച്ചാണ് സുരേഷ് മാധവ് സംസാരിക്കുന്നത്
കോവിഡ് 19 മുംബൈ നഗരത്തിലെ ചേരികളിൽ വ്യാപിക്കുന്നതിൽ ആശങ്കാകുലനായി വ്യവസായ പ്രമുഖൻ രത്തൻ ടാറ്റ കഴിഞ്ഞ ദിവസം സംസാരിച്ചിരുന്നു . നഗരത്തിലെ ചേരികളിലെ കൊറോണാ വ്യാപനം നമ്മുടെ നാണക്കേട് ആണെന്നും അത് അഭിമുഖീകരിക്കേണ്ട സമയമായെന്നും അദ്ദേഹം പറഞ്ഞു . നമ്മുടെ നഗരാസൂത്രണത്തിലെപിഴവുകൾ അദ്ദേഹം ചൂണ്ടിക്കാട്ടി . ദില്ലി ദാലിയിൽ പത്രപ്രവർത്തകൻ അമൃത് ലാൽ (Indian Express , Delhi ) ഇതെക്കുറിച്ച് പ്രതികരിക്കുന്നു . പ്രധാനമായും ഇനി പറയുന്ന പ്രശ്നങ്ങളാണ് അമൃത് ലാൽ ഉന്നയിക്കുന്നത് .
ഒന്ന് . ചേരി എന്നത് ഒരു നഗരഡിസൈൻ പ്രശ്നമോ അതോ രാഷ്ട്രീയപ്രശ്നമോ ?
രണ്ട് : ചേരി ഇന്ത്യൻ മഹാനഗരങ്ങളുടെ സമ്പദ് ഘടനയെ എങ്ങനെ നിലനിർത്തുന്നു ?
മൂന്ന് : ചേരികളിലെ കോവിഡ് വ്യാപനം അഭിജാതരെ അലട്ടുന്നത് എന്തുകൊണ്ട് ?
നാല് : നമ്മുടെ നഗരങ്ങളിലെ ഭൂവിനിയോഗരീതി മാറ്റം ആവശ്യപ്പെടുന്നുണ്ടോ ?
അകാൽപ്രീത് സിംഗ് എന്നോടു പറഞ്ഞു : " സാറിനറിയാമോ , കല്യാണം കഴിക്കണമെന്ന് അച്ഛൻ നിർബന്ധിച്ചപ്പോൾ ഭഗത് സിംഗ് പറഞ്ഞതെന്താണെന്ന് ? 'അടിമഭാരതത്തിൽ ഞാൻ വിവാഹം കഴിക്കുന്നുവെങ്കിൽ എന്റെ വധുവിന്റെ പേര് മരണം എന്നായിരിക്കും'
'മൃത്യു കൗർ ', എന്ന് കൂട്ടിച്ചേർത്തിട്ട് നാഷണൽ ഹൈവേയുടെ അന്തമറ്റ ദൂരക്കാഴ്ചയിലേക്ക് കണ്ണുകൾ ഉറപ്പിച്ച് അയാൾ ഒന്നു മുരണ്ടു .
ഒരു പഞ്ചാബ് യാത്രയിലെ ഡ്രൈവർ പറഞ്ഞ ഭഗത് സിംഗ് കഥകൾ...'ഞങ്ങൾ ഫിറോസ്പുരിലെ നദിയിൽ ഈ ഭാഗത്തു നിന്നും മൽസ്യം കഴിക്കില്ല ...ഭഗത് സിംഗിന്റെ പാതിവെന്ത ശരീരം തിന്ന മൽസ്യങ്ങളുടെ പരമ്പരകൾ അല്ലേ അവ ?'
മിത്തിനെക്കാൾ വലുതാകുന്ന വീരൻ ...
ഒരു ഫിറോസ്പുർ കഥ ..കേൾക്കൂ
ലെനിൻ : നൂറ്റിയൻപതാം ജന്മവാർഷികം
ഇന്ന് 22 April
150 കൊല്ലങ്ങൾക്കു മുൻപ് ലെനിൻ ജനിച്ച ദിവസം
മലയാളികളുടെ പ്രിയങ്കരനായ എഴുത്തുകാരൻ സച്ചിദാനന്ദനുമായി ലെനിനെ കുറിച്ചുള്ള അഭിമുഖം .
പ്രധാനമായും നാലു ചോദ്യങ്ങൾ
1 . ആരാണ് ഇപ്പോൾ ലോകത്തിന് ലെനിൻ ?
2 . ഗാന്ധി എന്നും കൂടെയുണ്ടായിട്ടും നെഹ്റുവിനെ എങ്ങനെ ലെനിൻ സ്വാധീനിച്ചു? നെഹ്റുവിൽ എത്ര കണ്ട് ലെനിൻ ഉണ്ട് ?
