Dɔgɔkun kibaruw

Nin dɔgɔkun in na, an bɛ kuma wulikajɔw de kan France jamana kɔnɔ, minnu kɛra, funangeni Nahel fagali kɔfɛ, polisicɛ dɔ fɛ. Russie kɛnyɛrɛye kɛlɛkɛkulu Wagner ka dɔgɔkun laban tɛmɛnen murutiliwale ani Sierra Léonne jamanaɲɛmɔgɔkalata jaabiw fana bɛ sɔrɔ jɛmukan in kɔnɔ.

Olu kɔ, an be kuma kunnafoni wɛrɛw kan. An ka mɔgɔ weelelen tɔgɔ Thiambel GUIMBAYARA, kunnafonidila don, jateminɛkɛla fana don.

Wulikajɔ caman kɛra jamana nin kɔnɔ, ani a ka lasigidensow la diɲɛ jamana wɛrɛw la.

Sénégal jamana kɔnɔ, wulikajɔ minnu kɛra fangasina Ousmane SONKO ka kiiri jaabi bɔlen kɔfɛ, ka fara politikiko sigikafɔ kan, min laɲini bɔra jamana in ɲɛmɔgɔ Macky SALL fɛ, an be kuma olu de kan nin jɛmukan in na, ka fara kunnafoni wɛrɛw kan.

Jɛmukan in kɛnɛ mɔgɔ weelelen tɔgɔ Bintou CAMARA, kunnafonidila don ka bɔ Conakry avenirguinée kunnafonidiso baarakɛla don. An bɛ kuma jamana in kibarujɛnsɛnnaw ka murutili kan, min kɛra tarata tɛmɛnen. Ale ni diɲɛ kunnafoni wɛrɛw.

Nin dɔgɔkun in na, an ka mɔgɔ weelelen tɔgɔ Harouna Simbo DRABO.

Nin dɔgɔkun in na, an bɛ kuma Sénégal fangasina Ousmane SONKO ka kiiri jaabi de SQE kan, jaabi min na, kalo wɔɔrɔ juru donna a la. Ka fara o kan, FNDC tɔndenw labilali La Guinée jamana na, ani hakilinanfɔbaga wɛrɛw minɛni na Burkina Faso.

Kunnafonidilaw ka yɛrɛyeya don kɛrɛnkɛrɛnnen, mɛkalo tile saba, ani baarakɛlaw ka tɔgɔla don kɛrɛnkɛrɛnnen, mɛkalo tile fɔlɔ, an bɛ segin olu de kan, nin jɛmukan in kɔnɔ, olu minnu laɲɛnɛmanyara tile wolonfila tɛmɛnen in na.

Burkina Faso ani Mali lahaliyaw.  An b'u baabu ninnu  bɛɛ bɛ walanwalan n'an ka baroɲɔgɔn ye, Yaya Oumar DIARRA, Maliden don, politikiko dɔnbaga don, kalanfa don ka bɔ Bamako.

Nin dɔgɔkun in na, an bɛ kuma, Soudan kɛlɛw kan, Tchad donnatɛmɛfanga ɲɛmɔgɔ Mahamat Idriss Deby ka san fila mara, a fa, Idriss Deby tayannen kɔ, Rwanda jamanakuntigi Paul Kagamé ka farafinna tilebinyafan taama.