Dɔgɔkun kibaruw

Nin dɔgɔkun kibaru, bɛ taa na ye Sénégal, Côte d’Ivoire ani Etats-Unis jamanaw kan.

An ka mɔgɔ weelelen ye, Dr Mahamadou TRAORE de ye, foroba kɛnɛyako dɔnbadon, wa fana politikiko dɔnbaa don, ka bon Sénégal jamana kan.

An bɛna kɛnɛ nin kuncɛ ni banakicɛ "Variole du singe", kurukuubana, de ye, o min yɛra ka ban farafinna jamana 16 ɲɔgɔn kɔnɔ. An ka mɔgɔ weelelen ye, M. Bangaly DIALLO de ye, politikiko dɔnbaadon, ka bɔ an ye Sénégal jamana kɔnɔ.

Rfi mandenkan, ka ni dɔgɔkun kibaru be taa n’an ye Paris farikoloɲɛnajɛw ɲɔgɔnkunbɛnba Jeux Olympiques kan, o kɔfɛ, an bɛ taga  Guinée, ani Burkina Faso.
An ka mɔgɔ wɛlelen ye Kader TRAORE de ye, kunafonidila don, wa farikoloɲɛnajɛ kunnafoni dɔnbaga fana don,  ka bɔ Burkina faso.

Aw ka nin dɔgɔkun kibaru fanba bɛna boli, Guinée "28 septembre" kasara kiri jabiw de kan. O kiri min tun bɛ senna kabini san 2022. An ka mɔgɔ weelelen ye, M.  Lanssana CAMARA, de ye, kunnafonidiladon, ka bɔ an ɲɛ Guinée kɔnɔ.

An ka mɔgɔ weelelen ye, Mme Mariam Moussa Hari Maïga de ye. Kunnafonidila don, wa fana, studio tamani, kunnafonidilaw ka baara lakolosilibaa ɲɛmɔgɔba kɔrɔsigi don, ka bɔ an ye Mali jamana kɔnɔ.

Burkina-Faso marabagaw ye u ka ninsɔngoya yira k'a kɛɲɛ ni u ka jamanaden dɔw lasegili ye k'a bɔ Côte d'Ivoire jamana kan. Nin laseli kɛra marabaga jɛkulu ka kumanlasela Jean Emmanuel Ouedraogo le fɛ kunuminisiriw ka ladala lajɛrɛ senfɛ. 

Burkina-Faso Jamanaden 173, minisiri ka fɔla, olu gwɛna ka bɔ Côte d'Ivoire. Burkina marabagaw k'o jamana ma hadamadenw dɛmɛ sarya labato. 

Mɔgɔ 173 ninnu kunbɛn na Yendéré jamana fila ninnu dancɛ la. Wa fɛɛrɛw tara Burkina ɲɛmɔgɔw fɛ walasa k'a taga o mɔgɔ ninnu sigi cogo lajɛ mara in kɔnɔ, marabaga jɛkulu  kumanlasela ka fɔ la. 

Etats-Unis jamana kan, kumaw cayalen bɛ Donald TRUMP ka sibiridon kasara kɔ Pencilvany mara la. Fagaliwale min tun tara ka jamana ɲɛma kɔrɔ in sɛgɛrɛ yɛlɛn bɛ a kanubaga "republicain" dɔw fɛ yi ko democratew ka ko labɛnnen de.

Mali, Burkina ani Niger, Sahel jamanaw ka faraɲɔgɔn kan tɔn - Alliance des Etats du Sahel ka laje ba fɔlɔ kɛra kunu Niamey dugu kɔnɔ Niger faaba la. Jamana saba nunun ye latigɛ ta kuu ka faraɲɔgɔn kan kulu lasabati ka kɛ bolodi ɲɔgɔn ma jamana ka kulu ye noye confédération ye. A ɲɛmɔgɔya dira Mali jamana de ma, o min sharati ye san kelen ye.

Faraɲɔgɔn kan kulu’in wasa denw ka lajɛ nata bina kɛ Burkina wa u ka san wɛrɛ lajɛ bina boloda Niger jamana. Tiémoko DIARRA bɛ ɲɛfɔlikɛ an ye u ka Sahel jamanaw ka faraɲɔgɔn kan tɔn ka nin lajɛ'in kan.

Bi ye juillet kalo tilɛ 6 ye san 2024, an ka nin dɔgɔkun kibaru kɛnɛ kan, an bɛ tan Mauritanie, Sierra Leone, Benin ani France. An ka mɔgɔ weelelen ye Aboubacar Demba Diaby de ye, ale tɛ dunna ye aw fɛ, politikiko dɔnbaadon, sanfɛ kalanfa faa fana don, ka bo Guinée jamana na.

Bi sibiri, an bɛ kuman Colonel Assimi Goita ka Ouagadougou taama.

Kunnafolidilaw ka lafasatɔn RSF bɛ ka makasi kunnafolidiso L'Evènement ɲɛmaa diagoya  minɛli ko kan kunu. Atiana Serges OULON minɛra cɛ lakodonbaliw dɔw fɛ lon damani a ka kunnafolidiso yɛrɛ ka baaraw sɔnsɔrɔli kɔ kunnafolidilaw ka baara kɔlɔsi cɛgɛda CSC fɛ. O kɔ Mali la politiki mɔgɔ dɔw minɛ na ka don kasola Bamako.

CEDEAO jamanaw ka kɛlɛbolo minisiriw k'u mako bɛ dollarwari milliard 2 ni kɔ la  san kɔnɔ yasa o ka se ka kɛlɛkɛkulu, force en attente de la CEDEAO, ale  sigi ni kɛlɛcɛ ba 5 ye jatigɛwalekɛlɛli hokumu kɔnɔ.

Bi lɔgɔkun kunafoniw bɛ ta n'an ye, Sénégal ka kuman  . jamanaɲɛmaa Bassirou Diomaye FAYE ka France taama kan. Yen min na lajɛ dɔ sigila boloci-fura dilannen ko kan. 

Burkina Faso jamanakuntigi capitaine Ibrahim TRAORE y'a dantigɛ kunu Mansila jatigɛwalebinkanin ni RTB, forobajabaraniso mugupɛrɛn kɔ kunu. Mauritanie jamana na, jamanaɲɛmaakalata kanɲini ɲɛnagɛ be senkan .

Bi mɔgɔ welelen fila lo b'a bolo; a fɔlɔ ye lakanako ni politikiko dɔnbaga Oumar BERTHE ye ka bɔ France, ini ce, a filanan ye Kadidia DIAW ye ka bɔ Mauritanie, kunnafonidilalo Initiatives News kunafonidiso la.

.