3 . ഗാന്ധി ലെനിനേക്കാൾ ഒരു വയസ്സിനു മൂപ്പുള്ള ആളായിരുന്നു . ഗാന്ധിയിലും ലെനിനിലും സമാനമേഖലകൾ ഉണ്ടോ ?
4 . ലെനിൻ ജീവിച്ച കാലത്തും മരിച്ചതിനു ശേഷവുമുള്ള വിമർശങ്ങൾ ...ബാക്കിയായ ലെനിൻ ലോകത്തോട് എന്തു പറയുന്നു ?
മുപ്പതു മിനിട്ട് ദൈർഘ്യമുള്ള അതിസമഗ്രമായ ലെനിൻ അവലോകനമാണ് ഈ പോഡ്കാസ്റ്റ് .
സച്ചിദാനന്ദന് വലിയ നന്ദി
ഇന്നു രാവിലെ കണ്ട ബനാറസ് ഗംഗ
കോവിഡ് കാലത്ത് സ്വയം വൃത്തിയായ ഒരു നദിയുടെ കഥ
ഒരു പതിറ്റാണ്ടിലേറെയായി ബനാറസ് ഹിന്ദു സർവകലാശാലയിലെ ചിത്രകലാധ്യാപകനായ സുരേഷ് കെ നായർ 'ദില്ലി-ദാലി' യുടെ അഭ്യർത്ഥന പ്രകാരം ഇന്നു രാവിലെ ഗംഗാതീരത്തു പോയി. അദ്ദേഹം കണ്ട ഗംഗ കണ്ടുശീലിച്ച മലിനനദി അല്ല . മനുഷ്യൻ ചരിത്രനഗരത്തിൽ നിന്നും പിന്മാറിയപ്പോൾ സ്വയം കുളിച്ച് പാപപരിഹാരം ചെയ്ത് വൃത്തിയായ ഗംഗ .
കേട്ടു നോക്കൂ ഈ അഭിമുഖം ...
സ്വയം വൃത്തിയാകുന്ന മഹാഗംഗ
എഴുത്തുകാരനായ വി മുസഫർ അഹമ്മദിന് കൊറോണാക്കാലത്ത് പ്രവാസലോകത്തു നിന്നും ലഭിച്ചുകൊണ്ടിരിക്കുന്ന വാട്ട്സ്ആപ് സന്ദേശങ്ങളുടെയും ഫോൺ വിളികളുടെയും പശ്ചാത്തലത്തിൽ അദ്ദേഹം ഹൃദയസ്പർശിയായി സംസാരിക്കുന്നു .
ഇരുപതു വർഷമായി ഒരു മുറിയിൽ താമസിച്ചുപോരുന്ന ബഷീറിനും ദാസനും ഇടയിൽ പടർന്ന പുതിയ ഏകാന്തത ...പരിചിതമല്ലാത്ത അകൽച്ചകൾ , അസഹനീയമായ ഭയങ്ങൾ ..
തിരക്കിട്ടോടേണ്ടാ ...വളവിനപ്പുറവും നിങ്ങളെ കാത്ത് ഏകാന്തത നിൽപ്പുണ്ട് ! കേട്ടു നോക്കുക
മരുഭൂ ഏകാന്തതയുടെ കോവിഡ് ഭാഷ
വി മുസഫർ അഹമ്മദ്
ഒരു രോഗവും ലോകസമ്പദ് രംഗവും
The Economic Times പത്രത്തിൽ Opinion Editor ഉം ഇന്ത്യയിലെ ഏറ്റവും മുതിർന്ന സാമ്പത്തികകാര്യ പത്രപ്രവർത്തകരിൽ ഒരാളുമായ ശ്രീ TK അരുൺ വളരെ വിശദവും സമഗ്രവുമായി സംസാരിക്കുന്നു .
സമഗ്രമായ സംഭാഷണം : ദൈർഘ്യം 23 മിനിറ്റ്
സ്നേഹപൂർവ്വം
എസ് . ഗോപാലകൃഷ്ണൻ
രാഷ്ട്രീയം പ്രധാനമാണെന്ന് കൊറോണാ പഠിപ്പിച്ചു : ഒബാമ
