សម្រាប់​អ្នកក្រីក្រ ​ឬអ្នកទីទាល់ក្រ ​និងមិនមាន​ចំណេះវិជ្ជា​ផងនោះ ​បានចាត់ទុក​ថាប្រទេសថៃគឺ​ជាឋានសួគ៌​នៃការងារ​ ដោយសារ​តែទីនោះពលករ​ចំណាក​ស្រុកខ្មែរ ​ទទួល​បានការងារ​ទាំងស្របច្បាប់ ​និងមិន​ស្របច្បាប់ ​ដោយមិនចាំបាច់​មានសញ្ញាបត្រ​អ្វីឡើយ។​ ​ក៏ប៉ុន្តែ​អំឡុងពេល​កូវីដនេះ ​ជាពិសេស​ពេលកំពុង​មានការរាត្បាត​យ៉ាងលឿន​នៃមេរោគ​កូវីដ​បំប្លែង​ថ្មីប្រភេទ​ដែលតា​(Delta) ​ទីផ្សារ​ ការងារ​ ជាច្រើន ​នៅក្នុង​ ប្រទេស ​ថៃត្រូវបានបិទ​  ហេីយពលករ​ចំណាកស្រុក​ខ្មែរជាច្រើន​កំពុង​ស្ថិតនៅ​ក្នុងស្ថានភាព​«ចុះទឹកក្រពើ ​ឡើងលើខ្លា»​។