Draumaliðið

Kristinn Tómasson er markahæsti leikmaður Fylkis á Íslandsmóti en fyrsta markið skoraði hann einungis 17 gamall, algjörlega lygilegt mark í anda Dennis Bergkamp sem reyndist sigurmark Fylkis gegn FH og hrifsaði Íslandsmeistaratitilinn úr höndum FHinga. Árin á eftir raðaði Kristinn inn mörkunum og hélt alltaf tryggð við uppeldisklúbb sinn. Því er um að ræða enn eitt draumaliðið frá á a one club legend (mínus eitt season í Fram undir restina)og því kjörin hlustun fyrir alla Fylkismenn. Allez Oranje!

Andri Geir Gunnarsson, annar af þáttastjórnendum Steve Dagskrá, veit allt um takkaskó auk þess að vera einn af dáðustu sonum ÍH. Hann hefur upplifað tímana tvenna, enda af týndu gullkynslóðinni auk þess sem hann söðlaði um á yngri árum og skipti úr uppeldisfélagi sínu Haukum yfir í stjörnumprýtt lið Breiðabliks í 3. flokki. Andri fór yfir bestu samherja sína, gleðistundirnar og sorgirnar, í almennu luppgjöri sínu við fótboltann og lífið hjá Draumaliðinu.

Kári Árnason teikaði gullkynslóðina tæplega þrítugur eftir slitróttan landsliðsferil og hefur átt stóran þátt í mesta blómaskeiði íslenska landsliðsins. Kári hefur þess utan átt virkilega skemmtilegan feril í atvinnumennsku þar sem hann hefur spilað í Skandinavíu, Skotlandi, ensku neðri deildunum, Kýpur og Tyrklandi. Kári er fullkominn viðmælandi fyrir Draumaliðið, einstaklega skemmtilegur og hreinskilinn og Draumaliðið hans var eftir því.

Logi Ólafsson er einn af örfáum þjálfurum á Íslandi sem hefur orðið Íslandsmeistari með karlalið og kvennalið ásamt því að hafa þjálfað íslenska A landslið karla og kvenna. Logi er auðvitað einn fyndnasti maður landsins og sagði mér ekkert eðlilega fyndnar sögur í tæplega tvo klukkutíma frá þjálfaraferlinum og hann valdi byrjunarlið af bestu leikmönnum sem hann þjálfaði frá ferlinum, sitt Draumalið.

Prince Rajcomar kom til landsins í byrjun árs 2007, 21 árs unglingalandsliðsmaður frá Hollandi, og lék með Breiðablik í tvö ár áður en KR fékk hann til sín þar sem hann var hluti af The Quintet of Quality sóknarlínu KRinga sumarið 2009 áður en hann fór til ungverska efstu deildar liðsins Zalaegersegi (stafsetning pending). Eftir Prinsinn liggja ótrúlegar sögur eins og aðdáendur Draumaliðsins hafa heyrt í þáttunum en hvaða leikmenn heilluðu hann mest á Íslandi? Í sérstökum Draumaliðs special þætti hringdum við í Prince Rajcomar og fengum að heyra Draumalið hans frá þessum þremur tímabilum á Íslandi.

Gunnar Örn Jónsson er Fjölnismaður sem vann alla titla sem í boði voru áður en hann skipti yfir í yngri flokka Breiðabliks og skaraði fram úr undir styrkri leiðsögn Salih Heimis Porca. Þaðan elti hann peninga og frægð hjá KR og var hluti af The Quintet of Quality eins og gárungar kölluðu 5 manna sóknarlínu KR árið 2009. Hann spilaði A-landsleik og varð Íslandsmeistari árið 2011 en færði sig þá yfir til Stjörnunnar og síðar Fylkis en lagði skóna óvænt á hilluna árið 2014, aðeins 29 ára gamall.

Guðmundur Torfason deilir markametinu í efstu deild, spilaði í tæpan áratug sem atvinnumaður í Evrópu og er meðal annars goðsögn hjá St. Mirren eftir að hafa lagt grunninn að einum stærsta sigri félagsins síðustu ár þegar liðið lagði stórlið Glasgow Celtic 0-3 á útivelli. Hér heima var Gummi hluti af því stórveldi sem Fram byggði á 9. áratugnum og varð Íslandsmeistari 1986 og bikarmeistari 1979, 1980 og 1985.

Hermann Hreiðarsson er 8. leikjahæsti erlendi útileikmaður Premier League frá upphafi og þrátt fyrir að hafa fallið með nánast hverju einasta liði sem hann spilaði með er hann goðsögn á nánast öllum stöðum. Hann er eini íslenski leikmaðurinn til að sigra elstu og virtustu bikarkeppni í heimi og elskar ekkert meira en að taka góða Elvis eftirhermu, láta leikmenn heyra það og lemja Auðunn Blöndal.

Ingó var á sínum tíma gríðarlega efnilegur unglingalandsliðsmaður áður en hann varð einn farsælasti tónlistarmaður þjóðarinnar. Ingó var í yngri landsliðum með stjörnum á borð við Kjartani Henry og Ragga Sig en endaði knattspyrnuferil sinn sem markmaður og spilandi þjálfari hjá fallliði Hamars í Hveragerði. Í millitíðinni fór hann í gegnum mesta blómaskeið í sögu uppeldisfélags síns á Selfossi ásamt goðsagnakenndum leikmönnum sem rætt var um í þættinum og Draumalið Ingó valið.

Halldór Smári Sigurðsson var langt frá því að vera besti leikmaðurinn í yngri flokkum Víkings og að eigin sögn lagði hann ekkert endilega inn the extra work, hann bara var þarna og mætti á æfingar. Í dag er hann 32 ára og ef allt er eðlilegt verður hann leikjahæsti leikmaður i sögu Víkings í sumar eða næsta sumar. Halli er stórskemmtilegur maður og sagði okkur frábærar sögur frá misgóðum tímum enda hefur það kostað blóð, svita og tár að vera Víkingur síðastliðinn ár en hann var heldur betur verðlaunaður síðasta sumar þegar hann varð bikarmeistari með uppeldisfélagi sínu. Ekki til betri maður til þess að velja besta lið Víkinga frá síðustu 15 árum.