Draumaliðið

Jón Kári Eldon er farsæll grafískur hönnuður sem heldur úti skemmtilegum twitter reikningi í eigin nafni en er fyrst og síðast hluti af týndu gullkynslóð íslenskra knattspyrnumanna sem hafa staðið í skugganum af hinni raunverulegu gullkynslóð sem hefur leitt þjóðina á EM og HM. Jón Kári er einn af mönnunum á bakvið eitt ótrúlegasta ævintýri í sögu íslenskrar knattspyrnu þegar hann fór með firmaliði sínu KV alla leið upp í næstefstu deild á Íslandi. Jón Kári er grasrótin, Jón Kári er ég og þú, sál fótboltans er í húfi.

Kristján Óli Sigurðsson, Blönduósartryllirinn, kom í bæinn til að stunda nám í Verzlunarskólanum haustið 1996 og endaði sem verslunarprófshafi og stúdent frá MK og leikmaður í meistaraflokki Breiðabliks. Stjáni hefur þess utan spilað í hinum ýmsu bæjarfélögum út á landi, þ.e. heimahögunum á Blönduósi, Selfossi, Sandgerði og Ólafsvík, og hefur marga fjöruna sopið í boltanum. Stjáni er líka bara meistari og auðvitað Höfðinginn!

Salih Heimir Porca lenti á Íslandi 4. febrúar 1990 og hefur lifað í sátt og samlyndi við íslensku þjóðina frá þeim degi, ef undan eru skilin einhver atvik frá knattspyrnuvellinum. Hann spilaði með Selfossi, Val, Fylki, KR og Breiðablik hér á landi og var einn albesti leikmaður deildarinnar á 10. áratugnum en hann varð bikarmeistari með Val árið 1992 og tvívegis með KR, 1994 og 1995.

Brynjar Björn Gunnarsson spilaði frá 1999 til 2013 á Englandi og vann sig upp úr League 1 í Premier League á þeim tíma. Hann spilaði með Stoke City, Nottingham Forest, Watford og Reading á þessu tímabili ásamt því að spila 71 landsleik fyrir Ísland.

Þátturinn er í boði Lengjunnar og Session Craft Bar og einnig í samstarfi með ÓK Bón, SuitUp og BYKO

Guðmann Þórisson, eða Tuðmann eins og þjóðin kallar hann oft, var auðmýktin uppmáluð og lét tuðið eiga sig þegar hann mætti í Draumaliðið. Hann rúllaði yfir Draumaliðið sitt í þættinum og lagði ríka áherslu á að liðspartýin yrðu að vera góð þegar liðið myndi taka móralskan saman. Fórum líka yfir tíma hans í atvinnumennsku, af hverju hann hefur tekið FH framyfir Breiðablik tvívegis og tímana með Hjörvari og Höfðingjanum í Breiðablik 2005.

PSA - það þarf mögulega eitthvað að skrúfa upp í hljóðinu í tækjunum sem þið eruð að nota til að hlusta, tæknimennirnir að skíta á sig.

Gummi Ben er goðsögn hjá allri íslensku þjóðinni hvort sem er sem lýsari eða knattspyrnumaður. Hann var talinn einn efnilegasti leikmaður Evrópu á sínum tíma en varð að láta sér nægja að vera bara bestur á Íslandi en ekki bestur í heimi. Gummi spilaði með allflestum af bestu leikmönnum landsins og því var vandasamt verk að velja en hann mætti í stúdíóið með rifna blaðsíðu úr stílabók sem innihélt 67 nöfn. Góða skemmtun, allt saman í boði Session Craft Bar og Lengjunnar

Arnar Gunnlaugsson er heitasti þjálfari landsins í dag og ég ætla rétt að vona að flestir viti að um það leyti sem hann skrifaði undir tilvonandi Hollandsmeistaraliði Feyenoord var hann talinn einn efnilegasti leikmaður Evrópu. Arnar spilaði með Feyenoord, Sochaux, Nurnberg, Bolton, Leicester, Stoke og Dundee á atvinnumannaferlinum en á Íslandi spilaði hann með nánast öllum liðum landsins og lék við góðan orðstír til tæplega fertugs.

Jón Ragnar Jónsson er miklu meira en bara tónlistarmaður. Hann á tæpa 100 leiki í efstu deild og náði með miklum dugnaði að sanna fyrir áhugamönnum um íslenskan fótbolta að hann væri töluvert meira en bara einhver klappstýra og dr. pepper á hliðarlínunni hjá FH. Jón sagði okkur góðar sögur úr klefanum frá tíma í sínum í FH og gerði upp Draumaliðið sitt í stórkostlegu spjalli.

Draumaliðið er í boði Session Craft Bar, langbesta pub bæjarins á Bankastræti 14, og Lengjunnar, íslenskt já takk.

Iðnaðarmaður liðsins í boði BYKO var að sjálfsögðu valinn eins og venja er en þá útnefndi Jón einnig þann verst klædda sem hann deildi klefa með á ferlinum, í boði SuitUp Reykjavík.

Mikael Nikulásson er einn skemmtilegasti maður landsins og hann sveik ekki Draumaliðið þegar hann setti saman byrjunarlið skipað af bestu leikmönnum sem hann hefur spilað með á ferlinum. Stútfullur þáttum af alvöru sögum úr ástríðunni í neðri deildunum sem og mjög frambærilegum yngri flokki í Vesturbænum, allt saman á tandurhreinni íslensku eins og Mike er einum lagið. Ef menn hlusta á einhvern þátt í þessu podcasti þá er það þessi.

Jóhannes Karl Guðjónsson Aka Joey Gudjonsson átti frábæran feril sem atvinnumaður í Belgíu, Hollandi, Spáni og Englandi og spilaði undir mörgum heimsfrægum knattspyrnustjórum og öðrum mögnuðum karakterum. Hann gerði upp ferilinn og valdi bestu leikmenn sem hann spilaði með.