ប្រមុខ​រដ្ឋាភិ​បាល​បាន​ប្រកាស​នៅ​ថ្ងៃ​ទី​២០​ខែ​តុលា ​ថា មូល​និធិ​កសាង​ហេដ្ឋា​រចនា​សម្ព័ន្ធ​តាម​ព្រំដែន​នឹង​ត្រូវ​បិទ​បញ្ចប់ ឈប់​ទទួល​ការ​បរិច្ចាគ​វិភាគ​ទាន​ស្ម័គ្រ​ចិត្ត​ ចាប់​ពី​ថ្ងៃ​ទី​៣១​ខែ​តុលា​ខាង​មុខ​។ ​គិត​ត្រឹម​ថ្ងៃ​ទី​២០ ​ក្រុម​ការ​ងារ​មូល​និធិ​ទទួល​បាន​ទឹក​ប្រាក់​សរុប​ជាង​២៦​លាន​ដុល្លារ​។​ មន្ត្រី​រដ្ឋាភិ​បាល​ចាត់​ទុក​ថា ​នេះជា​ការ​ចូល​រួម​បរិច្ចាគ​យ៉ាង​ធំ​ធេង​របស់​ពល​រដ្ឋ​ខ្មែរ​។​ ប៉ុន្តែ ​អ្នក​តាម​ដាន​សង្គម ​យល់​ថា ​ថវិកា​នេះ​នៅមិន​ទាន់​គ្រប់​គ្រាន់​សម្រាប់​អភិវឌ្ឍ​តាម​ព្រំដែន​នោះ​ទេ​៕