Dɔgɔkun kibaruw

Keretiyɛn katolikiw ka diinɛɲɛmɔgɔba, Pape François ye taama kɛ farafinna nin dɔgɔkun in na. A jɔra RDC ani Soudan.

France ka sɔrasiw minnu bɛ Burkina Faso, olu tagaliko, Cameroun jamanaden, kunnafonidila Martinez ZOGO ka fagaliko ani Ukraine ni Russie cɛ kɛlɛ. An bɛ segin kibaruya minnu kan nin dɔgɔkun in na, o de ye ninnu ye.

An ka mɔgɔ weelele ye Sénégal kunnafonidila ye. A tɔgɔ Sambou BIAGUI. Sénégal kunnafonidilaw ka ɲɔgɔndɛmɛtɔn ɲɛmɔgɔ don (Association de la presse pour l'entraide et la solidarité). A bɛ baara kɛ DTV kunnafonidiso la.

An ka mɔgɔ weelelen nin dɔgɔkun na, o ye Mariam KONE ye, kunnafonidila don ka bɔ Mali. A bɛ baara kɛ ‘’Infos Matin Quotidien’’ kunnafonidiso la. An bɛ segin jamana minnu ka kibaruw kan, u ye Mali, Burkina, ani Sénégal.

Musow kunkanko, kɛnɛyako, kalanko ani laminiko, an y'u baabuw de sugandi nin sen in na. An ka mɔgɔ weelelen tɔgɔ Harouna Simbo DRABO, kunnafonidila don, bɔlɔlɔ kan kunnafoniw sɛgɛsɛgɛbaga don.

San 2022 kɔnɔ, koba minnu kɛra Politiki sira fɛ, lakanako sira fɛ ani sɔrɔko sira fɛ, an bɛ segin olu de kan an ka jɛmukan na nin dɔgɔkun na.

La Guinée jamana na, Moussa Dadis CAMARA tun bɛ kiiritigɛlaw ɲafɛ k'a dantigɛ 28 septembre kasaraw kiiri hukumu kɔnɔ.

Nin dɔgɔkun in na, aw ka jɛmukan bɛ taga n'aw ye La Guinée, septembre kalo tile 28 kasaraw kiiri bɛ senna yen min na,  Sénégal, wasaden minnu y'u tɔɲɔgɔnmuso bugɔ, olu fana bolodara ka bila ntɛnɛ nata kan.

An ka mɔgɔ weelelen tɔgɔ Mamby DOUMBOUYA, farikoloɲanajɛ kibarujɛnna don ka bɔ Conakry, a bɛ baara kɛ "Afrique Infos Médias" kunnafonidiso la.

Nin dɔgɔkun in na, an bɛ kuma La Guinée politiko sigikafɔ kan, ani Charles Blé Goudé segiliko a faso la Côte d'ivoire, ka fara jamanadenw ka wulikajɔw kan Chine jamana ani diɲɛ ntolantan ɲɔgɔnkunbɛnba min bɛ senna Qatar.