Dɔgɔkun kibaruw

Bi sibiri in na an bɛ Sénégal, kan kosɛbɛ,latigɛ taara yen  jamana marabagaw fɛ ka dɔbɔ balofinw sɔngɔ la. 

O kɔ minisiri ɲɛama Ousmane SONKO ni kunnafonidilaw bi ɲɔngɔnsamasama na ni waga in na, a kɛlen kɔ ka bagabagali kan ta k'o sɛgɛrɛ. Sénégal alibi gazi laboli daminena kunu taratadon, Rufisque kogoji kan Dakar kɛrɛfɛ dugu do la. 

Nin wagati ma an ta na tɛgɛ ma, an bi na kuma Emmanuel MACRON ka politikitɔn gosili ra dunaw mangoya politki tonw (extrême-droite) fɛ UE ka wasadenw kalata senfɛ... An ka bi mɔgɔ welelen ye Bangaly DIALLO, Sénégal politikolɔnbaga lo.

An ye kunnafoni minnu fɛsɛfɛsɛ, o ye Corée du Sud jamana ni farafinna ka lajɛ tɛmɛnnen ye, Russie kɔkanko minisiiri, Serguei LAVROV fana tun bi tagama na farafinna, kalata kunnafoniw na, ANC politikitɔn gosi ra wasadenkalata tɛmɛnnen kɔ, o bi se ka famuya cogo di.

An ka mɔgɔ weelelen bɛna o jabi di an ma, farafinna jamana dɔw ra, ɲɔngɔnsamasama bi kunnafonidisow ani limpo sara cakɛdaw cɛ tuma, Sénégal yɛrɛ limpo sara cakɛda y'a tigɛ la kunnafonidiso dɔw ka wari ra, warimarasow kɔnɔ, o ye babu wɛrɛ ye fana a da sera min ma.

Nin lɔgɔkun ni na, kunnafoni taabolow tara n'a ye Burkina Faso, Sénégal,  yen an bɛ kuma na sigikafɔw min kɛra Burkina Faso lɔgɔkun tɛmɛnnen, ani kiriko ta min bi senkan Sénégal, olu kan, Sénégal alibi, an dasera jamanakuntigi Bassirou Diomaye FAYE ka AES jamanaw tagama ma, o kɔ an kumana fana Tchad ani RD Congo jamanaw ka marabagajɛkulu kura filaw kan.

Bi an bɛ baro kɛ ni ɲinilikɛla, ani politikolɔnikɛla N'gollo DIARRA lo ye. An bɛna  kuma La Guinée marabagaw ani kunnafonidiso saba cɛ gɛlɛya kan, o kɔ an da bɛna se Mali kɔkanden dɔw ka latigɛ ma, o min ye ka o tɔgɔla marabagajɛkulu sigi kɔka, n'o ko ma "gouvernement civil de transition".

O kɔ, an bɛna taga RD Congo lakanatigilamɔgɔw ka kumalasela Général Sylvain Ekenge jaa jira k'olu ye fagadafiriwale dɔ ɲɛkɔrɔtigɛ sibiri tɛmɛnen. O kɔ an bɛna kuma IRAN jamanaɲɛmaa ka saya ko kan, pankurun kasara dɔ senfɛ.

Bi kunnafoniw taabolo bɛ taga n' an ye, saheli mara la, an bɛ kuma lakandabaliya kan, o kɔn, a da bɛna se baɲunmakɛtɔn Amnesty International ka jatiminɛsɛbɛ ma, o min bi talikɛ binkanniw kan, minnu kɛ wulikalɔw senfɛ Lagine jamana na.

An bi  kuma na Faransi fangasinamatɔn "La France Insoumise" politiki ɲɛmɔgɔ Jean Luc Melanchon ni Sénégal marabagajɛkulu ɲɛmɔgɔ Ousmane Sonko ka lajɛ kan, o min kɛra Dakar, Sénégal faaba ra. Ni sanga dɔni to ra an bolo, an bi na se France, yen wuikalɔw tɛ ka mala Faransi Marabolo Nouvelle Caledonie kɔnɔ kabi Ntɛnɛlon.

Bi kunnafoniw taabolow bɛna se n'an ye, Tchad jamana na, yen an bɛna kuma  jamanaɲɛmaakalata latɛmɛn cogo kan. An kumana Mali jamana ka sigikafɔba kan.  Kɛnɛ in kan an bɛna kuma Niger ni Bénin cɛ gɛlɛya kan.  An ye baro kɛ ni PR Aboubacar DEMBA DIABY ye ka bɔ Conakry, politikolɔnikɛla lo.

An ka mɔgɔ weelelen fɔlɔ ye Lamine KABA ye, kunnafonidila lo ka bɔ Guinée, Espace TV kunnfondiso ra, a filana ye Sadio Morel KANTE ye, politiko dɔnbaadonale ni lakandako lɔnikɛla lo ka bɔ France, kunnafoniw tabolow bina se ni an ye, Tchad jamana na, yen an bina kuma  jamanaɲɛmakalata kanɲiniɲanagɛ kan.

Kɛnɛ ni kan, an bi na kuma baarakɛlaw tɔgɔla don kɛrɛnkɛrɛnnen mɛkalo tile fɔlɔ ɲɛnɛmayaliw kan, mɛkalo tile 03 tun ye kunnafonidilaw ka hakɛw lafasali lon kɛrɛnkɛrɛnnen ye,  na kuma o kan, an kuma na fana,  Etats-Unis ka kɛlɛbolo farafinna ARFICOM, ɲɛmaa ka farafinna tagama kan.

Avril kalo tile 25 ye. nin lon de sugnadira ka kɛ sumaya baana kɛlɛ lon diɲɛ kɔnɔ. O baana min bi yelema mɔgɔw la soso cinni fɛ, a bɛ ka dadigɛ kɛ diɲɛ kɔnɔ kɛrɛnkɛrɛnya la farafinna. Yasa ka sumaya baana kɔrɔtigɛ diɲɛ kɛnɛyako tonba OMS ye jamanaw ladi u ka sumaya boloci fura fila kɛ ka bolociliw kɛ, an bi na masala o babu kan, o kɔ, an bi na kuma Mauritanie jamanaɲɛnma kalata labɛnw ɲɛnbila kan.

Bi sibiri, an ye kunnafoni minnu ɲanatɔmɔ aw ye, olu ye ɲanaminifɛnw ani warimugukolonw minɛnni cayaye Sénégal lakana tigilamɔgɔw fɛ.

O kɔ, an bɛna kuma Soudan kɛlɛ san kelen kan, bi babu laban kan, an bɛna kuma Iran ni Israel ka bɛnbaliya kan.

An ka bi mɔgɔ weelelen ye, politikiko ani lakandako lɔnikɛla Cheick BERTHE ye ka bɔ France.

Mali la, politikitɔnw ni tɔn wɛrɛw ka politikibaaraw sonsoroli, Togo, fanga ni fangasinaw ka ɲɔgɔnsamaw, Ukraine ka lasigidenso dayɛlɛli Côte d'Ivoire kɔnɔ ani kunnafoni wɛrɛw. Dɔgɔkun kibaru baabuw de filɛ nin ye. An ka mɔgɔ weelelen tɔgɔ Thiambel GUIMBAYARA, politikiko dɔnbaga don, a sigilen bɛ France.