ഒരർത്ഥത്തിൽ കൊറോണ മഹാമാരി എന്താണ് യാഥാർഥ്യം എന്ന് നമ്മെ പഠിപ്പിച്ചു . നല്ല സർക്കാർ പ്രധാനമാണെന്ന് നമ്മെ പഠിപ്പിച്ചു . ശാസ്ത്രം പ്രധാനമാണെന്ന് നമ്മെ പഠിപ്പിച്ചു . നിയമവാഴ്ച പ്രധാനമാണെന്ന് നമ്മെ പഠിപ്പിച്ചു. ചുരുക്കി പറഞ്ഞാൽ തിരഞ്ഞെടുപ്പുകൾ പ്രധാനമാണെന്ന് അത് നമ്മെ പഠിപ്പിച്ചു .
ബറാക് ഒബാമ കഴിഞ്ഞ ദിവസം അമേരിക്കയോട് ചെയ്ത ശക്തമായ രാഷ്ട്രീയ പ്രസംഗത്തിന്റെ മലയാള പരിഭാഷ
കൊറോണയെ നേരിടാൻ കേരളം എങ്ങനെ സജ്ജമായി ?
ഇന്ന് ദില്ലി ദാലിയിൽ അതേക്കുറിച്ച് വളരെ വിശദമായി സംസാരിക്കുന്നത് Kerala Institute of Local Administration ന്റെ Director Dr ജോയ് ഇളമൺ ആണ് .
പ്രധാനമായും ചോദ്യങ്ങൾക്കാണ് അദ്ദേഹം മറുപടി പറയുന്നത്
ഒന്ന് : രണ്ട് വലിയ പ്രളയങ്ങൾ നൽകിയ പാഠങ്ങൾ കേരളസമൂഹത്തെ എത്രമാത്രം സഹായിച്ചു ?
രണ്ട് : കേരളത്തിലെ തദ്ദേശ സ്വയംഭരണസംവിധാനത്തിന്റെ സംഭാവനകൾ എന്തൊക്കെ ?
മൂന്ന് . തദ്ദേശഭരണസംവിധാനത്തിനപ്പുറം വലിയ പങ്കു വഹിക്കുന്ന മറ്റ് ഏജൻസികൾ ഏതൊക്കെ ?
നാല് . കേരളത്തിലെ ഒഴിഞ്ഞു കിടക്കുന്ന കെട്ടിടങ്ങളുടേയും ഉപയോഗിക്കാതെ കിടക്കുന്ന ആശുപത്രി സൗകര്യങ്ങളുടേയും കണക്കുണ്ടോ ?
അഞ്ച് : നമ്മുടെ തദ്ദേശ ഭരണ സംവിധാനത്തെ ഇന്ത്യൻ സാഹചര്യത്തിൽ എങ്ങനെ കാണുന്നു ? കൂടുതൽ നന്നാകേണ്ട മേഖലകൾ ഇനിയുമുണ്ടോ ?
UNESCO ലോകപൈതൃകകേന്ദ്രമായ ഒരു ജോർജിയൻ പള്ളിയിൽ കേൾക്കാനിടയായ ഒരു ഗാനത്തെ കുറിച്ചതാണിത്.
വ്യവസ്ഥാപിതമായ അർത്ഥത്തിൽ ഒൻപതാം ക്ലാസ്സു മുതൽ അവിശ്വാസിയായ, ഇന്നും അങ്ങനെ തുടരുന്ന, എന്നെ ആ പ്രാർത്ഥന എങ്ങനെയാണ് ആകർഷിച്ചത് ? ആ ദേവാലയത്തിന്റെ അസാമാന്യമായ എടുപ്പുകൾ ? ശീതകാലത്തിന്റെ മരവിപ്പിൽ , അരണ്ട വെളിച്ചത്തിൽ , ദൈവത്തെ അന്വേഷിച്ച് അവിടെയെത്തുന്ന ജീവിതത്താൽ തളർന്നവർ ? അൾത്താരയിൽ ഒരു പഴഞ്ചൻ പിത്തള കുരിശിൽ തൂങ്ങുന്ന ക്രിസ്തുരൂപം ? അപാരമായ ശ്രുതിശുദ്ധിയിൽ മനനം ചെയ്തെടുത്ത സംഗീതം ? എന്തായാലും അത് മതാനുഭവമല്ല ..വെറും സംഗീതാനുഭവവുമല്ല ...മനുഷ്യനുമായും , സംസ്കാരവുമായും ബന്ധപ്പെട്ടതാണ് ...
ഒരു ഗാനം ചെയ്ത ജ്ഞാനസ്നാനം
Request: Please try to listen with headphones
From the publisher's feed

0 Listeners

2 Listeners

2,413 Listeners

3 Listeners

2 Listeners